بدر: لا ماشي هي تكون فقير و معندكش فلوس و ماشي تكون مقاريش و معندكش قيمة فالمجتمع و ماشي هي انك قريتي و تعدبتي و فلخر متلقاش خدمة و تكتاشف بيلي مستقبل زيرو و ايضا ماشي هي تبغي شي وحدة و تكون كتموت عليها و تخليك حيت معندك لا فلوس لا كرامة و لا خدمة لا هادشي مكيسوا والو عرفتي شنو راه تكون عايش خيب و تمارة مي ملي كتشوف واليديك حداك كتحمد الله او ملي كتشوف واليديك كيتعدبو باش إقريوك و كتشوفهم هازين مسؤولية و حمل تقيل مي اش كتقول مع راسك راه غير إزيدو إصبرو شوية نعوض ليهم كولشي غادي نخليهم غير مرتاحين كاس هو لخر ميهزوهش مي هادشي قبل متصرفق و تكتاشف أن باباك مات و قبل مترد ليه غير نص فداكشي شحال فكرت نخرج من مدرسة باش نخدم و نهز عليه تقل حيت كان كيمرض و مكيقدرش إينوض مي اش كان كيقول ليا غير قرا اولدي و ديك ساعة خدم و انا نجلس أصلا انا لاش كنضرب هاد تمارة غير باش تقرى و توعا و متكونش بحالي
بدر ناض وقف و دار عندهم إيمان لي كانت اتموت بالبكا و عمران لي عينيه مغرغرين و كيتصنط
بدر بدا كيرفع صوتو شوي و بشوي : واااااش عااارفيين باش كنحس هنااا ( كينعت جيهت قلبو) واااش عرفييين راااه كنحس براسي غاااادي نتفرگع راااه أنا دري أه خاصني نصبر و نتحمل و انا نقوي راسي مي تانا راااه إنساااان و عندي مشاااعير راه لواليد هدااك لي مشا هداك لي عمرو خسر ليا خاطري كون قلت ليه بغيت قلبك كون جبدو و عطاه ليا راااه لوالييييد هداااااك مغاااديش تحسو بيا
تحنى على ركابيه وختم كلامو بغوتة خارجة من قلبو
بدر: ااااااااه لواااااليييييييييد
إيمان كتبكي بحرق ناضت بزربة عنقاتو بداو كيبكيو بجوج
تا سمعها نطقات: شكون قاليك مغاديش نحسو بيك واش عند بالك ابوحدك لي خسرتي باباك الى نت خسرتي باباك انا راه خسرت بابا و ماما و ختي فنهار واحد عارف شناهيا نهار واحد ( بعداتو عليها و شدات وجهو بين ليديها ) أنا أخويا راه فدقيقة ضاعت ليا حياتي و خسرت أغلى حاجة عندي فدنيا راه تلاتة صدمات انا دازو عندي دقا وحدة اه كنت انتسطا و نحماق مي من بعد كتاشفت راه الحياة هي هادي و هدا لي كتشوفو ( نعتات لجهة عمران) راه خسر ماماها و هو صغير و نت عارف حنان أم مكيتعوضش شوف راه كلنا ليها مي فراق لي صعيب اه بصح لي غيقول ليك صبر غير ايتفلى عليك حيت باباك هداك مي راه ربي لي بغاه و نت قلتيها بفمك باباك كان كيمرض و مكيقدرش إوقف راه دبا مشا لبلاصة لي غادي إكون مرتاح فيها نت دعي ربي غير إرحمو و ان شاء الله تلاقاو تماك مجموعين
بدات إيمان كتمسح ليه فعينيه ناض عندهم عمران وقفوه
عمران: خاصك ترجع عند واليدة ديالك دبا راه مجاتش تخليها مخلوعة عليك براكة غير فراق ديال باباك
بدر شاف فيهم شوفة إمتنان: شكرا ليكم بزاااف معرفتش كفاش أنشكركم
عمران: بلا متشكرا هدا واجب
مد ليه ليديه و كمل: أصدقاء
بدر بتاسم إبتسامة باهتة و صافحو: أصدقاء
نقزات إيمان: و أنا نسيتوني
عمران: بالعما ههه (شاف فبدر و كمل كلامو) ياله نوصلوك
بدر: لا بلاش أنمشي أبوحدي
عمران كتافا فقط باش إجرو
وصلو لدرب تا نطق عمران: واش ساكن هنا
أومأ ليه بدر بإيجاب
عمران: حنا ساكنين فدرب لي موراك مهم سير دبا تال غدا و نعاود نجي عندك
توادع بدر معاهم و مشا لدار
YOU ARE READING
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
