『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 24 (Z+U)

စာအုပ်တစ်အုပ်ကို ကောက်လှန်ကြည့်လိုက်တော့ ဟယ်ကျိုး က စာရွက်ပေါ်မှာ ခေါက်ရိုးချိုးကာ မှတ်သားထားသည့် မှတ်စုများရှိနေတာကို တွေ့လိုက်ရတယ်။ ကြည့်ရတာ ချိယွီက ဒါကို ခုထိဖတ်နေသေးပုံဘဲ။

သို့ပေမယ့်လည်း၊ သူ ဒါတွေကို စိတ်မဝင်စားသလို မနှစ်သက်တာကြောင့် စာမျက်နှာအနည်းငယ်လောက်သာ လှန်လှောကြည့်အပြီးမှာဘဲ စာအုပ်ကို အောက်ပြန်ချထားလိုက်တယ် ။ ချထားပြီးနောက်၊ သူ့ဘေးနားက စာအုပ်တစ်အုပ်ကို တွေ့လိုက်ရတယ်။ စာအုပ်ကိုမ,တင်ကာကြည့်လိုက်တော့၊ စာအုပ်အောက်က သေတ္တာတစ်လုံးရှိနေတာကို တွေ့လိုက်ရတယ်။

သူ့လက်ကိုပြန်ရုတ်တော့မယ့်အချိန်မှာဘဲ ဟယ်ကျိုးက ရပ်တန့်လိုက်ပြီး ၊ ရုတ်တရက် စာအုပ်တွေအောက်က သေတ္တာလေးကို စိတ်ဝင်စားလာခဲ့တယ်။

သူက သေတ္တာပေါ်ဖိတင်ထားတဲ့ စာအုပ်တွေအားလုံးကို ဖယ်ထုတ်လိုက်ပြီး စတုဂံပုံပလပ်စတစ်ပုံးလေးကို ယူကြည့်လိုက်တယ်။ သေတ္တာလေးထဲမှာ အခြားထူးထူးခြားခြားမဟုတ်ပေမယ့်၊ သပ်သပ်ရပ်ရပ် ခေါက်ထားတဲ့ အဝတ်တွေကို တွေ့လိုက်ရတယ်။

လက်ဖြင့်လှန်ကြည့်စရာတောင် မလိုအောင်ပင်၊ အထဲရှိ အဝတ်အစားများအားလုံးက သူ့အဝတ်‌တွေဖြစ်ကြောင်း တစ်ချက်ကြည့်လိုက်ရုံနဲ့ ဟယ်ကျိုးသိလိုက်တယ်။

ချိယွီက ယနေ့ သူ့ရဲ့ရှပ်အင်္ကျီအဖြူရောင်ကို ဝတ်ဖို့ရွေးခြယ်ခဲ့တာဖြစ်ပြီး၊ ကျန်အ၀တ်အစားအားလုံးကိုတော့ စားပွဲထောင့်က ဤသေတ္တာလေးထဲမှာ သပ်သပ်ရပ်ရပ် ခေါက်ထည့်လို့ထားတာဖြစ်တယ်။ ဒီအနေအထားက၊ ချိယွီ အိမ်စာလုပ်နေချိန် သို့မဟုတ် စာအုပ်ဖတ်နေချိန်မှာပင် မြင်တွေ့နိုင်သည့်အနေအထားဖြစ်တယ်။

ဒီလိုအပြုအမူမျိုးက...

ဟယ်ကျိုး ရေချိုးခန်းဆီ ကြည့်လိုက်မိပြီး၊ သူ့မျက်လုံးအစုံဟာလည်း ကြည်လင်ပြတ်သားသောအရိပ်အမြွက်အချို့ကိုပြသလို့နေတယ်။

ရုတ်တရက် ဟယ်ကျိုးက တစ်ခုခုမှားနေပြီလို့ခံစားလိုက်ရချိန်မှာဘဲ၊ ရေချိုးခန်းထဲက ရေကျသံတွေဟာလည်း ရပ်တန့်သွားခဲ့ပြီး လုံးဝလှုပ်ရှားမှု မရှိပုံပေါ်လို့နေတယ်။