قصة بالدارجة المغربية🌹تحت عنوان🌹:#مصير عاشقين🔞

💞📝 بارت 67📝💞

سيف الدين: كاين ادم فدار؟؟
فراح بتساؤل: اه خليتو مع عمي عمر علاش
سيف الدين دوا بجدية زعما بلا نقاش: ملي تبغي تخرجي سيري عندو ايعطيك شي لعيبة قضي بيها و الى خصك صوني ليا
فراح توترات : اا و لكن راه
سيف الدين جهد صوتو: فراااح عرفاني معنديش مع لهضرة لي كتعاود جوج مرات ياكي
فراح بحشمة من موقف لي ديما كيديرو ليها: اه
سيف الدين بحب: اوى ديري هادشي لي قلت ليك الله إرضي عليك
فراح : واخا شكرا
سيف الدين بمزاح: ديك شكرا كوليها
قلب نبرتو لجدية: مهم يأذن المغرب لقاك فدار تفقنا
فراح بحنان: واخا كون هاني بسلامة
سيف الدين : بسلامة

قطعات معاه و حطات تيليفون على قلبها لي كان كيضرب بجهد بلا متستغربو اه هي مزوجة بواحد و كتشاور مع واحد أخور
خرجات من لبيت بعد ما نظمات تنفس ديالها مشات عندهم علمتهم انهم خارجين
نطقات أحلام بإهتمام: فراح جلسي تا تاكلي بعدا راه من فطور ما كليتي الى سخفتي ليا برة انا لي غنوحل فيك
فراح جلسات حداها: راه والله ما فيا جوع كون فيا كون كليت غير عافاك كولي دغيا و نوضي راه خاصنا نمشيو قبل ما يأذن لعصر حيت خاص مغرب يلقاني فدار
أحلام صغرات عينيها: حكمات لمحكمة ياكي؟؟
فراح حركات راسها : ويه غير نوضي
و داكشي لي كان ناضو لبنات غادين لدار باش إوجدو راسهم

✨عند سيف الدين✨
قطع مع فراح و صونا لأدم لي هاد أخير اشاف نمرتو جاوبو
أدم : الو
سيف الدين بجدية: اتجي عندك فراح عطيها ....درهم تانجي و نعطيهم ليك
أدم بتساؤل: ياكما كاين باس
سيف الدين: لا والو ابغات تخرج تشري شي لعيبات مهم عندك تخرج من دار راه اتجي تبغي تبدل عطيهم ليها واخا متبغيش
أدم ضحاك: ههه ونت اتكوني تيريتي فيها باش تاخودهم و بغيتيها متبغيش راه بزز اسيدي
سيف الدين تاهوا بتاسم: مكنبغيهاش تكون مخصوصة من شي حاجة مهم تلاح تال من بعد
أدم بإبتسامة: ياله باي 

قطع أدم مع سيف الدين و هو يخرج من صالون بانت ليه فراح و أحلام داخلين شافوه و جاو سلمو عليه
أدم: على سلامة فين هو حقي
أحلام بمزاح: بلا متحاول تال نهار لعيد عاد أتحط
أدم كيقلي ليها سم: راه اتجيب نادية سطل واخا تخبيه فأخر دنيا نجبدو
أحلام تاهي ضحكات بمكر: اسيدي راه اتخلي لحلوة فدار فاطمة تا تجيبها نهار لعيد
أدم عقد غوباشتو: دبا شناوا انا ضعت تال نهار لعيد عاد ناكلها
أحلام: غير ملي تحط نهار لعيد كول و خبي لدواير زمان حيت مابقيتيش أتحلم بيها راه ملكية خاصة لضياف
أدم خبط رجليها: راه مبلانش والله كدير نادية
فراح بقات كتشوف فيها نطقات و هي كضور عويناتها: و راه ماشي غير خالتي لي فيها هاد لبلان تا ماما
هما أدم و أحلام تكرشخو بضحك عند بالهم غير نادية لي كتخبي عليهم سطل ديال حلوة

فراح مسحات عينيها من دموع حيت هي من نوع لي إلى ضحكات بزااف كيدمعو ليها عينها: أدم جيب ليا مقادير و نصيبها ليك
أدم عينيه لمعو بفرحة: حلفي
فراح من نيتها: والله احححح
غوتات على إثر لقرصة لي جاتها من أحلام
أحلام: و انا
فراح كتحك قرصتها لي فليدها: احح حرام عليك بغيتيها جي عونيني نصيبوها و نعطيك حقك
أحلام بدات كتفكر: امم صافي تفقنا
فراح : واخا نهار إجيب ليا مقادير طلعي عندي
اومأت ليها فراح بإيجاب و تفارقو باش كل وحدة توجد راسها