قصة بالدارجة المغربية🌹تحت عنوان🌹:#مصير عاشقين🔞

💞📝 بارت 117📝💞

أحلام هزات راسها بإيجاب و قلبها مضمر وقفات و تماشات مع فراح دخلو لبيت جبدات لأحلام ما تلبس و خدات تاهي شي لعيبة من عندها حيت حوايجها بقاو لفوق واقفة كتبدل تا غوتات بشوية أحلام قفزات لعندها
أحلام بخوف: مالكي اش وااقع
فراح بتاسمات بفرحة: اري ليديك شوفي كيركلني
أحلام حسات بركلة ضحكات و نطقات: ناري حسيتي ههههه و الله تا ضربني خاصك افراح تمشي تشوفي واش بانت و لا بان
فراح بإبتسامة باهتة: ان شاء الله
غير كملات كلامها دازت ليها دمعة من عينيها دغيا مسحاتها ديك ساعة أحلام ماقدراتش تصبر تلاحت عليها معنقاها و بجوج كيبكيو بزز باش بعدو من بعضياتهم شافت فيها أحلام و نطقات بإنكسار
أحلام: عااااافاك سمحي ليا انا سباب هادشي كلو
فراح بدات كتمسح ليها دموعها و نطقات و إبتسامة بريئة على شفايفها: شششش نتي ما عليك والو هادشي راه مكتوب علينا هكا
أحلام شدات فيها و جلساتها فوق ناموسية و نطقات: ما كانش عندي شي حل أخور راه منقدرش نشوف سيف الدين و يوسف فلحبس بسبابي حيت كون ما انا ماتعرفتش على ياسين فراه سيف الدين و يوسف ايبقاو بعاد و ماغاديش إتكرفصو عليه و ماغاديش تصورهم نسريين و ماغاديش إهددوني بيه راه ماعارفاش باش كنت كنحس فاش كنت كنحاول نفرقكم راه قلبي كان كيتقطع و هادشي كامل غير على قبلهم
فراح عنقاتها: ششش احسن حاجة عودتي ليا واخا ماغادي نقدرو نبدلو والو مي على اقل حنا بجوج قاسمين الهم و تاني حاجة انا عارفة سيف الدين ماداير والو
أحلام: خفت لا مني تشوفي منظر توقع لبيبي شي حاجة ماقدرتش نصبر
فراح بعدات منها: ششش تا دابا ما وقع والو حاولنا نديرو داكشي لي طلبات منك ياك الى طلقت انا من سيف الدين غتمسح لفيديو و ماغاتشكيش بيه و من هادشي كامل ماغاتأديش ليا ولدي فراه ماتخافيش هاد مشاكيل كلهم غايتحلو
أحلام دموعها كينزلو شلال: سمحي ليا عاااافاك عارفة شحال صعيبة تفارقي مع خويا و شحال صعيبة تشوفيه مقهور و لكن راه اللهم هكا و لا لحبس
فراح ضربات على قلبها: عرفتي اش شفت ليوما شفت جوج ضربات أخرين من غير ديك ضربة لي ضرب عرفتي الى زاد ضرب لحمو تا انا انضربو راني ماقادراش نشوفو كيتعدب
أحلام عنقاتها ونطقات بحزن : ما علينا غير صبر مي نتي فشكل افراح عاودت ليك اش درت و مع دالك ماحقدتيش عليا
فراح بحزن: مايستاهلش هادشي نحقد عليك على قبلو
سكتو و سهاو بتفكيرهم لداك نهار

✨فلاش باك✨
سيفطات أحلام ميساج لنسرين حطات تيلي و تنهدات شوية سمعاتها نطقات
فراح : مزاال مانعستي
أحلام ضارت لعندها: لا ماجانيش
فراح بحزن: تانا كنحس بقلبي مقبوط عليا حاسة بشي حاجة اتوقع
أحلام غدراتها عينيها شافتها فراح شهقات : اويلي مالك
أحلام تمخشات فيها معنقاها: سمحي ليا عافاك افرااح مي راه ماشي فليدي
فراح بدات كطبطب ليها على ظهرها: مالكي ا أحلام واش واقع شي حاجة
أحلام بدات كتسرسب ليها كولشي من نهار تلاقات مع ياسين و نسرين تال دبا فاش دخلاتها ما نساتش شي حاجة تامن ميساج قالت ليها انا سبابهم سالات و بعدات منها و شافت فيها بعينيها دامعين و نطقات
أحلام: و الله اختي ما كان فليدي مابغيتش خويا يتعدب ويعيش فلحبس
فراح مسحات دموعها و نطقات: ماعليك والو كون كنت فبلاصتك اندير نفس شئ
أحلام رجعات عنقاتها و نطقات: ماقادراش نهز هاد لحمل بوحدي و مقدرتش نشوف وجهك غدا ملي تشوفي داكشي ما قدرتش نصبر
فراح نطقات و هي ساهية: هي بغات طلقنا و تفارقنا اوكي نعطيوها داكشي لي بغات
أحلام شافت فيها بجدية: اش كتعني
فراح تنهدات و هي كتحس بقلبها كيضرها و نطقات: انمتل اني غدا شفتو راه كيخوني باش نسرين تيق و باش تا سيف الدين ملي نقول ليه طلقني يكون عندي سبب
فراح سالات هضرتها و بدات كدعي فخطرها باش ربي يقويها و يصبرها حيت كولشي تقدر تصبر عليها تال هادي
أحلام نطقات بصوت حزين: الى كان عندك شك لا تكون دبا قاصتو فراه قبل ما ندخلها طلعت عندو تأكدت راه ناعس و درت ليه كاميرا فلبيت عاد دخلتها يعني داكشي لي غيوقع ايتصور و غدا نوريه ليك
فراح غمضات عينيها ونطقات بصوت مغنغن : ماكاين لاش راني كنتيق فيه واخا دوا فراه ما يقدرش إقيسها
سكتو و مادازتش 15 دقيقة تا كان كولشي نعس و لغد ليه فاش سيف الدين خرج و أحلام و إسراء طلعوها لفوق خرجو و أحلام طلعات لدارو خدات كاميرا و هبطاات
✨اند باك✨