နွေဥတု၏နေမထွက်သေးသော အလင်းရောင်ပြပြအောက်၌ ကားတစ်စီးရပ်ထားသည်။ဒေါက်တာခင်ပျိုမူက သူမ၏ကားဆီသို့ရှေးရှုကာ ဖြေးဖြေးချင်းလာသည်။ကားဆီသို့ရောက်သည်နှင့် ကားတံခါးကိုဆွဲဖွင့်လိုက်သည်။ထိုအချိန် ခေါင်းထဲမူးဝေကာ မိုက်ခနဲဖြစ်ပြီး လူကယိုင်သွားသည်။သို့သော် ယိုင်လဲသွားဟန်ဖြစ်သွားသော ခန္ဓာကိုယ်အား လက်တစ်စုံက ထိန်းလိုက်သည်။
" ဒေါက်တာကြီး အဆင်ပြေရဲ့လား "
နားထင်ကိုလက်မဖြင့်အသာဖိကာ မျက်လုံးကို ခေတ္တမှိတ်ပြီး ဝေဒနာသက်သာအောင်နေလိုက်သည်။ပြီးမှ မျက်လုံးဖွင့်ကာ မြတ်လေးသွယ်အားကြည့်လိုက်သည်။
" ကျေးဇူးပါပဲ "
" ရပါတယ်။ကားမောင်းလို့မဖြစ်ဘူးထင်တယ် "
မြတ်လေးသွယ်က ကားကိုမောင်းကာ ခင်ပျိုမူ၏အိမ်သို့လိုက်ပို့သည်။
" အိမ်ကိုဘယ်လိုသိနေတာလဲ "
မြတ်လေးသွယ်ကမဖြေ။မြတ်လေးသွယ်ကို ငြင်းပြီးသည့်နောက် မြတ်လေးသွယ်၏အမူအရာမှာ ဆေးရုံမှာအလုပ်လာလျှောက်သည့်အချိန်ကပုံစံအတိုင်းဖြစ်နေသည်။အရင်လို စိတ်ဖိစီးစရာတစ်ခုခုရှိနေသည့် မကြည်မလင်မျက်နှာမျိုးမဟုတ်ပဲ၊ ပကတိတည်ငြိမ်သောအသွင်ဆောင်နေသည်။
" ညဂျူတီကျတာလား ဒေါက်တာကြီး "
ဒေါက်တာခင်ပျိုမူ ခေါင်းငြိမ့်ပြသည်ကို မြတ်လေးသွယ်မျက်ထောင့်မှ လှမ်းမြင်လိုက်သည်။မြတ်လေးသွယ်သိသိရက်နှင့်မေးခြင်းဖြစ်သည်။ဒေါက်တာခင်ပျိုမူ ညဂျူတီရှိမှန်းသိ၍ သူလည်းတစ်ညလုံးဆေးရုံမှာရှိသည်။ဒေါက်တာခင်ပျိူမူအနေခက်မည်စိုး၍သာ ရုံးခန်းထဲမှာမနေခြင်းဖြစ်သည်။
ဒီလိုဆိုတော့ သူတို့ချစ်ခင်တုန်းကအချိန်ကိုသတိရမိသည်။ဒီတုန်းကတော့ ဒေါက်တာခင်ပျိူမူက မြတ်လေးသွယ်အားစောင့်ပေးသည်ပေါ့။ယခုတော့ ဒေါက်တာခင်ပျိုမူကသားကောင် မိမိကမုဆိုး ဖြစ်နေသည်။
" ညကအိမ်မပြန်ဘူးလား "
မြတ်လေးသွယ်က အံ့ဩသောမျက်နှာထားဖြင့် ဒေါက်တာခင်ပျိုမူအား ဆက်ခနဲလှည့်ကြည့်လိုက်သည်။ဒေါက်တာခင်ပျိူမူကပြုံးသည်။
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
Romanceနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
