جالسين كلهم و كل واحد و تعبير على وجهو كاين لي حب و كاين لي كره و كاين لي نادم و كاين لي معصب و كاين لي مافاهم والو كاين لي باغيها فيهم و كاين لي كيتحسر عليهم كل واحد و اش من تعبير داير فوجهو مي حاجة وحدة لي مشاركين فيها كلهم و لي هي قلبهم لي مكسور ،وقفو كاملين ملي شافوه دخل جلسو بعد ما عطاهم لإذن و نطق بصوتو لي كان عالي و جدي
قاضي: بسم الله الرحمن الرحيم نبداو الجلسة
ناض محامي ديال فراح لي وكلو ليها ادم بدا كيهضر و يعطي فالأسباب لي خلاها طلق و لكن مدكروش خيانة حيت غادي يوليو حاجة خرى و لي هيا خيانة زوجية و لي غيكون فيها لحبس
طول لجلسة وهي حادرة راسها و دمعة فعينيها كتفكر فمصيرها من بعد حيت كولشي غيولي ينعت فيها بلمطلقة و هادشي لي بحد داتو كيفتح ليها جحيم ديال هضرة ناس و فنفس لوقت مجروحة حيت ماشي ساهل تكوني عايشة سعادة تا يجي نهار و طلقي من شخص لي كنتي حاسباه كولشي و مشكيل مقدراتش تكرهو واخا خانها لدرجة كون لقات شي حاجة خرى من غير خيانة تسامحو و لكن لا كولشي تال خيانة مسحات دمعة من عينيها ملي سمعاتو نطق
قاضي: اش بان ليك ابنتي فهادشي
فراح وقفات شافت فماماها لي ماقالتش ليها راه خانها اصلا ماكانت بغات تقولها لتاحد مي هو تبعها و دار شوهة كتافات تقول ليها غير انا و داك ولد ناس ما تفاهمناش
فراح نطقات بصوت عادي و بارد: انا مكرهتش نطلق فأقرب وقت حيت انا و هاد سيد ما تفهمناش و قررنا نطلقو بلا تا مشاكيل
سكتات و جلسات و قاضي نفس سؤال وجهو لسيف الدين لي طول لجلسة و عينيه غير عليها بغاها ولو غير لي لحظة تشوف فيه مي والو كانت حادرة راسها و مابغاش تشوف فيه كان كلو كيترعد و راسو عاطيه لحريق مجهد غير كيتفكر راه جالس و فلمحكة و باغا طلق كيبغي ينوض احرق لحزاق كامل مي بزز مصبر راسو
سيف الدين وقف و نطق بجدية و عينيه على فراح: انا ما باغيش نطلق و كنبغي مرتي بزاااف و كنتمنى تفهم هدشي و تعطيني فرصة وحدة خرى حيت ما باغيش نفرقها لا هي لا ولدي لي فكرشها
قال كلامو و جلس هي هزات راسها كتشوف فيه بحزن و كضرب فييه شي تخنزيرات ياربي سلامة حيت مدكراتش بيلي راه حاملة حيت عارفة لقاضي واخا تكون طلاق بتراضي ايبغي يعطيهم لمهلة باش يفكرو
نطق لقاضي بتساؤل: حااملة
وقف محامي ديال سيف الدين و نطق: اه يا سيدي لقاضي
ديك ساعة لقاضي بقا يقرى لوراق و ستاشر مع لي فجنبو نطق بالحكم لي هو عطاهم مدة باش يفكرو تال جلسة ماجية
خرجو من المحكمة و شي ما داوي مع شي مي كلهم فرحانين حيت غتأجل لجلسة من غير فراح
لي هاد أخيرة ياله بغات تطلع فلوطو ديال أدم تا جرها سيف الدين و طلعها لوطو و طلع مكسيري مخليهم ما فاهمين والو
فراح بالغوات: هبطني خليني نهبط
سيف الدين خبط ليديه و نطق: قطعي حسك مانسمعكش سمعتي
فراح تنهدات و تكات على شرجم ماشي حبا فيه سكتات لا غير كيما عارفين هي شخص لي كبر منها كتحتارمو
سهات بتفكيرها كيف دازو هاد الأيام تا وصلات لهاد نهار
💥قبل اربع أيام💥
جالسة فوق ناموسية و حداها أحلام و إسراء من بعد ما فاقت من نعاس لقاتهم حداها مادوات ما تكلمات بقات هكاك و كل واحد و فاش كيفكر سمعو دقان فلباب و دخل أدم توجه لعند فراح جلس حداها و نطق
ادم: شوية دبا
فراح بلا متسوق تلاحت عليه معنقاه و كتبكي
ادم كيحس بقلبو كيضرو عليها بقا مدة و هو معنقها شوية و بعدها عليه و جلسها و جلس حداها و ليديه كيمسحو دموعها
ادم بجدية: شششش ماخانكش افراح
فراح بحزن: شفتو بعينيا
ادم : بعد المرات داكشي لي كنشوفو ماشي حقيقي
فراح : و بعض المرات داكشي لي كنسمعو لي ماشي حقيقي
ادم تنهد و نطق: بصح نيت افراح ماخانكش و راه غير دارت هكاك باش تجبد صداع بيناتكم
فراح هبطات دموعها و نطقات: مانقدرش نتيق من غير عينيا و واخا يكون كلامك صحيح مي راه فيما كنغمض عينيا كتبان ليا غير ديك صورة لي نفترض بصح ماخانيش مي كيف دارت تا دخلات لدار ااا و لا علاش لحمو كولو فيه اتار ديال شفايفها
يتبع...✏️
وبقا فيا لحال🥺🙂
YOU ARE READING
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
💞📝 بارت 114📝💞
Start from the beginning
