قصة بالدارجة المغربية🌹تحت عنوان🌹:#مصير عاشقين🔞

💞📝 بارت 125📝💞

فاقت من نعاس بدات كتحك فعويناتها ضورات وجهها ما بانش ليها عيطات بصوت خافت
فراح: سيف الدين
سيف الدين تم خارج من طواليط كيمسح وجهو بلفوطة تحنى باسها فراسها و نطق مخنزر : انهبط نشرب قهوة و نجي
فراح حركات راسها بإيجاب خرج و هي تهز تيلي ديالها تلاها فيه
هو خرج هبط لتحت خدا قهوة جبد گارو كيشرب و يتكيف سالا و خدا وحدة خرى و عصير مع لفطور لفراح جمع ليه داكشي و تم طالع دخل بانت ليه كتدوي فتيلي مع مريم تسناها تا سلات و حط ليها داكشي فوق كوافوزة و نطق
سيف الدين : فطري مزياان و الى حسيتي براسك مزيان انشوف مع طبيبة تخرجي ليوم
فراح حركات راسها بإيجاب و نطقات ملي شافتو هز قهوة و جلس حداها: فطر معايا
سيف الدين بنفي: مافياش غير فطري
اومأت ليه و بدات كتفطر بشوية عليها سالات و شافت فيه نطقات بتوتر واضح
فراح: احم س سيف الدين نسولك
سيف الدين شاف فيها بجدية : امم
فراح عضات شفايفها و نطقات: ك ك كفاش عرفتي داكشي
سيف الدين شاف فيها بجدية و نطق: سمعتكم
فراح خرجات عينيها بصدمة: ااا
نطق سيف الدين و بدا كيعاود ليها اش وقع و هي غير مصدومة و مخرجة عينها نطقات بحزن
فراح: حنا داكشي كامل درناه غير على قبلك و الله
سيف الدين بجدية: كان عليك تجي تقوليها ليا و ديك ساعة انا نتصرف
فراح بحزن: راه خفتها توري لبوليس داك لفيديو
سيف الدين خرج عينيه: اخر مرة افراح تحاولي تخبي عليا شي حاجة سمعتي راه شفع ليك غير ولدك لي خرج دبا اما غتكون هضرة خرى
فراح دلات شفايفها و نطقات بتساؤل: دبا حنا ما غاديش نطلقو اا
سيف الدين شاف فيها بحب و نطق: اش باليك
فراح شافت فيه ببراءة و بدات كترمش فعويناتها: ماعرفتش
سيف الدين عض على شفايفو و قرب تال شفايفها و نطق بصوت خافت: صبرت عليك بزاااف ابنت ناس داكشي علاش ردي بالك لا نصدق حاو*يك من فمك
فراح بدات كتكحب وحلات ليها دغيا تزنگات و مقدراتش تشوف فيه عطاها لماء شرباتو و هو كيضحك عليها
بقاو بحال هكاك صباح كلو ضروري ما يلوح ليها شي كلمة تحشمها غير وصلات 2 جوج جات فاطمة.  إسراء و ادم و نادية لعندها جمعو ليها حوايجها و جابو ليها حوايج جداد و خرجو من كلينيك غادين متوجهين لدار

داخلين لدار و كولشي فدرب عرف مرت ديب ولدات و كانو عندهم فدار جاو يباركو ليها هي كانت كتمشى غير بشوية عليها لحقاش ولدها كان شوية وافي و هما ما دارو ليها لا غراز لا والو داكشي لاش لتحت عاطيها صداع بزااف طلعوها لبيتها لي كانو موجدينو ليها و كانت فيه تا كونا ديال لبيبي كانت بزرق دخلات جلسوها و خرجو بقات غير فراح و سيف الدين و نادية نطقات نادية بإبتسامة
نادية: كيف صبحتي ابنتي بعدا شوية اا
فراح نطقات بصوتها لحنين: الحمد الله اخالتي و الله إسمح لينا من واليدين
نادية ضربات ليها على كرشها(ضربات عليها يعني شافتها ماشي ضرباتها ههه): امين ياربي ،قولي ليا ابنتي كرشك ما حزماهاش ؟؟
فراح نطقات بتساؤل : لا اخالتي علاش
نادية شافت فيها بتساؤل: شحال كتلبسي فرجلك
فراح بإستغراب: كل مرة و اش مرة 36 مرة 37
نادية شافت فسيف الدين و نطقات: سير شري ليها بلغة تكون فيها 37 و عادية مافيها لا زواق لا والو و تكون ملسة و خود ليها لحزام ديال لكرش راه كيكون عند مول ماكياج صافي
سيف الدين عقد حواجبو بتساؤل: علاش هادشي
نادية بجدية: ياله طلقنا و متعطلش
سيف الدين تنهد و خرج مشا جاب داكشي لي قالت ليه و دخل عطاهم ليها
نادية: خرج بلاتي
سيف الدين عاد ما جلس و شد لعكس: غير قضي لا بغيتي تقضي راني ما خرجش
نادية تنهدات و تماشات لعند فراح و نطقات بإبتسامة: بنتي حيدي هاد جلابة
فراح توترات حيت تحت جلابة لابسة غير ديباردور و شورط حد لفخاض سرطات ريقها و دارت داكشي لي قالت ليها نادية هاد اخيرة لي عرات ليها على كرشها و نطقات بتساؤل
نادية: علاش ابنتي ما عندكش دوك خطوط بيضين لي كيكونو فلمرأة لي والدة
نطقات فراح بحشمة: راه قريت خاص لوحدة ملي تكون حاملة متحكش كرشها حيت لحكان هو لي كيكون دوك لخطوط
(هاد لمعلومة صحيحة طبيبة قالتها لمرات خالي)
نادية بإبتسامة: واخا ياله شدي معايا هاكا
حطات ليها فردة ديال لبلغة فجنب و على لكرش و فردة لاخرة تاهي نفس شئ خدات سمطة ديال لكرش و لواتها ليها على كرشها و زيراتها مزياان تا فراح توعتات غير سالات نطقات
نادية: هانتي ابنتي هاد سبعيام كلها واياك تحيديها من كرشك واخا تبغي تنعسي لا، ماغاتحيديها تا تبغي دهني كرشك بزيت و لا دوشي تفهمنا
فراح نطقات بإبتسامة: واخا اخالتي مي راه كتوعتني
نطقات نادية: راه مزيانة كتخلي لكرش ترجع كيف كانت باش متوليش مكرشة
نطق الأخ لي طول لمدة و هو ما مديها فتا حد كيشوف غير ففرمتها لي ولات ناضية مع لحمل كان صدر مبندر و طرماحة كبرات ما حسش بلمعلم لي وقف ليه
سيف الدين: الى كانت كتوعت بلاش انا قابل عليها بكرشها غير حيدي ليها نم
فراح بإبتسامة خجل حيت حشمها : لا عادي و الله
سيف الدين و قف و نطق: مهم انا خارج لا خصك شي حاجة قوليها
فراح حناكها تزنگو لواحد درجة لي بزاااف دغيا هبطات راسها و حركاتو بنفي لعكس ديال نادية لي حشمات و لكن بقات كتحنزز نطقات و هي حشمانة
نادية: ستر اولدي راسك ستر
سيف الدين هاد لكلمة عارفها مزياان لاش كاتقولها حيت مخلات قالتها لأدم ملي كيقيم على إسراء ما خلات قالتها لشارف و لي هو عمر نزل راسو شاف فديالو شاد لعلام نطق ببرود
سيف الدين: بسيف الواليدة راه جايا 4 شهور
نطقات نادية و هي شادة فحناكها: و باقي قدامك بزااف خاصك صبر ايوب
تنهد سيف الدين من نيتو و خرج ديريكت لحمام يبرد نار لي شاعلة فيه، نادية شافت ففراح و نطقات بشر
نادية: نهار يشدك ابنتي ما غادي إطلق منك تا يفرع ليك لوالدة الله إكون فعوانك
فراح راه كون لقات أرض تشق و تبلعها حشمات لواحد درجة لي بزااف لبكية لي باقا ما طلقاتهاش
نطقات فاطمة بإبتسامة: مهم دخلي دوشي و انا راه انسيفط ليك شي عشوب مع أحلام توضاي بيهم على قبل لولادة
فراح نطقات بصوت خافت و حناكها مزاال مزنگين: احم واش نتوضى بيهم هما قبل من دوا لي خرجات ليا طبيبة
نادية بإبتسامة: اه قبل حيت داك دوا كينظف و كيمنع لميكروبات يدخلو ليك لوالدة مهم انا انهبط تا طلعهم ليك احلام صافي
اومأت ليها فراح و خرجات نادية ضربات على باب لحمام لقاتو محلول عرفاتو خرج ضحكات فخاطرها على ولدها و هبطات لتحت فراح بقات كتسنى فأحلام باش تقابل ليها دري

✨عند سيف الدين✨
ياله غيخرج من دار تحطات عليه كتف تلفت بانو ليه واقفين
ادم: فين غادي
سيف الدين شاف فيه ببرود و نطق: فين فنضارك
يوسف: انمشيو معاك
اومأ ليه سيف الدين و ياله غادي يتحرك بانت ليه نادية غادا هي و أحلام نطق بصوت عالي : لواليدة غدا جايين خطاب راه فيها خطبة و عقد وجدو راسكم
نادية ندبات حناكها: اويلي على انا عندي لبنات راه وحدة لي عندي راه تخطبات
ادم شاف فأحلام لي كتشوف فيهم و ما فاهمة والو نطق بجدية: اوى هاديك لبنت ما بقاتش مخطوبة و غدا غتعاود تخطب
وقفات عليهم نادية مبتاسمة: الله غنتفكو من ديك عقروشة و ماغاديش تكون عگوزتها ناري عرفتي نت
تحنات على حناك ادم كتجبد فيهم: الله إعطيك بنت باش تناسب مع خوك
بعد منها ادم و هو شاد على حناكو: الله إنجيني راه الأخ باين عربونو من دبا شوفي غواتو تالين كيتسمع
نادية خرجات عينها دارت لعند أحلام و نطقات: طلعي دغيا عطيها داكشي و قابلي ليها ولد تاتجي فاطمة
اومأت ليها أحلام و مشات تلفتات نادية لعندهم و نطقات
نادية: احم و شكون هادا لي جاي يخطب
نطق يوسف و هو كيقاد فتريكوه: احم انا الى قبلتو عليا
نادية مشات تا هو كتجبد ليه فحناكو: وا اخيرا جا العفو الملكي واخا تعطلتي بزااف
يوسف كيجر فحناكو و نادية كتجر حلفات لا طلقات نطق و هو كيجر: واتي طلقي ليا احناكي راه طابو
طلقات ليه نادية حناكو و نطقات : ماشي زربتو كولشي يدوز غدا لا
سيف الدين بجدية: لوليدة عندك 5 دقايق سيري كتبي اش خاص لغدا و الى لقيتي تا متنقسي لنهار سبوع
نادية نطقات بجدية: ادم اجي دخل باش تكتب نت
و داكشي لي كان دخلو مجموعين جلسو و ما قالو الله تا طلقاتهم وقفات نادية و عطاتو ورقة شافها سيف الدين بقا جامد شافها يوسف غوت
يوسف: وااااااع شايالله امولاي دغيس
نادية شدات فقلبها: امالك المسخوط قفزتيني
سيف الدين ضار لعندها بالعرض بطئ: مالكي على هادشي كلو
نقز يوسف و نطق: واخا تكونو باغا ترجعي دار محال ديال دجاج ما تكتبي هاد لعدد كون قلتي غير 50 دجاجة جات معاك
نادية حطات ليديها على حناكها و نطقات: راه سبوع هدا الإخوان و حفيدي لول بغيتوني نتفرج و زيدو عليها راه كتكون ربعة دجاجات و لا تلاتة فطبسيل و حنا راه عندنا ناس بزااف هدشي لي عطيتكم و يقدر إخصنا حيت رجال و عيالات
نقز ادم و نطق: ربي كون غير نعلتو شيطان ديك ليلة
سيف الدين ضربو لقرفادتو و نطق: تا يكون ولدك مهم تسناو انطلع فوق نشوف واش كاين باش نقضي بلا ما نتيري من چيشي
نقز ادم مقاطعو: و الى خصك راه عندي قولها ليا نطلع نجيبو    

يتبع....✏️