قصة بالدارجة المغربية🌹تحت عنوان🌹:#مصير عاشقين🔞

💞📝 بارت 40 📝💞

عمران عينيه تغرغرو: خالتي جميلة لي جات وشافت فراش فلبيت و عرفات اش كاين و عودات ليه كولشي و جرى عليها و طلقها
بدر: هاااا طلقها
عمران: اه طلقها و مغاديش نقول ليك امور رجعات كيما كانت لا حيت ماما مامعاناش مي واخا هكاك كنا بيخير فخبارك عمري حقدت على لواليد حيت عرفتو داكشي ليدار بلا خاطرو و ماشي ساهل تخصر شي إنسان كتبغي انا ماما عشت معاها 6 سنين مي هو عاش معاها كتر مني حيت كان كيبغيها من صغر و الله ما كلوموش مي كون كانت ماما انعيشو حسن من دبا ، من بعد شوية بشوية بعدت من حشيش و قرقوبي بمرة مي عاودت رجعت ليهم
بدر خرج عينيه بصدمة: وعلاااش
عمران تنهد و هبطات دمعة من عينيه ملي تفكر لماضي: حيت ملي درت انا 11 سنة و إيمان 8 سنين ماتت عائلة تانية ديالي ماتت خالتي جميلة و حميد و تا سلمى لي كنت كنعتبرها ختي دارو كسيدة و خلاونا بوحدنا انا و إيمان و لواليد
بدر سمع سمية إيمان جات صورتها فبالو بتاسم مي دغيا طرد صورتها: واش درتو
عمران تنهد: إيمان سكنات معانا و دخلات فصدمة حيت هي خصرات تلاتة اشخاص واخا كتبان قوية مي فلداخل ديالها مزاال بنت 8 سنين واخا فعمرها 13 سنة دبا، دبا حنا عايشين تلاتة فدار لواليد و انا و إيمان ،واخا رجعت لبلية مي عاودت حيدتها حيت لقيت لوليد فجنبي واخا عرفني مبلي مي وقف معايا تا حيدتو بقيت شاد جوج حوايج مي غير مرة مرة لي كنديرهم لگارو و شيشة حيت صعيب تحيد لگارو
شاف فبدر و عينيه مغرغرين بدموع : ولكن عمري بقيت حسيت بالحنان لأم متلا ملي تعطل تخلع عليك ولا ملي تغوت عليك شي مراة تمشي ليها تعرف راه عندك مك لي توقف فجنبك ولا ملي تم داخل لدار تلقاها كطيب ليك فرحانة بيك ولا ملي تبدا تناگر نت وياها لا گاع دوك أحاسيس مابقيتش حسيتهم على بالك كنحسدك حيت عندك ام حنينة بحال خالتي فاطمة لي واخا هازا هم كبيير فقلبها ولكن كتخاف عليك و حاضياك واش اتكول ولا اتبقا بجوع و لا واش لابس مزيان ولا لا و تا على ختك فراح لي واخا قسيتي عليها و غوتي عليها و كنتي أضربها  واخا عمرك درتيها عيت من علامات صدمة لي كانو فوجهها باين عمرك غوتي عليها مع دالك تبعاتك تا فين غادي خوفا عليك من داك زبل لي ناوي دير و واخا كلات لعصا بسبابك مي كون لقاتك عوتاني غادي لعندو تمشي معاك غير باش تبعد من داك سم و ترجع بدر لي كتعرف واش عند بالك باباك ايبغي هادشي راه كون كان داك زبل مزيااان كون گعما بعدت عليه و نوريه ليك بليدي مي راه مايليقش ليك ابدر
عمران ضور وجهو دغيا مسح دموعو و بدر سها فيه كيشوف بصح هو مات ليه باه لي ماشي غير أب بنسبة ليه مي واخا هكاك مدازش من ظروف قاصحة عليه بحال ديال عمران بالعكس هو كولشي عندو موجود على عكس عمران لي قسات عليه دنيا رجع شاف قدامو و سها
بدر: عند بالك انا عاجبني لحال تانا ماباغيش نتبلى و باغي نوقف مع عائلتي مي كنحس براسي مقدرش كنحس براسي ضعيف بزاااف ،اه انا عاد باديها و ممكن نحيدها مي مقادرش  باغي نجرب كولشي باش نسى راه أخر حاجة كنت متوقعها هي يموت راه لحد الأن ممتيقش و كنشك فراسي مزااال كنحلم
سكت شوية و تنهد و كمل كلامو و عينيه مغرغرين: كنت انا وياها مكنتفارقوش كلشي عند بالو صحبتي مع هي قزامة ( بتاسم على كلمة لي قال) اي حاجة تبغيها كنت كنحضرها ليها مكنبغيش نشوف فعينيها دموع و كنت كنغير علييهااا بزاااف
قاطعو عمران بتاسؤل: كنتي
بدر سها قدامو وكمل هضرو: ومزااال لحد الأن راه سباب تاني لي خلاني نمشي لكارو باش ننسى هي مرضها و عجزها واش عرفتي باش كنت كنحس باش مرضات كون خسرتها تاهي نموت مافيهاش، محسيتش براسي ملي غوت عليها كنت كنحس براسي عاطيني صداااع و باغي غير فاش نفس غضبي ، ملي حط ليديه عليها كنت نقدر نقتلو فديك لحظة مي تفكيري توقف ملي شفت انا سباب مغنقدرش نسامح راسي أعمران مغنقدرش
شد راسو بين ليديه و هبطو باش يخفي دموع لي هبطو من عينو كيحس براسو مكتف ، هز راسو ملي حس بليد عمران عليه
عمران بإبتسامة: فراح ماغداش تشد فقلبها من جيهتك
بدر بصوت باكي: ماغاداش تسامحني حيت ماتوقعتهاش مني مابغاتش تنسى ليا نظرة ديالها ملي دفعتها
عمران ربت ليه على كتفو: بغيتيها تسامحك عندك حل وحيد
بدر وقف بلهفة: اما هو قول اي حاجة نديرها
عمران شاف فيه مطولا: طلب منها سماحة و وعدها باش عمرك ترجع لداكشي
شاف فيه بجدية: مي ماشي غير وعد لا خصك طبق لوعد ديالك محدك ياله بادي
بدر شاف فيه بأسى: معرفتش واش نقدر معرفتش
عمران وقف تاهو و حط ليدو على كتافو عنقو و جرو غادين: جرب اش خاسر و عارفك تقدر على قبل فراح
شاف فيه و نطق: و تا على قبل باباك
هو سمع ديك باباك مسح دموعو و حركو بإيجاب و تحركو متاجهين لدار