اول مادخلت الهول وكلنا صباح الخير تقدم فاروق واخذ احمد مني
اباوع مره تشبه عمتي ام اوس بس هي اسمر منها وسمينه وقصيره
ووياها بنيه تنطيها شبه بس ضعيفه وشاب اسمر بس حلو ومرتب
سلمت عليهم اني وحازم وكعدت
انتبهة اللبنيه والحجيه كصني بالنضرات بس نضراتهن عاديه تفحصيه مو اكثر
الحجيه ام حيدر :شلونك دكتور ،شخبارك ؟
حازم :الحمد الله حجيه بخير على الله وانتو شلونكم؟
الحجيه :زينين يمه ،،،بالخير على زواجك ولو احنا اخر من يعلم
حازم :خير الي يصيبكم ،،اشكرج بس ماسوينه عرس هيج صار فجئه
ام حيدر :اي طبعا هو الي ياخذ ارملة ابن عمته وبعده ماصار سنه على موته عوزه بعد يسوي عرس ودك وركص
فيان :سمعت كلامها ورفعت راسي باوعت عليها بصدمه ،هي هاي الي يكولون عليها حقانيه ؟؟!
رجعت باوعت عليه هي وبنتها نضرات موحلوه وكالت....
ام حيدر :خلصت البنات ياابني كان المفروض اوس ياخذها اولى منك احنا بالجنوب الارمله الي عدها بزر ماياخذها غير عم الجهال هو اولى بتربيه لحمهم ودمهم
حازم :حج.....
وقفه الخال عن الكلام وكال....
ابو فاروق :انتي كلتيها بالجنوب مويمنا احنا ببغداد
ام حيدر :يعني شنو ببغداد عادي تسون الشي العيب
حسين ابن الحجيه :يمه شنو هل الحجي؟
ابو فاروق :عوفها ابني الضاهر امك منحشه وجايه
بس حجيه اعرفج حقانيه وتعرفين الله والحلال والحرام قبل العيب
اريد اسالج هو ياهو الاهم رضا الله وحلاله وحرامه لو نضرت الناس وعيبها؟؟
ام حيدر :اكيد رضا الله
ابو فاروق :والله ماحرم بقراانه انو الشخص ياخذ ارملة ابن عمته
على اي اساس الناس تحرم الي حلله رب العباد
ام حيدر :صح كلامك بس اوس اولى بيها وبتربية ابنهم
حازم :بس اكو شي اسمه نفس ومشاعر وفيان طول عمرها تشوف اوس بنضرة الاخ
ولهذا ماكدرت تتقبله كزوج وهسه هيه زوجتي
واضن حجيه انتو بالجنوب تعرفون الاصول وتعرفون ميجوز تجيبون اسم شخص وتربطو باسم زوجة شخص ثاني
فيان هسه زوجتي وممسموح لاي شخص يتكلم عنها باي شكل من الاشكال
لان راح اعتبر هل شي اهانه الي اني مااعرف شنو كلتلج عمتي وابنها ولايهمني
YOU ARE READING
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
البارت الحادي والثلاثين
Start from the beginning