و 1% مش راضية عليه سببه هي سرعة في كتابة عدم مراجعة حلقات في بداية رواية ، و اي رواية لازم يكون فيها حياة روتينية عشان تحسسي قارئ بأنها فعلا حقيقة انا نحس ان وجودك امان في حلقات ممله مش فوبيا الحب لأن وجودك امان مش انا اللي نتحكم البطلة هي اللي تحكيلي انا لازم نكتب معناتها كلها بدون تقصير حاولت نوصل احساسها و ألمها بشكل صحيح جدا عشان نحسوا بالنعمه اللي غيرنا فاقدها.
رِفان : وجودك أمان كان سكوت رحمة مستفز هلبااا بالنسبة ليا و تصرفات بلقا فالبداية مستفزة هلباااا ومع هدا كانت رواية حلوة وخفيفة ، وبالنسبة ل فوبيا الحب رواية نحبها وكنت متابعتها من اول حلقة ، ولكن وصلتي احساس رحمة للكل وخليتيني نقول الحمدلله علي ماعطاني ربي و ع طولة لساني 🤣♥️
رِفان : شن اكتر شيء صعب يواجهك في الكتابة ؟
فافي : كتابة بشكل عام ضغط و جهد خذت من صحتي و الله بذات بعد نبقي مضطرة على كتابة حلقة نضغط على روحي بس مش منسجمة و الضغط أكثر بعد نبي نكتب مشاهد رومانسية جدا نضغط نكتب و نحذف نكتب و نحذف عشان يكون مشهد لائق مع شخصية يكون أيضا مقنع😂 😂💔
رِفان : تحبي تقري روايات لكاتبات اخرين؟
فافي : اي نحب 3 كاتبات قريتلهن رواياتهن كلهن حبيت روايات وسردهن ويلي هما
فوفو بن دردف " حب الاعمي ،سارة " سعادة كاذبة ، انوشة " رواياتها كلهن
رِفان : فكرتي تكتبي بالفصحى ؟
فافي : فكرت بس ما كتبتش روايات لان نفحاتي بالفصحي هذا كان كافي ليا في وقت الحالي.
رِفان : اكتر كاتبة تحبيها ومتمنيتها توصل
للعالمية ؟
فافي : كاتبة لها صفات معينة لازم تكون طموحه كتاباتها معروفة و محبوبة بس ثلاثة اللي قلتلك عليهن هنا عندي اساس في نفس الوقت نتمني الخير لجميع ❤
رِفان : فيه تعليق لأحد الفانز حبيته وتعلقتي بيه لين حفظتيه؟
فافي : صراحة لا، لان تعليقاتهن كلهن جميلة بذات ضجة اللي صارت على وجودك امان كانن تعليقات جدا جميلة كنت نبقي تاعبة من كاتبة مش واكلة شي يوم كله أول ما انزل حلقة اندير حاجة ناكلها نبقي مكسدة معاهن😂😂 خلقن جو جدا جميل لمستهن في رواية بتعليقتهن جدا شجعني فاحبة نشكرهن كلها على روحهن الحلوة ❤.
رِفان : بالنسبة ل فافي ماهو اهم التفاعل وعدد المتابعين ولا الرسالة يلي توصليها من خلال كتابتك؟فافي : الرسالة طبعا اهم من عدد مشاهدات او لايكات ، انا بعد نكتب نشتغل على شخصيات على كل شخصية حاطة فيها طابع سمح نصيحة جميلة قرارات صحيحة تقدر اي بنت او مدام تكمل به حياتها على مسؤوليتي رواياتي هنا الاثنين بس، الحمدلله انه بعد نكمل رواية هنا اللي يكتبن شن تعلمن او استفادن منها مش انا اللي نكتب ، انا نكتب على شكل لغز من اول حلقة لعند آخر حلقة هنا اللي يعرفن يحلنها فعلا ياخذن بالنصيحة و الحمد لله كانن عارفات انا شن نبي نوصلهن ❤
رِفان : اكتر شخصية رواية مأثرة فيك وحابتها تكون في الواقع؟
فافي : شخصية باسم و هله في فوبيا الحب طريقة تعاملهم مع كناين جو سلفات و حب احفاد و العايلة متمسكة رغم وفاة والدهم جدا حبيتهم❤.
رِفان : عندك عدد حلو من الفانز هل كونتي منهم صداقة او حاطة بينكم حاجز ؟
فافي : اي تقريبا عدد لا باس به 3 قريبات بكل باقي صديقاتي على فيس
رِفان : سؤال كنتي حابة نسأله لك ؟
فافي : كيف حالك من داخل ؟
رِفان : كيف حال فافي من الداخل ؟
فافي : الحمدلله 😂💔.
رِفان : دووم يارب .
رِفان : حابة تقولي كلمة ل جمهورك او اي شيء المساحة ليك ؟
أول حاجة حابة نشكر حضرتك على استضافة الجميلة حديث معاك كان جميل و شيق جدا ❤
تانيا نشكر فكروناتي جميعا ❤
أيضا حابة نشكر البنات اللي لعند اليوم يسالن عليا رغم غيابي على ساحة روايات لنا لقاء قريب ان شاء الله لساحة، بنات الي كانن معايا فترة مرضتي حبيت نطمن الجميع مرة اخري ان الحمدلله حتي لو في حاجات تغيرت فيا فهذا كان مش بيدي بس نطلب منكم تدعولي نرد كيف قبل و ربي يستجيب دعائي و دعائكم ❤
ثالثا شكر خاص لمامتي صحباتي انا جدا سعيدة بوقفتكن معايا❤❤❤
و آخر شي نحبكن فكروناتي🥺❤
رِفان : اسعدني حظورك ونشكرك ع تواضعك ورحابة صدرك ♥️
و بِـ هكِ نكونوا كملنا لقاءنا مع الكاتبة #وفاء نتمنولها ڪل التوفيق 🙏🏻🤍.
استنونا في حلقة جديدة مع ڪاتبة جديدة قريبًا بعون الله 🤍.
#رِفان_مع_كاتبة 🤍✍🏻.
