『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 36 (Z+U)

ရှုကျုံးက သိမ်မွေ့စွာပြုံးပြလာခဲ့တယ်။ "သတိထားရမယ့်အရာမရှိပါဘူး။ Mr.ချိကလည်း သည်းခံစိတ်ရှိသလို၊ Mrs.ဝမ်ကလဲ အရမ်းကိုကြင်နာတတ်ပါတယ်။ချိဟန်ကတော့ နည်းနည်းပွင့်လင်းပြီး၊ စကားကိုခပ်တန်းတန်းဘဲပြောတတ်ပေမယ့် မင်းအနေနဲ့သူ့ကိုဂရုမစိုက်လဲရပါတယ်"

ချိယွမ်ရှန်းက သည်းခံစိတ်ရှိတယ်?

အကယ်၍ ချိယွမ်ရှန်းသာ သည်းခံသနားစိတ်ရှိခဲ့ရင်၊ အခုလိုတွေဖြစ်လာခဲ့ပါ့မလား?

ချိယွီက ဘာမှပြောမလာခဲ့ဘဲ၊ ခေါင်းသာငြိမ့်ပြလိုက်ကာ ပြီးနောက်၊မေးလိုက်တယ် : "ကျွန်တော်သွားလို့မရတဲ့ တားမြစ်နေရာတွေများရှိသလား?"

ရှုကျုံးကပြန်ဖြေလာခဲ့တယ် : "မရှိပါဘူး။ မင်းသွားချင်တဲ့နေရာသွားလို့ရပါတယ်"

"ကောင်းပါပြီ၊ကျေးဇူးပါ" ချိယွီက ပြန်ပြုံးပြလိုက်တယ်။

သူက ဒီတစ်ခါမှာ ဘာကြောင့်နဲ့မှပြန်လာတာမဟုတ်ဘဲ၊ မူလကိုယ်က ဘယ်သူဘယ်ဝါဖြစ်ကြောင်း အတိအကျသိရစေဖို့သာ လာခဲ့တာဖြစ်တယ်။

ထိုအခါမှသာ သူ့ရဲ့နောက်ခံ၊ နောက်ကြောင်းကိုသိရမှာဖြစ်ပြီး၊ သူတစ်ယောက်တည်းအတွက်သာမက ရှောင်ကျိုးလေးပါ မှီခိုအားထားပြုနိုင်စေဖို့နဲ့ ဤအမွေနဲ့ပစ္စည်းတွေဟာလည်း မူလကိုယ်ရသင့်ရထိုက်တဲ့အရာတွေဖြစ်တာကြောင့် သူ့အနေနဲ့ အေးဆေးတည်ငြိမ်လို့နေတယ်။

"ဘာများ ထပ်မေးချင်တာရှိသေးလဲ?" ရှုကျုံးက ထပ်မေးလာခဲ့တယ်။

"ခင်ဗျားကရော?"

ချိယွီက ထိုလူ့ဘက်မေးကိုငေါ့ပြလိုက်ကာ : "ခင်ဗျားနဲ့အတူရှိနေရင်၊ကျွန်တော် ဘယ်အရာကိုသတိထားသင့်လဲ?"

ရှုကျုံးရဲ့နှုတ်ခမ်းထောင့်တွေက ပိုမြင့်တက်လို့သွားကာ၊ သူက လက်ကိုဆန့်ကာ မျက်မှန်ကိုပြန်ပင့်တင်လိုက်ပြီးမျက်မှန်နောက်က ဖုံးကွယ်လို့ထားတဲ့ မျက်လုံးတွေဟာလည်း အစစ်အမှန်ဟုတ်မနေသယောင်။

"ကျွန်တော့်ကို သတိထားနေစရာမလိုပါဘူး"

ချိယွီက သူ့ပါးပေါ်ကို လက်တစ်ဖက်ဖြင့် ထောက်လိုက်ကာ၊သူ့မေးစေ့ကို သူ့လက်ချောင်းထိပ်တွေနဲ့ ပွတ်သပ်နေလိုက်တယ်။