قصة بالدارجة المغربية🌹تحت عنوان🌹:#مصير عاشقين🔞

💞📝 بارت 65 📝💞

  و تا فراح صدمتها بوحدها حيت هي مصدومة و خايفة و متوترة حيت شافت ملامح ديالو عرفاتو معصب دير هاه ولا هاه يعطبها
نادية شافت فيه و نطقات بصوت لا حول و لا قوة : إمتى جيتي أوليدي
سيف الدين جاوبها و عينيه باقين على ادم: دبا
سكت شوية و كمل: خوي ليا كاس
هي مزادتهاش معاه و خوات ليه قهوة حيت ولدها و عارفاه اش غيبغي ،عطاتها ليه شرب جغمة و سد عينيه بصح مكدبوش قهوتها فشكل بنينة و بطبيعة الحال غيقدر أدم إميزها حيت طعم ديالها فشكل مقدرش إوصفو(انا خصيصا قهوة ديال عمتي و ماما عمري شربت بحالها فشي بلاصة خرى اه كيكونو بنااان و لكن ماشي بحال ديالهم كيصرعوها كيديروها حارة و قاصحة داكشي باش حسيت بسيف الدين🙄🙂)
سيف الدين تحنى تال لودن فراح و نطق: من ليوم نبغي قهوة ديال لفطور نتي تصايبيها ليا
فراح شافت فيه بعويناتها لي كيبريو نطقات بإبتسامة: واخا غير ملي تبغي تفطر علمني
سيف الدين غير كيشوف حرك راسو بإيجاب و رجع جغم من كاسو و لكن دغيا خنزر ملي سمعو نطق
أدم بإبتسامة مكر:فراح هاكي كاسك
فراح ياله اتوقف تاخدو تا كتحس بيه شدها من خصرها باش تبقى جالسة
سيف الدين شاف فادم و نطق بصوت بارد: ما تحتاجش هاهوا كاسها
مد لفراح كاسو
و هي شافت فيه لقات كيدير فيها شي شوفات غير الله إحضر سلامة وصافي ،خداتو من عندو بزربة و جغمات منها واخا جاتها سخونة صبرات و بحر سخونية عينيها غرعرو
سيف الدين شاف فنادية: خوي كاس ألواليدة
و داكشي لي درت نادية
هبط لودنها و نطق بصوت لي خلا رعب إملكها: زعما راك مغطية  شعرك اا
فراح توترات سرطات ريقها و بدات كتفرك فليديها خصوصا كتشوف نادية و أدم كيشوفو فيها بنص عين اما تا أحلام كتشوف فيهم و تشرب كتمنضر گعما حشمات
سيف الدين زير على خصرها و نطق: و هاد لحم ياكما عاجبك ابنت ناس راه بديتي كتزيدي فيه افراح
فراح نطقات بصوت مغنغن: ورااه عادي اش فيها ياك كاين غير عمر و أدم
سيف الدين نطق من تحت سنانو: و حيت عمر و ادم كنقول لمك تغطاي راه بدر و منبغيش نشوفك قدامو معرية شعرك
فراح تأفأفات: ااوووف وراه خويا أسيف
ضربها بليديه على فمها بلخف و بشوية: متأفأفيش عليا افراح

أدم شافهم و تعصب و وقف :فراح اجي بغيتك
فراح معرفات اش دير واش توقف و لا تجلس وقفات ملي شافت سيف الدين وقف عاقدهم
سيف الدين: انا لي بغيتك اجي
خرج سيف الدين بلا تا كلمة و تبعو أدم و تا فراح تبعاتهم شي تابع شي بقات غير نادية و أحلام
أحلام: بربي تا ماغيمشي تا يقتلو شي نهار راه كيجبدو
نادية بفقصة: وراه مرتو
أحلام شربات من أتايها: ولكن راه ديالو
نادية شافت تا عيات و سكتات

هما خرجو تابعينو بان ليهم طالع فدروج تبعوه كيوشوشو
فراح بصوت خافت: اش بغيتيني
أدم نطق تاهوا بشوية :رااه غير بان ليا ايعطبك قلت نفكك منو ساعة دبا شكون ايفكني انا منو
فراح حبسات ضحكة بزز: قفرناها ا أدومة
أدم خبطها ليديها و خنزر فيها: تبقاي تقولي ليا أدومة نقول ليه كنعسو بجوج فوق ناموسية
فراح وسعات عينيها بصدمة: كتكدب فوجهي
أدم هز كتافو: انا خوه غيتيقني
فراح تاهي بتاسمات بشر: اتقولها ليه اينحرنا بجوج
ياله جا يجوبها تا كيقفزو بجوج
سيف الدين كيغوت بعصبية: فراااااح اجي لهنا
فراح سرطات ريقها شافت فأدم و طلعات تلاتة درجات حداه تا شدها من ليديها مشابك صباعو مع صباعها بحال الى كيقول لأدم راها ديالي واخا مرتك
أدم بتاسم و نطق بينو و بين نفسو: وراه عرفناها ديالك غير هني لوقت