اومأ ليه سيف الدين و طلع مخليهم من موراه
حل باب دار دخل لبيت نعاس بانت ليه جالسة كترضع فلولد و حنيكاتها مزنگين بان عليها تدواش كانت حداها احلام نطق و هو عاقدهم
سيف الدين: براكة عليه، لا خص نشري ليه حليب من فرماسيان
فراح هزات راسها مصدومة معرفاتو امتى جا اما تا احلام حابسة ضحكة بزز
نطقات فراح و هي متوترة: ماكاين لاش لحليب و انا فيا
سيف الدين عقد غوباشتو و نطق: كتبي لا خصاك شي حاجة نجيبها ليك
بتاسمات فراح و نطقات: لا إسراء كبيلة خرجات هي و ادم جابو كولشي مي غير جيب معاك سكاتة
اومأ ليها سيف الدين و تماشا ناحية ديال بلاكار احلام شافتو دخل حشمات و خرجات لبيت لاخور فراح حطات دري فلكونة ديالو و نطقات
فراح: خاصك شي حاجة
سيف الدين شاف فيها و بتاسم: لا غير واليدة خاصها شي تقضية غدا غادي تكتب لعقد أحلام و بغاتني نجيب شي حاجة تا على قبل سبوع
نطقات فراح بإبتسامة: وااايلي غدا اتعقد واش بيوسف ياكا
سيف الدين اومأ ليها و هو كيحسب فالفلوس: عنداك تقوليها ليها راه ماعرفاش شكون جاها
اومأت ليها فراح تقدمات لبلاكار تعلات خشات ليديها فواحد لقنت و جبدات ضرف
سيف الدين نطق و هو كيدوز نمرة لأدم: هادشي ما قادنيش
فراح مدات ليه جوا و نطقات: هكا هادو راه كافيين
سيف الدين رجع تيلي لجيبو عقد غوباشتو بتساؤل و نطق: منين جاوك
فراح بتوتر: وغير شدهم بعدا
سيف الدين شدهم حل ظرف و بدا كيحسب و حواجبو غير ما كيتعقدو كتر نطق بجدية: فراح منين جاك هادشي كلو راه بزااف و بلا كدوب
فراح بدات كتلعب بصباعها و نطقات بتوتر: بصراحة دوك لفلوس لي كنتي كتعطيني زعما من نهار عند بالي راه انا مزوجة بأدم احم
سيف الدين بجدية: كملي
فراح بتوتر ردات شعرها مورا ودنيها و كملات: احم كنت كناخد منهم ربع و كنخلي لباقي باش نهار تحتاجو نعطيهم ليك بحال هاد نهار
سيف الدين مع كانت قدامو زاد بخطواتو لقدام و هي رجعات بلور تا كلاها مع بلاكار بليد و نطق بجدية
سيف الدين: انا لمن عطيتهم ااا
فراح بتوتر: احم ليا
سيف الدين قرب ليها و كمل كلامو: و انا لاش عطيتهم ليك
فراح حدرات عينيها و نطقات: باش ناخود لي بغيت
سيف الدين جر ليها ليدها و رجعهم ليها و نطق بحب: انا عطيتهم ليك باش تاخدي لي بغيتي ماشي باش ترجعيهم ليا
فراح دلات شفايفها بطفولة و نطقات: ولكن نت كتجيب ليا كولشي ما عندي ما ندير بيهم
سيف الدين باسها بشوية فحنكها تا حسات بقلبها كيضرب و حنيكاتها تزنگو حيت ما بقاش قرب منها مدة ،صعيب تولف عوتاتي نطق بحب
سيف الدين: ادن عطيهم لماماك
فراح وسعات عينيها بصدمة: ااا
سيف الدين باسها فجبهتها بوسة طويلة ماباغيش اقرب لشفايفها حيت عارف راسو ماغاديش اطلقهم وغادي اغرق فيهم، بعد و نطق بحب: الله إرضي عليك مي راه عندي كون خاصني اناخدهم
بتاسمات ليه و حنيكاتها مزنگين مي دغيا دفعاتو ملي سمعات إسلام كيبكي مشات هزاتو و عطاتو إرضع
سيف الدين نتف شعرو بغيرة متقبلش تبعد عليه على قبلو نطق بغضب: عوتاني واخا يا بيا يا بيك
قرب منها و نطق: انا غادي صافي
اومأت ليه و هو تحنى باس إسلام بعد و هبط لتحت علم ادم اطلع يجيب لفلوس و داكشي لي دار جابهم و عاودو خرجو ركبو فلوطو و اول حاجة دارها توجه لفارماسيان خدا ليه سكاتة و حليب و رضاعة ما مفاكش عاد كمل وجهة ديالو
ŞİMDİ OKUDUĞUN
قصة بالدارجة المغربية🌹تحت عنوان🌹:#مصير عاشقين🔞
Genel Kurgu🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
