#رِفان_مع_كاتبة ✍🏻🤍.
ڪاتبتنا اليوم ڪاتبة انا شخصيًا تعز ؏ قلبي بجد ، لانها تُعتبر من الكاتبات يلي عندهن سرد حلو 🤍 ، وقصصها ديما مُشوقه جدًا ، ويوش نتمنولك ڪل التوفيق في مسيرتك❤️🙏🏻.
رِفان : نبدوا ثريا ؟
ثريا : توكلنا على الله .
رِفان : كم مواليد ثريا ؟
ثريا : 2003❤️
رِفان : ثريا من اي مدينة؟
ثريا : من منطقة الرجمة .
رِفان : مؤهل ثريا العلمي ؟
ثريا : السنه هذي كيف تخرجت من الثانوي ، و بأذن الله طب بشري ❤️🙏🏻.
رِفان : موفقة يارب ❤️🩹.
رِفان : حالة ثريا الاجتماعية؟
ثريا : عزباء ❤️.
رِفان : اكثر شيء يفرح في ثريا ؟
ثريا : اي شي بسيط و يكون طالع من قلب مايكونش بهدف معين او مصطنع و الاطفال ❤ .
رِفان : اكتر شيء يزعل في ثريا ؟
ثريا : الاستغلال ، استغلال الاشخاص للفرص الي انا نعطيها و ان يفكرو الفرص الي نعطيها تكون بسبب ضعف مني و برضو الكذب .
رِفان : مقولة او جملة تحبيها وماشية بيها اساس حياتك ؟
ثريا : آيه القرآنيه .. قال الله تعالى : { خُذ ِالْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ} .
رِفان : شن اكتر شي تحب اديره ثريا وقت فراغها ؟
ثريا: النوم او تعلم اللغة التركيه ❤.
رِفان : شخص قريب من ثريا ؟
ثريا : شوفي هما أشخاص مش شخص ، بس الاقرب محبةً من بعد الام و الاب و الاخوه طبعا. بنت خالتي عيلتي الثانيه هيا و بيت اسراري و اخت ماجبتهاش ماما و بعدها يجي حبيبي عبودي طفلي ❤.
رِفان : مدينه خاطرك تزوريها ؟
ثريا : في ليبيا مصراته ، خارج ليبيا منطقه طرابلزون في تركيا ❤.
رِفان : اكتر شخص داعم لِ ثريا في حياتها العادية؟
ثريا : ماما و خويا و بنت خالتي ❤
رِفان : تذكري اول يوم كتبتي فيه رواية ، كيف كان شعورك وقتها لما لقيتي أقبال من ناس عليها والكل حبها ؟
ثريا : هوا ده يوم بيتنسي ، الصراحه انا لما كتبت كنت ك ترفيه فقط يعني مش متوقعه ان حيقروها اساسا ف كانت معايا بنت خالتي نبعتلها فالحلقات و هيا تقولي والله حلوه نزلي ، ف لما نزلت لقيت اشعارات الناس تقولي نزلي اللي بعدها بليز و كملي و تهبل و كلام من كده ، ف كان شعور مختلف حسيت ان عندي موهبه و ضروري نميها و من هنا بدت رحلتي ❤ .
رِفان : من وين تستوحي في رواياتك " الخيال او الواقع ؟
ثريا : بعض من الخيال و بعض من الواقع و لكن لا يخلو الواقع من الخيال حتى واقعنا .
رِفان : كيف قدرتي تقسمي وقتك بين الكتابة وبين حياتك العادية؟
ثريا : في روايتي الاوله كانت الكتابه عندي سهله يعني ك تسليه ف ممكن اغلب وقتي عليها ، بس لما فهمت اني انا نوصل في رساله او نسرد في قصص ناس واقعيه نبي نوصل احساسهم قعد الشي عندي صعب ممكن نقعد سبوع كامل نفكر شن نكتب و مانكتبش شي لذلك وقت الكتابه عندي محدود ممكن بعد كل شهر حلقه ، متعبني من ناحية التفكير ممكن لكن قلة مانكتب .
