မနက်စာပြင်နေသော မြတ်လေးသွယ်၏ခါးကို ခင်ပျိုမူ၏လက်များဖြင့် နွယ်လိုရစ်ကာ မြတ်လေးသွယ်၏ပုခုံးထက် ခေါင်းကိုအသာမှီထားသည်။
မြတ်လေးသွယ်က ခင်ပျိုမူကို တစ်ချက်လှည့်ကြည့်ကာ သူ့အလုပ်သူဆက်လုပ်နေသည်။
" ဒေါက်တာကကော်ဖီကြိုက်တယ်နော် "
" မဟုတ်ပါဘူး လက်ဖက်ရည်ကြိုက်တာ"
" ဟင် အတည်ပြောနေတာလား "
" အတည်ပြောနေတာပေါ့။ဒါမယ့်ကလေးမတစ်ယောက်ကော်ဖီသောက်နေတာမြင်ပြီး ဪ သူလေးကော်ဖီကြိုက်တာပဲဆိုပြီးကော်ဖီပြောင်းသောက်တာ "
" အဲ့ကလေးမဆိုတာ ကျွန်မကိုပြောနေတာလား "
" အွန်းပေါ့။မဟုတ်ရင် ဘယ်သူဖြစ်ရမှာလဲ "
မြတ်လေးသွယ်ကပြုံးကာ ခင်ပျိုမူ၏လက်တို့အား သူမခါးမှဖယ်ချလိုက်သည်။သို့သော် ခင်ပျိုမူက အတင်းဖက်ထားလေသည်။
" နေပါဦး ဒီတိုင်းလေးနေပါရစေဦး "
" ဒေါက်တာက ကလေးကျနေတာပဲ "
" ကလေးပဲလေ။မြတ်လေးသွယ်ရဲ့ကလေးလေးလုပ်ချင်တာ "
" အသက်ကဖြင့် "
" ဟေ့ဟေ့ တော်လိုက်ဝောာ့ "
ခင်ပျိုမူက စိတ်ဆိုးဟန်ဆောင်ကာ ဖက်ထားသောလက်တို့အား ပြန်ရုတ်ကာ စားပွဲ၌ဝင်ထိုင်လေသည်။မြတ်လေးသွယ်က ပြုံးစိစိလုပ်နေသည်။
အတော်ကြာသည်အထိ မြတ်လေးသွယ်က မချော့တော့ ခင်ပျိုမူ စိတ်ကောက်သည်မှာအပိုဖြစ်လာသည်။မြတ်လေးသွယ်မှာ ကော်ဖီကိုတစိမ့်စိမ့်သောက်နေသည်။
" မြတ်လေးသွယ် "
" ရှင့် "
" ကြည့်။ တို့စိတ်ကောက်နေတယ်လေကွာ "
" ဪ...စိတ်ကောက်နေတာလား "
" မသိဘူးပေါ့လေ မသိဘူးပေါ့လေ။ရတယ်ရတယ် "
ခင်ပျိုမူကထမင်းစားပွဲမှထထွက်သွားရန်ပြင်သည်မို့ မြတ်လေးသွယ်က လက်ကိုလှမ်းဆွဲလိုက်သည်။ခင်ပျိုမူက မြတ်လေးသွယ်ပေါင်ပေါ်သို့ ထိုင်လျှက်သားဖြစ်သွားလေသည်။
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
Romanceနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
