#رِفان_مع_كاتبة 🤍✍🏻.
ڪاتبتنا اليوم عرفت تثبت وتميز روحها في عالم الروايات الليبية ، من خلال رواياتها وطريقة سردها الحلوة المُميزة قدرت تجذب الناس ل رواياتها ❤️ ، #فافي_المسماري نتمنولك ڪل التوفيق في مسيرتك 🙏🏻❤️.
رِفان : نبدوا فافي ؟
فافي : توكلنا على الله.
رِفان : شن هو اسم فافي الحقيقي ؟
فافي : عفراء .
رِفان : كم مواليد فافي ؟
فافي : 2001
رِفان : فافي من اي مدينة ؟
فافي : بنغازي .
رِفان : حالة فافي الاجتماعية ؟
فافي : عزباء .
رِفان : مؤهل فافي العلمي ؟
فافي : طالبة جامعية .
رِفان : شي تحب فافي اديره وقت فراغها ؟
فافي : كأي بنت ليبيه النوم طبعاً 😂 او الكتابة اللي تخطر عليا مرات الرسم .
رِفان : مدينه خاطرك تزوريها ؟
فافي : طرابلس ليبيا .. كوريا .. ومصر ف رمضان.
رِفان : فافي شخصية انفعاليه او هادية ؟
فافي : الإثنين ع حسب الموقف اللي ننحط فيه بس الاكثريه انفعالية اكثر رغم ان شخصيتي العكس .
رِفان : اكثر شي يجذبك في الشخص يلي تتعاملي معاه ؟
فافي : شخصيته .. اسلوبه .. تفكيره ..
رِفان : اقرب شخص ليك ؟
فافي: سجى صاحبتي واكثر اللي يتابعو فيا اكيد يعرفوها ❤️
رِفان : حلمك ؟
فافي : ان نكون مهندسة ناجحه مستقبلاً ومعروفة ف عالم الكتابة واندير كتاب خاص بيا .
رِفان : شن الشي يلي ما تحبيهش في فافي ؟
فافي : التسرع .. واوقات الغباء اللي يجي فجاءة😂 .. وعصبيتي وعنادي
رِفان : اكثر شي يفرح في فافي ؟
فافي : الاهتمام من اقرب الناس ليا .. وثاني شي طرف شوكلاته انسانه بسيطه جدا😂
رِفان : وين تشوفي في فافي بعد 5 سنين ؟
فافي : نشوف فيا انسانة ناجحه جداً متخرجه من قسم كان بالنسة ليا حلم الطفولة .. وماشية نصدر ف اول كتاب ليا .
رِفان : كيف اكتشفتي موهبتك في عالم الروايات ؟
فافي : الاكتشاف كان مش مفهوم اشويه .. ف يوم نذكرها خشلي صحباتي من الابتدائي راه قررنا انديرو صفحة روايات وي فافي نبو انتي اللي تمسكيها قلتلهن تمام نمسك بس كتابة مانكتبش .. بين يوم وليلة طلعت معايا قصه😂 بين يوم وليلة كتبت وقعدن يتولدن عندي احداث وهكذا .. والبدايه الرسمية صح كنت ايام الحرب بعد نكسد نكتب حاجات سريعه ونمسح لعند استقريت ع الموضوع هذ .
رِفان : اول ما بديتي تكتبي هل حصلتي دعم من اهلك وناسك ؟ ، وهل برضوا واجهتي اعتراض ؟
فافي : اول مابديت كان الدعم من هلي اكثر .. والاكثر اختي وبنت خالتي ومن بعدها من ماما اللي تقرا حتى فيهن .. الاعتراض جاني وقت بديت نتعب ونواجه ف انتقادات ونمرض ونهمل ف القرايه والاكثر من بابا وماما بس غيرها للأن ماجش اعتراض من حد .
رِفان : اول رواية ليك شن كانت ؟
وهل واجهتي صعوبة في الكتابة ؟ ، طبعًا بحكم انها اول مره ..
فافي : اول رواية ليا كاتبة نازحة عند مغروري .. ولأنها اول روايه ومش فاهمه مازالت ماكانش ف اي تعب فيها بحكم ان نكتب اللي يخطر عليا وبس .
رِفان : مزالت موجودة روايتك هذي 🙊♥️؟
فافي : مازالت موجودة اها بس ستر الله باقي😂 .
رِفان : شي صعب يواجهك في الكتابة احيانًا ؟
فافي : المحادثات بين الابطال .. وتنسيق الأحداث بعد يقعد عندك حدث وتفكري ف اللي بعده .
رِفان : شي مُعين في الكتابة تحبيه
مثلًا حوار الشخصيات ، الاحداث القويه او غيرهن ؟
فافي : كنت من قبل تلفتني الحوارات او الشخصيات .. توا قعد يلفت فيا السرد ومحتوى القصة أكثر من الشخصيات او الحوارات .. والاحداث القوية طبعاً كان رواية مافيهش احداث قوية ماتسمتعيش بيها .
رِفان : لو قتلك بطل من ابطال رواياتك تتمني انه يكون موجود في حياتك ، من حَ يكون ؟
فافي : محمد وياسين ♥️♥️
رِفان : ليش همـا الاثنين بالذات ؟
فافي : شخصية محمد طلعت وقت التعب وكنت مضغوطه يعني كيف مانقول من رحم المعناة😂 طلعت من وسط قلبي .. اما ياسين فارس الاحلام😂❤️ .
رِفان : شن هي الرواية يلي من رواياتك قريبه من قلبك جدًا وتحبيها ؟
فافي : سكك القلوب 🤍
رِفان: ممكن نعرف السبب ؟
فافي : وقت كتابتي لسكك كنت نفكر ف رواية غيرها بس بعد بديت نفكر ف الشخصيات والاحداث وهك جت ف عقلي هيا .. الشخصيات ماكاننش هكي ومن عندك هنا نعترف كانت اللي ف عقلي مش كيف هذي بكل .. بعدين جت فترة صعبه اشويه ف حياتي انضغطت من حيث القرايه وكنت محبوسه بسبب كورونا وصارن عرم احداث وقبلها بابا كان مريض خلطت حطيت تعبي النفسي كله فيها نحس فيها راحتي النفسية لان حطيت طاقتي السلبيه كلها ف شخصية محمد قريبه مني لان طلعت من كل قلبي وحسيت بكل شي كتبته فيها .
رِفان : يعني نقدروا نقولوا ان رواية سكك القلوب جزء من قلب فافي المسماري ♥️♥️
فافي : قلبي كله والله ومافيش رواية حتجي مكانها الا اذا كانتي قصتي انا الحقيقيه❤️
رِفان : رواية تحسي انها خدت منك جهد و وقت وتعبتي وانتِ تكتبي فيها ؟
فافي : اللي فيها نفسياً وجسديا ومعنويا القدر .
رِفان : ممكن نعرف السبب ؟♥️
فافي : بداية الروايه كانت تمام وجميلة وكله تمام .. وكنت انزل ف الوقت والكل معايا رغم ان حصلت فيها دعم كبير اكثر من سكك .. بس بعدها نكسر تليفوني وطبعا حنتأخر ف التنزيل طلعن الانتقادات والناس اللي مش عاجبها ان انا نتأخر هكي وكيف ومش عارفه شنو .. وزاد الضغط من الفانز بكثرة .. لدرجه سببلي إرهاق لان نقعد ساهرة مش نكمل الحلقه مش بعدها ماما تاخذ تليفونها وهكي .. وبعد خذيت تليفون التعب رد عليا بصداع وغيرة وماكنش حد مقدر .. بعد كملتها كأنه حصلت اعفاء كانت متعبه جداً .
رِفان : رواية تحسي انك ظلمتيها في النهاية ؟ ، او اختصرتي في احداثها واجد عشان تكمليها ؟
فافي : ......
يتبع ✍🏻🤍.
استنونا بعد شوي في التكملة من اللقاء 🤍
#ِرِفان_مع_كاتبة 🤍✍🏻
