system 091

(5.12)

လူသုံးဦးတိုက်ခိုက်နေသည်ဆိုတာထက်မိန်းကလေးတစ်ဦးကိုအနက်ရောင်ဝတ်တိုက်ခိုက်ရေးသမားနှစ်ယောက်ဝိုင်းတိုက်ခိုက်နေသည်ဆိုရင်ပိုမှန်ကန်ပေလိမ့်မည်။မိန်းကလေးဖြစ်သူမှာအဖြူရောင်ပိုးသားဝတ်စုံကိုဝတ်ဆင်ထားပြီးလွန်စွာလှပသည်။သူမတွင်မီးခိုးရောင်ဖျော့ဖျော့မက်မွန်ပွင့်သဏ္ဍာန်မျက်လုံးဝိုင်းတစ်စုံနဲ့အတူလှပတဲ့ချယ်ရီရောင်နှုတ်ခမ်းပါးရဲရဲလေးတစ်စုံလည်းရှိသည်။

နှာတံသွယ်သွယ်စင်းစင်းလေးနှင့်ဘဲဥသဏ္ဍာန်မျက်နှာလေးကိုပါထည့်ပေါင်းလိုက်ပါကတကယ့်ကိုပြည်ပျက်စေနိုင်သည့်အလှလေးတစ်ယောက်ပင်ဖြစ်သည်။သူမ၏ဘေးနားတွင်ယုန်ဖြူလေးတစ်ကောင်မှာပျံသန်းလျက်ရှိနေပြီးအနက်ရောင်ဝတ်တိုက်ခိုက်သူနှစ်ဦးကိုလျှပ်တစ်ပြက်ဖြင့်လျှင်မြန်စွာတိုက်ခိုက်ပေး၍မိန်းကလေး၏ဖိအားကိုလျော့ချပေးနေသည်။

ထိုယုန်ဖြူလေးမှာလျှပ်စီးကဲ့သို့အလွန်လျှင်မြန်လှသောကြောင့်အနက်ရောင်ဝတ်တိုက်ခိုက်သူနှစ်ဦးမှာဖမ်းဆီးမရဖြစ်နေခဲ့သည်။ထိုယုန်အမျိုးအစားသားရဲမှာမိန်းကလေး၏ကိုယ်ပိုင်စာချုပ်သားရဲဖြစ်ပြီးလျှပ်စီးယုန်ဟုခေါ်သည်။လျှပ်စီးယုန်တွေမှာလွန်စွာလျှင်မြန်ပြီးခြုံခိုတိုက်ခိုက်ရာတွင်လွန်စွာကျွမ်းကျင်ကြသည်။

တိုင်းပြည်ပျက်လောက်အောင်လှပသည့်မိန်းကလေးမှာအမှန်တကယ်ကိုဇာတ်လိုက်မ*2*ဖြစ်သူအကြီးအကဲဆု(ခေါ်)ဆုဖေးယွဲ့သာဖြစ်သည်။ကျန်အနက်ရောင်ဝတ်တိုက်ခိုက်သူနှစ်ဦးမှာကြီးမြတ်သူအဆင့်၃နှစ်ဦးဖြစ်သော်လည်းကြီးမြတ်သူအဆင့်၂ဆုဖေးယွဲ့မှာဇာတ်လိုက်မတစ်ယောက်ရဲ့အရှိန်အဝါကြောင့်ထိန်းချုပ်နိုင်ခဲ့သည်။သို့သော်လည်းအချိန်ကြာလာတာနဲ့အမျှဆုဖေးယွဲ့၏ခန္ဓာကိုယ်ပေါ်ရှိဒဏ်ရာဒဏ်ချက်တွေမှာပိုမိုများပြားသထက်များပြားလာပြီးထိန်းချုပ်ရန်ခက်ခဲလာသည်။

လေပေါ်ရှိတိုက်ပွဲမှာလွန်စွာကြောက်မက်ဖွယ်ကောင်းပြီးပြင်းထန်နေပေမယ့်ကျောက်ဂူ၏အဆုံးမရှိဟန်ကျယ်ပြန့်သောနေရာကြီး၌ကျောက်စလေးတစ်စတောင်ပဲ့ထွက်မသွားခဲ့ပါချေ။၎င်းကကြီးမြတ်သာအဆင့်ကျင့်ကြံသူတွေကြားကပြင်းထန်သောတိုက်ပွဲဖြစ်ပေမယ့်လည်းပတ်ဝန်းကျင်မှာတစ်ခုမှထိခိုက်ခြင်းမရှိတာကိုကြည့်ခြင်းအားဖြင့်ကျောက်ဂူကြီးမှာမည်မျှထိထူးဆန်းပြီးခိုင်ခံကြောင်းသိသာထင်ရှားနေသည်။