قصة بالدارجة المغربية🌹تحت عنوان🌹:#مصير عاشقين🔞

💞📝 بارت 13 📝💞

يوسف: واخا تسانا نسالي هاد لوراق و نخرجو
سيف الدين حرك راسو بإيجاب و جبد تيلي ديالو باش إدوز الوقت
13:10 سالا يوسف شغلو و تحرك هو و سيف لواحد مطعم خاص بالحوت باش إتغداو
وصلو لمطعم و دخلو بانت ليهم طبلة كطل على لبحر مشا جلسو فيها حيت لمطعم كان جيهت لبحر دومونداو داكشي ليبغاو
يوسف: مغاديش تخدم
سيف الدين شاف فيه: مغاديش ديها فكر*ك
يوسف : وانمي راه كندوي معاك
سيف الدين كان بغا إيجاوبو مي جابو ليهم لماكلة سكتو تا حطو داكشي و مشاو عاد نطق
سيف الدين: كون بغيت نخدم كون بقيت فداك قلاو*ي لي تماك
يوسف شاف فيه بتساؤل: و أش ناوي دير
سيف الدين بدا كياكول: كاين محال عمر وعندي بلان فراسي
يوسف عرف مغادي إصور منو والو داكشي باش كتافا إسد على موضوع هنا: أوى يكون خير
سيف عاقد غوباشتو كتافا فقط بصمت

عند فراح😍

فاطمة: أوووف و أخيرا سالينا
فراح : أه واخا باقي لينا دوك حوايج مي ماشي بحال
فاطمة: ويه الحمد الله بعدا أملي جينا و لقيناهم مساكن مجفينها
فراح: أه بصح الله إيجازيهم بالخير
سمعو صوت باب دار تحل تا كيدخل عليهم عبد الله
عبد الله: سلام عليكم
فراح و فاطمة: و عليكم سلام
عبد الله حيد صباطو و دخل حداهم لبيت
فراح ناضت باست ليه وجهو و راسو
عبد الله: الله إرضي عليك
فراح: امين كيداوزتي نهارك أبابا
عبد الله : الحمد الله و نتوما كملتو
فاطمة: كملنا بقا لينا غير لحوايج نطويهم
فراح شافت فماماها: ماما كون أحطينا لغدا دبا بابا أيكون جاه جوع
فاطمة: نوض نحطو دبا نيت
فراح: نوض نعاونك
عبد الله مد ليها ليدو: أخليها أحبيبتي و أجي عندي نتي بغيتك
فاطمة مشات تحط فلغدا و فراح ناضت و گلسات حدا عبد الله
عبد الله : هاد ليامات گعمة گلست مع بنتي
فراح بتاسمات ليه و دوات بصوت حنين:  نعاوضوها مرة خرى
عبد الله كيداوز ليدو على وجهها: و إمتى غادي تبداو
فراح عرفاتو كيدوي على قراية: هاد ليامات تقياد و سيمانا جايا نبداو
عبد الله باس ليها راسها و نطق: هدا عامك لخر و إلى نجحات بنيتي زردة و كادو على حسابي
فراح بتاسمات: أنا غير لكنتي حدايا و واقف فجنبي هديك هي زردة عندي
فاطمة دخلات على كلمة زردة بعد مكملات حطان و جات بغات تعيط ليهم
فاطمة: فكرتيني عبد الله سيد لي كرا لينا دار دايرين عراضة لولدهم حيت كان غايب و دبا رجع هداك لي سلم علينا لبارح و عرضات علينا مرتو باش نمشيو اش باليك
عبد الله باقي شاد ففراح شاف فيها: أه سيرو تفوجو شوية
فاطمة : الله إكثر خيرك
شافت ففراح و كملات: كون غير أبنتي دوشتي و تا ترتاحي شوية و سيري عند نادية و أحلام عاونيهم بعدا غير شوية
فراح شافت فيها بإبتسامة : واخا أماما هي لولة غير بلاتي نتغداو
فاطمة: الله إرضي عليك راه نيت حطيت لغدا نوضو

ناضو مشاو لبيت لاخور بان ليهم لغدا محطوط و واحد بدر مبوق بنعاس و كيلعب مع صفاء لي تاهي كانت ناعسة تا فيقاتهم فاطمة إتغداو
جلسو و دارو على طبلة كأي عائلة مغربية كلاو و من بعد ناضت فراح علماتهم راه أدخل دوش باش لابغا شي حد إدخل طواليط إدخل ليها قبل مدخل هي
دخلات لحمام ليكان زليجها فلباج و قهوي مشات بلاصة دوش حطات حوايجها و بان لحمها لي بييض و رطب فكات شعرها طويل و طلقات رشاشة و باشرات فالعومان
تحل باب حمام من بعد ما دوشات و طرفات الحمام خارجة ببينوار طويل و فوطة على شعرها و حنيكاتها مزنگين تمشات لبيت لي فيه حويجها كيبان ليها بدر متكي و شاد تيلي
و هي تنطق بصوت خافت: بدر خرج عفاك تنبدل و رجع
شاف فيها بدر و كتافا بإبتسام و خرج و سد لباب موراه
مشات لواحد ساك كان كبير شوية حلاتو و هزات منو فوطة فالغوز و بدات كتنشف فراسها لبسات دوبياس فلكحل و لبسات شورط حد ركبة فلبيض و دوني فنفس لون جبدات كسوة فزرق عندها حزام من من جيهت لخصر جبدات زيفها فلگري و سبيبط فلون كسوة شدات فوطة سرحاتها على كتافها و ظهرها و عيطات لبدر
فراح: بدر وا بدر
بدر سماعها كتعيط ناض لعندها
بدر: نعام بغيتي شي حاجة
تا كيلمحها طالقة شعرها مورا ظهرها فهمها و قاطعها قبل مادوي
بدر: عوتاني
فراح بدات كتلبد فعويناتها و كتشوف فيه ببراءة : عفاك أحبيبي
بدر: تقدم ناحيتها و گلس موراها و بدا كينشف ليها فشعرها تا نشفو كامل و مدات ليه زيت باش كدهن شعرها كان زيت جونسون من نهار عقلات على راسها و هي كدير ليه غير داك زيت
زيت ليها شعرها و بدا كيمشطو ليها بشوية بحالا خايف إقطعو ليها من ديما عزيز عليها إمشط ليها ليدو حنينة و زائد أن شعرها كيغلب عليها شحال من مرة حولات تقطعو مي ماماها مكتخاليهاش
سالا ليها لمشيط جمعات شعرها و دارت زيفها و مشات عند ماماها دقات فلباب
فراح: ماما هاني مشيت
سمعاتها جوباتها: واخا أبنتي
خرجات من دار كيبان ليها صقيل فدرب عند بالها ديما كيكون خاوي هيهات تم هيهات ماشفتي والو راه غير شمس لي مهرباهم
غدا بخطواتها صغار تا كتلمح واحد حانوت تمشات قاصداه لقات عندو واحد شاب تساناتو تا سالا و هو عينيه بقاو غير عليها محيدهمش  سالا سخرتو و بقا واقف بلعاني برا حانوت بغا إعرفها شكون هي تا كيسمع صوتها لحنين لي نطق
فراح: سلام عليكم سمح ليا أعمي نسولك
مول حانوت كان كبير شوية فسن بتاسم و كيشوف فهاد لبنت لي مستورة من راسها تال رجليها و فدربهم جاه عجب
مول حانوت: و عليكم سلام مرحبا أبنتي سولي
فراح حشمات و بدات كتعض بشفايفها و كتفرك ليدياتها مع بعض
فراح: هو فصراحة كنسول على واحد سيد
كتحاول تفكر سميو مي مشات سلمات أمرها الله و كملات: راه مرتو سميتها نادية و عندهم دار كيكريوها
مول حانوت بتاسم حيت عرفها علامن كتسول: أه أبنتي كتسولي على عمر ياكي
فراح بتاسمات حيت عرفها علامن كدوي: أيه هو عافاك متقدرش تنعت ليا دارو حيت معرفتهاش فين جات
مول الحانوت : أيه راه هي هادي لي مقابلة معايا
تلفتات فراح تا كتشوفها مكونة من تلاتة طوابق بتاسمات لمول حانوت و شكراتو ياله كانت غادا و هي تسمعو قال
مول حانوت: نتي ماشي من هاد درب أبنتي و سمحي ليا على سؤال
حركات راسها بلا
فراح: لا هانية أعمي لا أنا ماشي منو مي سكنت جديدة كرينة عند عمي عمر
مول الحانوت: أه مرحبا بيكم أبنتي
فراح كتافات باش تشكرو و خرجات من حانوت هادشي كلو داز على مسامع خونا ليكان برا
يتبع ...✏️