قصة بالدارجة المغربية🌹تحت عنوان🌹:#مصير عاشقين🔞

💞📝 بارت 118📝💞

ليوما موعد الجلسة و كولشي لابس و خارج من لبيت كولشي غادي نادية عمر إسراء أدم أحلام و فاطمة عمران إيمان و بدر و صفاء، يوسف بوحدو لي ماغاديش حيت خدام و لكن لوطو ديالو عطاها لعمر باش يديهم
وصلو قدام لمحكمة و هبطو فراح كتحس بقلبها تزير عليها عينيها غرغرو هي مابغاتش طلق منو هي باغاه و باغا تكمل معاه و لكن علاش لقدر كيلعب بمصيرهم هي ماطالبة والو غير تكون فجنبو و فرحانة ،مسحات دموعها و تقدمات هي و أحلام و كتحاول تبدل ملامح ديالها لبرود و تحيد لحزن مي الله غالب لي فعينيها مستحيل إتبدل
دازت نص ساعة و جلسة قريبة تبدى و سيف الدين ما ليهش اثر عيا يتاصل بيه ادم و عمر مي والو
كولشي واقف على أعصابو حيت عارفين مزيان هو قال ليهم انجي ادن غيجي خايفين لا تكون واقعة ليه شي حاجة حيت جوج اشخاص قلبهم مزير عليهم لي هي فراح و نادية لي هاد أخيرة كتحس بقلبها كيضرها بزاف و خاطرها هاارب ،ادم ياله ايخرج تا كيسمع تيلي كيصوني شاف شكون عقد غوباشتو
ادم: الو
يوسف: ادم الى كنتي حدا شي حد بعد
ادم دار داكشي لي قال ليه و نطق بتساؤل: هاني علاش
يوسف بحزن: سيف الدين دار كسيدة
ادم وسع عينيه بصدمة و حس بقلبو نغزو نطق بصوت عالي: كفاااااش
هنا گاع لي فلمحكمة ضارو لعندو نادية وقفات و تمشات لعندو و قلبها ماهواش
نادية بخوف: اش واقع
دار ليها ادم حركة بيليديه ملي سمع يوسف نطق: وا تهدن اصاحبي راه دبا حنا فسبيطار ....
ديك ساعة قطع عليه يوسف
ادم شاف فيهم و نطق بتوتر: سيف الدين دار كسيدة
هاد لكلمة كانت كافية تخلي كولشي إشهق بصدمة و نادية طاحت على وقفتها اما فراح شداتها لحالة و طاحت لأرض جالسة كتحس بقلبها كيضرب بزربة شوية و يوقف و لسانها تقال
جاو ناس كيجريو لعندهم كيحاولو يفيقو نادية و عطاو لفراح لماء مع سكر باش تفيق بزز باش فاقو من صدمة ناضت نادية شدات فأدم و نطقات
نادية: فيناهوا خوك اش واقع ليه مالو نطق قول ليا واش بيخير
ادم عنقها و نطق: شششش تهدني ياله نمشيو عندو دبا و شوفيه بعينيك راه متأكد راه بيخير
و ديك ساعة ناضو كلهم خرجو كيجريو لوطو و ناسين شي حاجة سميتها لجلسة حيت حياتو اهم و بزاااف ركبو فلوطو و طول طريق و دموع لعيالات لي دايزين و صمت سيد موقف باغين غير امتى يوصلو لعندو

داخلين لسبيطار كيجريو طالعين فدروج بعد ما نعتو ليهم فالإستقبال فين كاين مشاو لدروج طالعين كلهم
وقفو ملي بان ليهم يوسف تماشاو ديريكت لعندو نطقات فراح بخوف و عينيها شلال
فراح: خويا يوسف فين هو ااا واش هو بيخير
يوسف شد فيها و تم غادي بيها جيهة لكورسي حيت شافها واقفة بزز و هي اصلا متقلة
يوسف: ماعرفتش و الله مازال ما خرج طبيب
عمر عنق نادية كيسكت فيها و نطق: كفاش تا عرفتي و كيوقع ليه
يوسف بجدية: انا كنت داوي معاه ابيل و قال ليا راه غادي لمحكمة تا شوية و سمعت لكلاكصون و غوات بزااف و صوتو تقطع بقيت كنعيط ليه بزز باش جاوبني مانطق بتا كلمة من غير لعنوان فين كاين و مابقيتش سمعتو من بعد و هادشي لي سهل عليا أمر و قدرت نوصل عندو
أدم شاف فيه و نطق بخوف: كيف كانت حالتو فاش لقيتيه
يوسف سرط ريقو و نطق :منكدبش عليك كان كلو واكلها
تنهد ادم و جلسو حدا فراح و هما متوترين و خايفين حالتهم ما عالم بيها غير الله شوية بان ليهم طبيب تمشاو لعندو كيجريو من غير فراح لي عوناتها أحلام توقف و تماشات تاهي لعندو
عمر بلهفة: سي طبيب كي بقا ولدي شوية
طبيب: ما عندي ما نخبي عليكم هو دبا راه مزيان عندو كسر فليديه راه درنا ليها غير تجبيرة و جبص ما يحتاجش لحديد و اما بالنسبة لرجلو فراه موعت فيها خاصو بانضة و كينين جروح خفاف مي هادشي كلو ايقدر يتزاوجها من غير لمشكيل لعويص لي كتشفنا لي مكانضمنش ليكم واش إقدر إتجاوزو بسهولة
نادية نطقات و هي قلبها كيتشوى على ولدها: شناهي ادكتور قول لينا دغيا عافااك
طبيب بأسف: للأسف كتاشفنا ان لمريض من بعد تحاليل انه مبلي ببعض مخدرات و من أحسن انه يتعالج و لا غادي إوقعو بزاااف مشاكيل و لي أولهم تقدرو تفقدوه
هنا كولشي شهق بصدمة اخر حاجة كانو متوقعينها هي هادي اه عارفينو كيكمي و كيشيش و كيشرب و بعض مراات كيكمي تا لحشيش مي من غير گارو عمرهم عرفوه مبلي نطق طبيب بجدية
طبيب: واخا تقولو ليا اشمن نوع ديال المخدرات كيتعاطى باش نقدرو نحلو مشكيل
نادية بخوف: ما عارفينش حنا عارفينو غير كيكمي ما عارفينوش مبلي
و ياله اينطق طبيب قاطعو ادم بحزن : انا عارف
هنا ياريتو مات قبل ما ينطق حيت كولشي شافو فيه بواحد نظرة لي بحال كيقولو ليه عارف و ساكت هادي هي لخاوة
نطق طبيب بشبه إبتسامة: دبا مزيان ممكن تقول ليا اشمن نوع و شحال لمدة و هو كيتعاطى
أدم تنهد و نطق بألم: قبل من 3 شهور كان غير كيكمي و بعض لمرات مي من بعد وقعو شي مشاكيل و بدا كيكمي لحشيش مي ما قنعوش و لتاجأ لكوكايين و هيروين
فراح رجعات جوج خطوات لور و كلمة وحدة لي كضور فدماغها لي هي مشاكيل اذن بسباب فراقها تبلا واش هادشي لي قصد ادم و لا شنو يعني هي بليديها ضيعات حياتو هي ما كانتش باغا توصل لهاد ماصل مي خرجات أمور على سيطرة غمضات عينيها بندم ملي تفكرات نهار ضرب ليدو دبا عاد عرفات لاش ما حسش اذن راه كان ماشي فلوعي ديالو حلات عينيها لحمريييين ملي سمعاتو اش قال
طبيب: كنطلب من ربي ما يكونش فات لحال و لكن حاولو مع لمريض دخلو ليه فكرة باش إتعالج و الى وافق انعطيكم نمرة ديال واحد صديق و لي هو دكتور فمصحة ديال معالجة الإدمان
نطق يوسف بإبتسامة باهتة: شكرا ادكتور احم واخا ندخلو عندو دبا
طبيب : دبا سلا وقت زيارة و زيادة على دالك هو ناعس حيت عاطينو مخدر تال غدا إن شاء الله و جيو تشوفوه سمحو ليا دبا
نساحب طبيب بعد ما شكروه و نادية تقدمات عند أدم كتشوف فيه بعتاب
نادية: علاش ما منعتيهش ااا علاش خليتيه إمشي لهاوية دوي ياك خوك
أدم شاف فيها و عينيه حمرين: نتي عااارفة مزيان ولدك سيف الدين و كفاش طبعو واش فنضارك كان ايسمع ليا انا راني حصلتو غير بصدفة و طلقها ليا فوجهي بلا مايتسوق عيت ندوي معاه مي كان ديك ساعة بدا يتبلى
نادية خبطات صدرها و نطقات: ولدي ضااااع سمعتي و نتوما عارفين مزياااان لي فراسو فراسو و الى ما بغاش إحيد هادشي، واش انبقا نشوف فيه كيموت بين ليديا
نطقات أحلام لي كانت حالتها لا تقل على نادية: كاين حل واحد لي يخليه يوافق على علاج
نادية شافت فيها بلهفة: شناهي قولي دغيا
أحلام شافت ففراح و نطقات: سيف الدين مستحيل طلبي منو شي طلب و يرفضو ليك عاااافاك عونيه باش يبعد من هاد لبلا عافااك
نادية ديك ساعة جات شادة ليها فليديها و كتشوف فيها برجاء : بنتي الله إرضي عليك عمري طلبتك بغيت منك غير هاد لمعروف بقاي بجنبو غير تا يولي مزيان ما تمشيش و تخليه و هو فهاد لحالة
فراح عنقاتها و هي كتشهق بعداتها منها و نطقات و دموعها شلال: واش فنضارك انا نقدر نخليه فهاد لحالة لا راه مدوزناش لقليل و واخة ماعرت اش فراه كيبقى راجلي و الى ما وقفتش معاه دبا لاش انا تزوجت بيه اخالتي
نادية عنقاتها و نطقات: الله إرضي عليك الله إسعدك يا ربي
فراح: امين
عمر : ياله نمشيو تال غدا و نجيو ما كاين لاش نبقاو هنا
حركو راسهم بإيجاب و خرجو من سبيطار متاجهين لدار

وصلات 22:30 كانو داخلين بتلاتة و كيتسلتو لا يشوفهم شي حد بقاو بحال هكاك تا وصلو قدام لباب جبد لفلوس من جيبو و حطها لدرية فجيب ديال طبلية
أدم: الله إحفضك اختي و ها امانتك
لبنت كتشوف موراها و فجنابها لا يحصلها شي حد: هانت اخويا انا جبتكم من بلاصة لي مافيهاش كاميرا حاولو شوية و خرجو من نفس طريق منين جبتكم غير لا حصلتو عافاكم مدكرونيش
أدم بإبتسامة: كوني هانية
بتاسمات ليه لبنت بتوتر و تمات راجعة لخدمتها ادم شاف فيها و نطق
ادم: عنداك تعواجي ليا هاني جبتك دخلي دغيا نشوفوه و نمشيو بحالاتنا
فراح حركات راسها بإيجاب و دخلات و تبعها هو

✨فلاش باك ✨
جالسة و ماكلات مانطقات و دموعها ما بغاوش إتحبسو خصوصا انها ما شفتوش بغات تسطا شافت فلباب بان ليها داخل و هاز فليديه طبسيل فيه بيتزا تقدم حداها حط ليها بيتزا و نطق
أدم: قالت ليا أحلام ما بغيتيش تاكلي راه هادشي لي كديري خايب افراح كولي غير على قبل هادشي لي فكرشك
فراح دلات شفايفها بحزن و نطقات: مدويش معايا انا مخاصماك
أدم عقد غوباشتو و نطق: اش درت ليك انا اا
فراح شافت فيه بحزن و عتاب: علاش ما قلتيش ليا رجع لداكشي على اقل كنت انحاول نقنعو يبعد منو قبل ما يتبلا بداكشي لاخور
أدم شاف فيها بجدية: على اساس ما عارفاش سباب لي خلاه إمشي لداكشي
نطقات فراح بحزن: و داكشي علاش قلت ليك قولها حيت كيما انا سباب لي مشا داكشي نقدر نكون سباب لي يخليه إبعد من هادشي
أدم تنهد و نطق: نتي عارفاه شحال كيبغيك و مستحيل إيشوفك كضيعي قدام عينو و ما كاينش كفاش يتصرف كان هداك حل لي يخليه يخرج من افكار ديالو
فراح هبطو دموعها و نطقات بحزن شديد: ماغاديش إبغي يتعالج
أدم مسح ليها دموعها : الى قلناها ليه حنا
فراح هزات عويناتها فيه: و الى قلتها ليه انا
ادم بجدية: مستحيل إردها فوجهك و لكن
فراح شافت فيه بلهفة كتسناه إنطق
كمل كلامو: خاصك تحاولي تحيدي من بالك فكرة طلاق خاصك تكوني فجنبو
فراح توترات و نطقات بنفي: مانقدرش خاص ضروري نطلقو
ادم كيشوف فيها ياخ منو وعيني فيه كيشوف فيها كفاش خايفة عليه و فنفس لوقت باغا طلق : اجلي طلاق واخا غير مؤقت
فراح بحيرة: ماعرفتش و الله
سكتات و عودات شافت فيه بدلال و كترمش فعويناتها: ختك انا
أدم ديك ساعة وقف و نطق: مستحييييل
فراح وقفات بشوية عليها و ليدها فكرشها: عااافاك غير شوية
ادم بجدية: راه ما كاينش كفاش ممنوع
فراح دلات شفايفها و نطقات بطفولة: واخا صافي
ادم تنهد و نطق : ناري عليك الكريتة لبسي حويجك 5 دقايق لقاك واجدة نشوفو كي نديرو ليها
فراح نقزات عليه عنقاتو و نطقات بفرحة: ااااح وشحال كنبغيك أ أدوماتي
ادم عنقها و نطق بإبتسامة: بحال خوك عرفناها
ضحكات فراح بعدات منو خرج خلاها هي كتلبس لبسات و خرجات لعندو كيتسلتو لا تلصق فيهم نادية وصلو لسبيطار و بدا كيقلب على شي وحدة فلايسية و داكشي لي كان ما كاملة تا 5 دقايق تا بانت ليه
✨اند باك✨

يتبع...✏️
هانتوما ختارو يا نقتلو و نخلي ادم هو البطل و لا نرجعو معواق و لا ندير ليه عجز جنسي اش بان ليكم🙂🔪
رتاحيتو هاهوا تبلا مسكين😢