လူနာဇယားတွေတစ်ခုပြီးတစ်ခုကို သေချာစစ်ဆေးရင်း အပြင်ဘက်က ဆူညံသံတွေကြောင့် ဒေါက်တာ ခင်ပျိုမူ အခန်းပြင်သို့ထွက်လာခဲ့သည်။
“ ဟေမာန် ဘာတွေဖြစ်နေတာလဲ ”
“ ဒေါက်တာမြတ်လေးသွယ် ပြဿနာဖြစ်နေတာထင်တယ် ”
ကြားသည်နှင့်တစ်ပြိုင်နက် ပြဿနာအရင်းအမြစ်ရှိရာဆီသို့ ပြေးထွက်လာခဲ့သည်။လူက အတော်အုံနေသည်။ပြဿနာကို ကူညီဖြေရှင်းကြမယ် မတွေးပဲရပ်ကြည့်နေသော ဆရာဝန်များကို တမင်ပင် ပခုံးနဲ့ဝင်တိုက်ကာ လူကြားထဲတိုးဝှေ့လိုက်သည်။
“ ဒါကဘာဖြစ်နေကြတာလဲ ”
အသံကို ဟောလ်တစ်ခုလုံးကြားအောင် အော်ဟစ်လိုက်တော့ အကုန်တိတ်ဆိတ်သွားသည်။
“ ဒါဘာဖြစ်နေတာလဲ။ လူတွေအုံနေကြတာ မင်းတို့မရှက်ကြဘူးလား ”
စောနားဟုခေါ်သော ကရင်သူနာပြုဆရာမနဲ့ ဒေါက်တာမြတ်လေးသွယ်က ဒေါ်ခင်ပျိုရှေ့ လာရပ်သည်။
“ ဘာတွေဖြစ်နေတာလဲ ”
“ ဒေါက်တာကြီး။ကျွန်မ လူနာကို ဆေးတိုက်နေတာ ဒါကို ဒီကဒေါက်တာမြတ်လေးသွယ်က မတိုက်ရဘူးဆိုပြီးတားလို့ ပြန်ပြောမိတာပါ ”
ဒေါက်တာခင်ပျိုက မြတ်လေးသွယ်ဘက်လှည့်ကာ ဘယ်လိုလဲဟုပုံစံဖြင့် မျက်ခုံးပင့်ပြလိုက်သည်။
“ သူနာပြုဆရာမပေးနေတဲ့ဆေးနှစ်ခုကမတည့်ဘူးဒေါက်တာ။ဒါကြောင့် ကျွန်မ တားလိုက်တာပါ ”
“ ပြ အဲ့ဆေး ”
သူနာပြုဆရာမက တုန်တုန်ရီရီဖြင့် သူ့လက်ထဲက ဆေးကို ပြသည်။claritinနဲ့ clarinex။
“ မင်းလည်း သူနာပြုတစ်ယောက်ပဲ။ဒီဆေးနှစ်ခုဟာ တည့်မတည့် မင်းမသိဘူးလား တစ်ကယ်လို့မင်းမသိပါဘူးလို့ပြောရင် မင်းကိုရော မင်းကိုခန့်တဲ့သူနာပြုချုပ်ပါ အလုပ်ကထုတ်ပစ်မယ် ”
သူနာပြုဆရာမစောနားက အထိတ်
တလန့်ဖြင့် ငိုယိုလေသည်။
“ မတည့်မှန်းကျွန်မသိပါတယ်။ ဒေါက်တာတင်ဦးကိုလည်း ကျွန်မပြောပါတယ်။ သူက တိုက်ဆိုတိုက်လိုက် မဟုတ်ရင် ကျွန်မကို အလုပ်ထုတ်ခံရမယ်ဆိုလို့ မလွန်ဆန်ရဲလို့ပါ ”
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
言情နှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
