رِفان : اكتر بطلة قريبة لشخصية ثريا؟
ثريا : جوري في 14 فبراير ❤️.
رِفان : شن هي الرسالة كنتِ تحبي توصليها للقارئ من خلال رواياتك؟
ثريا : الصراحه ماكنتش نوصل في رساله كان غرض روايتي التسليه لا اكثر ، بس روايتي الاخيره كان لها هدف و هوا انا مافيش شي اسمه الرجل أفضل من المرأه
العلاقه بين الاجناس علاقة تكامل ، المرأه تكمل الرجل و العكس ، اما علاقة التفاضل ف هيا وجدت للتفاضل بين الانواع لان الله سبحانه و تعالى فضل نوع البشر على نوع الحيوان و لم يفضل جنس الذكر على الانثى. .
رِفان : عطيني اسم بطلة تعبتي في تكوين شخصيتها ؟
ثريا : ياقوت في خلقت حرة ، بسبب الي صارلها سببلها في اضطراب نفسي ، احياننا تكون شخص طبيعي و احياننا تكون شخص يبانًا عليها اعراض المرض .
رِفان : بطل من ابطال رواياتك تتمني لو انه موجود في حياتك؟
ثريا : مصعب 😂🙏🏻❤️.
رِفان : ثنائي من ابطال رواياتك قريبين ع قلبك ؟
ثريا : جِنان ومصعب 🥺❤️.
رِفان : مره صرحتي ان رواية " فرصة ثانيه " حقيقية ، ڪيف تواصلتي مع الابطال ؟ ، وكيف كانت تجربتك في كتابة رواية حقيقية.
ثريا : تواصلت عن طريق قريبتي كانت تعرف البطله شخصيًا و تعرفت عليها في مناسبه لقريبتي ، تجربه مختلفه تماما و كنت مستغربه اغلب الاحداث الي يصيرن في ليبيا و كيف انعدام الرحمه بس برضو كنت جدا حابه وقفت ايهم لوتين و كيف كان راجل في زمن قلة فيه الرجوله ❤
رِفان : النقد سواء الايجابي او السلبي هل يأثر في ثريا ؟
ثريا : جدًا ، انا من الناس الي تأثر من اي كلمة حتى ولو كانت من طفل صغير .
رِفان : اول رواية قريتيها في حياتك ؟
ثريا : هوا كتاب ، الرجل من المريخ و النساء من الزمرد على ما أعتقد اسمه هك .
رِفان : رواية من رواياتك ترشحيها تكون مسلسل او فيلم؟
ثريا : خُلقت حرة ❤️.
رِفان : هل فكرت ثريا تكتب رواية بالفصحى؟
ثريا : نشتغل عليها حاليًا ❤️.
رِفان : موفقه يارب 🙏🏻❤️.
ثريا : تسلميلي ❤️.
رِفان : رواية " خُلقت حرة " امتى حَ تكمل ؟ ، وليش طولتي في كتابتها ؟
ثريا : اول رواية تكون مسيرتي معاها طويله لدرجه هذ ، بدايتها كانت شهادتي و ثالثه ثانوي و بعدها مرض و ضغوطات و بعدها التعليقات السلبيه لما حسيت ان كروها ع قد ما انا حابتها ع قد ماقدرتش نكملها .
مانقدرش نعطي موعد محدد حيمسكوني بيه 😅❤
رِفان : ان شاءالله تكمليها ع خير وزي ماتبيها .
ثريا : ان شاءالله بس لو كملت جزء الاول حيكون في جزء ثاني ❤.
رِفان: شن حلم ثريا كَ كاتبة؟
ثريا : ك كاتبة أن يكون مسلسل بتأليفي و كتابتي ❤️.
رِفان : رواية ليك حسيتيها انظلمت من قلة التفاعل؟
رِفان : شمس مظلمة .
رِفان : رواية " عوالم مختلفة " تُعتبر اول رواية ليبية تحكي عن العائلة الليبية المسيحية وكذا ، كيف جاتك الفكرة بتاعها ؟ ، وهل ترددتي قبل ما تكتبي قصتها ؟
ثريا : الصراحه ماترددتش و لا لحظه اني نكتبها لاني ماسردت اي شي يدل ع المسيحيه بالعكس كانت تحكي ع الاسلام أكثر شي ، و الفكره جتني من كتاب في قلبي أنثى عبريه ❤.
رِفان : اول مابديتي تكتبي توقعتي النجاح يلي واصلتيله اليوم؟
ثريا : أبدا ، قتلك كان شي صادم ليا ❤
رِفان : ان شاءالله نشوفوك كاتبة من اكبر الكتاب ♥️
ثريا : يارب تسلمي حبيبتي ❤️❤️
رِفان : فيه رواية جديدة قريبا؟
ثريا : ان شاء الله العودة بعد العيد قوية ❤️.
رِفان : ثريا هل تدخلي في خيالك مع الشخصيات ؟
ثريا : جدًا لدرجه مرات نكون كيف كملت حلقه و نطلع بنكلم خوي ناديه بأسم واحد من ابطال الروايه و نقع في مصيبه 😂💔.
رِفان : كلمة او اي شي حابة تقوليه لِ متابعينك المساحة ليك ❤️.
ثريا : طبعا كل الشكر لناس الي تكتبلي في كومنتات حلوه مررررره تفرحني من كل قلبي و برضو شكر لناس الي تعطي في رأيها ب احترام سواء كان سلبي او إيجابي مرات يزعلني بس يكفي الاسلوب ، اما رسالتي لناس الي تعامل الكاتب على ان حد يشتغل عندهم مش حنرد بسوء بس بنعطيك جملة و فكر فيها " أن الي تقراه انت في دقيقتين ياخذ من غيرك 24 ساعه تفكير و 8 ساعات كتابه " ياريت حتى لو كان تعليقك سلبي يكون ب أحترام . و طبعا حب كبيير مني ليكم ❤.
و بِـ هكِ نكونوا ڪلمنا حلقتنا مع الكاتبة الحلوة #ويوش_حمو ، نتمنولها ڪل التوفيق في مسيرتها 🙏🏻❤️.
استنونا في الحلقة الختامية من برنامجنا الرمضاني قريبًا بعون الله مع ڪاتبة جديدة ❤️❤️.
#رِفان_مع_كاتبة ✍🏻🤍.
رِفان مع ويوش حمو
ابدأ من البداية
