قصة بالدارجة المغربية🌹تحت عنوان🌹:#مصير عاشقين🔞

💞📝 بارت 9 📝💞

نطق بصوت فيه بحة رجولية :روح سيف
غير سمعاتو أش قال دموعها ولاو شلال تلاحت عليه كتشم فريحتو لي توحشاتها لي تحرمات منها عامين و زيادة كتبكي و تقول ما بقيت، سيف كيمسح ليها على ظهرها و مرة مرة كيبوس ليها راسها بقاو هكاك مدة طويلة و لكن قصيرة على هاد جوج لي مكاينش لي مشافهم هكاك و مادازوش دموعو حيت كولشي عارف معزة ديال سيف عند نادية
بعدها عليه بشوية كيبوس فراس و عينيها حنيكاتها ليديها مخالاش شي بلاصة مباسهاش و فمو كلمة وحدة توحشتك ألواليدة توحشك ألحنانة نادية تاهي تبوس و تعنق و ماتقولش عيت
شدها من ليديها و دخلها لداخل جلسها و تحنا على ركابيها و حط راسو عليهم هز ليها ليديها و حطها على راسو
هي فهماتو و بدات كدوز ليدياتها على راسو
نطقات نادية بصوت غالب عليه بكية: أاااه و شحال توحشت هاد جلسة
سيف الدين : توحشتك ألواليدة
نادية حيدات ليديها و هزات ليه راسو و بدات كدوز على وجهو بحان و عينيها محبسوش من بكا:علاش كويتي قلب ميمتك هكا قلت ليك سير و ندمت قد زغب لي فراسي
سيف الدين كيشوف فيها بحنان لوحيدة لي كيطيح كواريه قدامها : فيها خير أنا دبا حداك تا نطلع ليك فراسك و تجري عليك
نادية: هداك نهار لي عمرو يجي مكرهتكش تبقا حدايا تا يدي مول أمانة أمانتو
يله كملاتها حيد ليديها من وجهو و باسهم : عمرك تقولي بحال هكا
بدا كيمسح ليها فدموعها تا كيحس بضربة فظهرو و سمعو نطق
عمر: صافي أصاحبي شتك رطبيتي
سيف الدين وقف و شاف فيه و هما يعنقو راسهم عناق رجولو ختمو بقبلة على راس عمر
عمر: توحشك ألبطل
يسف الدين: هاني دبا معاكم عنداكم أغادة تبداو عليا خرج بدل ساعة بخرى
ضحكو كلا من نادية و عمر و نطقو دقة وحدة: حيت عارف راسك تموت على صداع
تا سمعو صوت شخص لي نساو وجودو نهائيا
يوسف: انا باقي هنا
ضحكو على ريوسهم حيت نساوه ناضت نادية لعندو عنقاتو و سلمات عليه من ديما كتحسبو بحال ولدها من غير هو صاحب سيف و كثر من خوه من صغر إلا أنها رباتو من صغر ملي ماتت ماماه و خلاتو أمانة لصحبتها من تماك كتحسبو واحد من ولادها
نادية كيف سلمات عليه و سلات تا جمعاتها معاه بقرصة معرف باش تبلا
يوسف كيبرد حر لقرصة لي كلا: احححح أمالكي أنادية عوتاني
مجا فين إتكافا مع لولة تبعاتو ثاني
نادية: كنت كلعب معاك لاستيك تقول ليا نادية
يوسف غير كيبرد دقة: وراه كنسا إهديك الله
سيف الدين و عمر غير كيشوفو فنادية لي دغيا تقلبات
نادية كتخنزر فيوسف: شحال من نهار معتبتي باب دار
يوسف غير طلعات معاه أش دار عض شفايفو : و الله تا أمع خدمة و ليوما لي خدمت نص نهار هاد خونا ضيعو ليا
نعت ف سيف الدين
ياله سيف طلع حاجبو و ناوي إعطيه شي مدفع سمع نادية دوات: اممممم خدمة
يوسف بدا كيلبد فعويناتو و كيدير نضرة براءة : و الله تا خدمة أخالتي

فدرب نيت فرانات لوطو ديال أدم من بعد ما وصل مريم لدارهم لي طول طريق باغي غير إمتى إوصل كان كيتجنب نضرات لكانت كدير فيه و لي عارف معناهم مزيان ،نزل هو و أحلام من لوطو سدو بيبان وتمو غادين و كيضحكو وصلو باب دار كيبان ليهم محلول دخلو و سدوه و تقدمو لداخل
گالس يوسف أونفاص مع باب تا كيلمحها داخلا وسبقها أدم  زير على يديه و عض شفايفو بعصبية ملي شافها أش لابسا
داخل أدم لمح يوسف و سيف الدين لي كان عاطي بظهرو و معرفوش شكون لحقات عليه أحلام لي غير هزات راسها تصدمات
ملي شافتو جالس و كيخنزر فيها بدا قلبها كيضرب معرفاتش علاش مي لي عارفة فهاد لحظة أنها معجبوهاش تخنزيراتو لاحظات شخص لي عاطيها بظهر و قلبها بدا كيضرب بزربة معرفاتش لاش كتحس براسها كتعرفو شافت فأدم بملامح تساؤل
أدم تحنى تال حدا ودنيها: بحالي بحالك
تقدمو بجوج و نطق أدم : السلام عليكم
سيف الدين حس بيهم ملي دخلو مي بقا ثابت بغا إلاحظ ردة فعل ديالهم تلفت بعرض لبطييئ
هما غير شافوه شهقو بصدمة تقدم أدم جيهتو و سيف الدين وقف و تاهو تم غادي جيهتو غير وصلو حدا بعضياتهم تعانقو بجوج عناق رجولي بعدو على بعضياتهم
طبطب سيف الدين على كتف أدم: صغاريتي أعشيري
أدم قهقه و شاف فيه : ونت شرفتي
سيف الدين كتافا غير بإبتسامة حول شوفاتو لأحلام طلعها من رجليها تال راسها دور لسانو على فمو من داخل
سيف الدين: اممم قطة كبرات
أحلام تلاحت عليه بلا سابق إنذار كتشهق و تبكي
سيف الدين: ششششش لاش كتبكي هاني معاكم دبا
أحلام حكات نيفها بتيشورط ديالو و عاد مازادت زيرات عليه
أحلام: توحشتك بزااف كنت كنتسنى غير إمتى تجي هاد لحظة
سيف بعد عليه أحلام بدا  كيمسح ليها عينيها و كيبعد ليها شعرها : وهايا هاد اللحظة جات صافي ششش بلا بكا صافي
أحلام حركات راسها بإيجاب و بتاسمات وسط دموعها : إمتى جيتي
سيف الدين : غير دبا شوية
هادشي كامل داز قدام عينيه لأول مرة إحسد سيف على شي حاجة مكرهش هو لي كون معنقها و هو لي كيمسح ليها دموعها مي هادشي شبه مستحيل

(أجي نعرفكم بعائلة العمراني، لي كيف شفتو كتكون من خمسة أفراد، أدم أستاد جامعي فمادة فيزياء فشعبة بيولوجي هو أخ أول فالعائلة شخصيتو مرحة و غير كيضحك ضارب دنيا بركلة معندوش فقاموس ديالو جدية ديما طانز مي إلى كان موضوع  جدييي نييت دغيا كيتقلب و كيولي شخص أخر عندو جوج أصدقاء خوه و يوسف لا غير.
سيف الدين احححححح توتوز ديالي كان خدام فشريكة فقطر عندو جوج ديبلومات واحد أنفورماتيك و تاني جيستيو هادشي لي كيخليه إتلاقا بزاااف عروض ديال خدمة و إلى دفع C.V دغيا كيتقبل مي هو من نوع لي كيكره إخدم بضغط لذالك كيما شفتو قدم إستقالة ديالو و جا كيفضل إخدم بحرية بحال متلا قبل ميسافر كان خدااام فمحال باه حيت كيميل لداك جانب كان معظم وقتو كيقضيه فمحال شخصيتو عكس شخصية أدم هو من نوع لي ديما مخنزر و شخص لي عصبي بلا قياس و قليل فين كيضحك غير مع عائلتو قول فين عمرو ضحك مزاج ديالو دغيا كيتقلب بحال الجو و تا هضرتو قليلة و مكيحملش إعاود هضرتو منظر ديال وجهو لي ديما مخزر و عاقد غوباشتو و هالة رعب لي كتحيط بيه كتخلي أي واحد إحتارمو سواءا كبير ولا صغير سيف عندو أصدقاء بزاااف بحكم ولد حي شعبي و معروف مي عاديين عندو عشيرو واحد لكيتشارك معاه همومو هو يوسف.
أحلام عندها عام لخر إيكونومي بنت شوية حشومية و حدودية عندها صديقة وحدة من صغر لي هي مريم بئر أسرارها أحلام كيما قلت حشومية مي مع مريم و عائلتها مكيناش كلمة حشومية فقاموسها تسمع هضرتها نت لي تحشم🤣🤣
نادية أم ديالهم إمرأة الله إعمرها دار ضريفة و ديما ضاحكة هي من نوع لي تقيسيها فعينيها و متقسيهاش فولادها كانت عندها صديقة وحدة هي مامات يوسف مي ماتت.
عمر العمراني كيما كنت ذكرت عندو محال ديال تيليفونات و الحواسيب واخا مخلي بابات يوسف  من نهار شد تقاعد إقابلو مي ضروري إيمشي ليه ولفو بزااف شحال من مرة كيكون مريض و ميفرطش فالمحال واخا يكون فيه رشيد (بابات يوسف) و تا سيف مي عادة هي عادة داير حجة بملال فدار شخصيتو بحال شخصية ديال أدم شخص مرح و متفهم و من نوع لي مكيتصرعش فالقرارات دياولو و ماشي غير أجي و شعل عمر

عائلة العمراني واخا هما ميسورين و عندهم القدرة إشريو برطمة فحي راقي إلا أن عمر و سيف مبغاوش خصوصا سيف مبغاش إخرج من درب لي عاش فيه و لي شهد على طفولة ديالو و مراهقة و تا مرحلة شباب ديالو داكشي علاش فضل إبقاو فهاد درب، عندهم جوج ديور وحدة فيها تلاتة طوابق و سطح كل طابق و ساكن فيه شخص بحال سفلي ساكن فيه عمر و نادية و احلام مكون من تلاتة بيوت و صالون و كوزينة و طواليط و طابق الأول ساكن فيه أدم و طابق ثاني ديال سيف و دار تانية فيها جوج طوابق و سطح هاد دار معمرهم سكنو فيها ديما كرينها )

(ندوزو لعائلة الجوهري لكتكون من جوج أفراد كين يوسف لي كيما ذكرت قبل هو بوليسي شخصيتو نص نص واخد أطباع سيف حيت كبر معاه و فنفس وقت واخد شوية مرح و ضحك من عند أدم اه متنساوش مع هو بوليسي راه مرة مرة كيكرط لحية بحكم اللجنة لي كدوز بعض المرات فالخدمة مي متخافوش واخا هكاك كيبقا بوگوص🤤
رشيد بابات يوسف شخص ضريف بزااف و متسمعش منو كلمة العيب و فنفس الوقت صاحب عمر قبل ميتزوجو بجوج
رشيد شاد تقاعد كان خدام عسكري و دبا بعض مرات كيهبط لمحال ديال عمر إقابلو إحيد روتين ديال دار.
يوسف ماماه ماتت ملي كانت عندو 5 سنين معاقلش عليها بزااف و حيت كانت صاحبت نادية أمناتها على ولدها لي رباتو نادية بحال واحد من ولادها إوى هادي هي عائلة الجوهري)

يتبع...✏️