لعنة حبي الكاذب

البارت السابع والاربعون

كانت لحضة صدمه بالنسبه النا خصوصا واحنا مافاهمين شي والاغرب فيان طلعت من البيت بنص هوستنه وهم مافهمنه منها شي

مرت ساعات واحنا قلوبنا مثل النار نتصل بيهم ميردون اخر شي رد علينا فاروق وكلامه كان صاعقه بالنسبه النا كال.....

فاروق :فيان مخبره على حازم بتهمة قتل امير وولدها

شيماء :شنووو ؟! شلون وليش هيج سوت؟

فاروق :للان مافهمنا شي المشكله ورا مادخلنا المركز
حازم صار عنده نزف ووضعه فد مره صار و تخربط
وهسه احنا بالمستشفى طلعت عمليته مفتوحه وضغطه مرتفع

شيماء : لا يربي شلون سالفه هاي وهسه شلونه ؟

فاروق :احسن من برا بس داخله الله واعلم لان بس ساكت

شيماء :كان يوم صعب والاصعب من سمعنا بي متخربط

ام فاروق من سمعت تخربطت والمشكله ماكو احد يمنا رحت على جيرانا اخذنا للمستشفى طلع ضغطها كلش مرتفع انطوها دوا واصرت ترجع رجعناها للبيت واني كلبي مفور على فيان صدك كرهتها بوقتها طلعت بوجهي على بيت اختها

فيان :نفذت الي براسي رحت واجهته بس الغريب من شفته ضعفت و نضراته دمرتني ومن شفته نزف احس قلبي نزف ويا

رغم كل الادله ضده بس نضرات عيونه تكلي هو بريء وكلماته الاخيره قبل ليطلع خلتني اشك حتى بنفسي

ضليت اتساءل معقوله اني غلطانه؟

معقوله ضلمته؟

زين شلون والادله كلها ضده اكيد موغلطانه والا الشرطه شعدهم اجوي اعتقلوا يجوز لاكين ادله ضده

نرجس :زين ليش ماكلتيلي كل الي دتفكرين بي ليش كلشي عشتي وفكرتي بي وحدج؟

ليش ماشاركتيني بي على الاقل كان فكرنا سوا ؟

فيان :لتزعلين مني ماضل عندي ثقه حتى بيج موعبالج مااعرف انتي تتخابرين ويا حازم وتسولفيله كل شي عني ولتكولين لا لان سمعتكم باذني

نرجس :مع الاسف عليج انتي الضاهر فقدتي عقلج ولج اني اختج شلون هيج تفكرين بيه ؟

بس ماالومج حقج بسبب الطعنات الي انطعنتيها بحياتج تصورتي كل الناس نفس الشي

خلي بالج حازم من تخربطتي اجى شافج وعالجج وضل يمج ومن طلع وصاني عليج وضل يوميه يتصل حتى يطمئن لااكثر ولااقل

فيان :عفتها ودخلت للغرفه لان اعصابي ممتحمله احد ولاملامه

ورا كم ساعه سمعنه صوت الباب فتحته نرجس ودخلت وياها شيماء دخلت عصبيه ومن غير سلام كالت....

شيماء : مع الاسف عليج ولج انتي شنو من بشر اني سامعه جزاء الاحسان هو الاحسان احنا شنو سوينالج وجازيتينا بالنكران والاذيه ؟