#رِفان_مع_كاتبة 🤍.
كاتبتنا اليوم صح عندها روايتين بس بس مست قلوب هلبا قراء وجمهورها مشاءلله ♥️ روايات تعيشي معاها كل شي وتتعرفي على هلبا عادات على الشرق الليبي الحبيب🤍🤍 بالنسبه ليا من فوبيا الحب تعلمت وفهمت اغلب المصطلحات الشرقاويه😍♥️
منعطلش عليكم نبدوا في اللقاء بسم الله♥️
رِفان : شن هو اسم فافي الحقيقي؟
فافي : وفاء 🤍
رِفان : كم مواليد فافي ؟
فافي : 1996❤
رِفان: فافي من اي مدينة ؟
فافي: بنغازي ❤❤
رِفان: حالتك الاجتماعية ؟
فافي : سنقل 😁🤍
رِفان : العلمي او تخصصك؟
فافي : خريجة جامعة بنغازي ليسانس الآداب قسم تربية و علم النفس ❤
رِفان : فافي تشتغل او لا ؟
فافي : كيف بديت نشتغل أخصائية نفسية و اجتماعية مدرسة خاصة 🤍
رِفان : خاطرك تزوريها ؟
فافي : طرابلس و البيضاء و الخمس و درنة.
رِفان : فافي شخصية انفعالية ام هادئة؟
فافي : انفعالية من درجة اولي😂💔
رِفان : شن هو حلم فافي ؟
فافي : شوفي حلمي ما عمره توقف لحد معين كل ما ندخل في أي مشروع تلقيني نحلم بأحسن حتي لو انا قاعدة في مجالي احسن وحده بس ما نوقفش طموحاتي مالهنش حدود توا دراسيا نتمني يفتحوا تسجيل عشان نكمل دراسات عليا ان شاء الله، في العمل نحب نبقي مميزة و اسمي بعد ينذكر الكل يشهد للجهدي و فعلا درتها من اول شهر حفرت اسم مستحيل ينتسي عند الجميع و الحمدلله، هذه غريزة فيا لما ندخل في أي مجال لازم نحط بصمتي من اول مرة كيف كتابة من اول رواية ❤
و اما في كتابة كانت بدايتي خوف بسبب الشهرة و مراقبة الصراحة كنت من ناس اللي ما تبيش الشهرة نهائي ما نطلعش للساحة الا لو في رواية مع ان شخصيتي قوية جدا صعب تعامل معاها او اختلاط بيها كنت حاطة شروط أول ما بديت نكتب ، لقيت روحي نحكي مع فكروناتي كانهن خواتي ❤ حببني أكثر في كتابة في مؤهبتي كلامهن تعليقاتهن حفزني اني نستمر درجة من اول رواية انحطيت في مراتب اولي و مع احسن و اكبر كاتبات معروفات في ساحة ليبية هذا يشرفني طبعا سألوني كم رواية عندك الصدمة كانت ان اول رواية ليا هي سبب شهرتي ، و حلمي في كتابة تدوين كتاباتي في كتب سواء كانت نفحاتي البسطة او روايتي بس باللغة العربية الفصحى طبعا ❤ .
رِفان : اقرب شخص ليك يافافي ؟
فافي : موضوع هذا واعر شويا في ناس تزعل نبقي نراضي و جو 😂 بس توا نجاوب نتوكل على الله و اللهم اجعل من بين أيديهم سدا 😂
عندي 6 أشخاص اقرب وحدات على قلبي مش يعني باقي لا ، لا بالعكس نحب الكل بس الستة هذينا من اول حرف نكتبه يفهمن فيا طول درجة من استوري انزله يعرفن كل شي بدون ما نحكي
الاثنين عمرهن ما فرقني عشرة عمر من ايام جامعة فعلا كانن سند ليا على حلوة و مره مع بعضنا كنت جدا سعيدة فخورة انهن صحباتي ❤
عندي مامتي نبيع دنيا بالي فيها نشري دقيقة زيادة معاها ربي يطولي في عمرها و يخليها ليا كانت سند ليا رغم البعد بس مافيش يوم حسيت روحي اني فقدتها كانت معايا ، و تحس بيا حتي في نص ليل ، كنت نبكي من حبها ليا معزتها ليا نبقي نكتب نعبر على جميع مشاعري بعد نجي نكتب عليها نستك كلام السمح فيها شويا بكل ديما مهتمه بيا مفرحتني ادير في كل شي عشان نضحك و نفرح 🥺❤
عندي صديقتي من ايام ثانوي غالية عليا و قريبة مني❤
عندي صديقتي من فيسبوك كانت و لازلت نعمه اخت مصيرنا سبحان الله كيف بعضنا حرفيا صبت معايا واجد تصبر فيا واجد ربي ما يحرمني منها ❤
عندي وحده كانت و لازالت غالية بس الظروف غيرن احوالنا ناس خربت علينا 💔 .
رِفان : شن الشي يلي ماتحبيه في فافي وحابة تغيريه ؟
فافي : شوفي هو انا كالشخصية صراحة شخصيتي جدا مقتنعة بيها الواعرة بس حساسة ، عندي العصبية و ردة فعلي جدا سريعة بعد تصير مشكلة بيني انا و اي شخص مستحيل انا اللي نبدأ و نسأل لازم طرف آخر هو اللي يبادر بعدها انا نمشي عادي جدا و لا كأنه.
و طبع هذا ما يعرفنش الا 4 من اقرب وحدات لقلبي حاجة
تانية حاجة ما نحبهش فيا اني نتعلق واجد بشخص بعد يكون في بينا اي خلاف نتعب جسديا و نفسيا لاني متعلقة فيه واثقة فيه مستبعدة انها تسيبني بروحي 💔 .
رِفان : وين تشوفي في فافي بعد 5 سنين ؟
فافي : استاذة في جامعة بإذن الله نحضر دكتورة 😇❤
رِفان مقولة او حكمة تحبيها ومعتبرتها اساس توجهك فالحياة ؟
فافي : إن ابتلاء عابرة سبيل، و ان الله رب كريم . 🙌❤
رِفان : من الداعم ليك فالحياة ؟
فافي : أولا متوكلة على الله في جميع اموري دعمي أول و اخير ماما و مامتي ملاك صديقتي❤
رِفان : من كان اول حد يعرف انك تكتبي في روايات ؟
فافي : ملاك صديقتي ❤.
رِفان : كيف بدت فافي الكتابة وكيف دخلتي عالم الكتابة وشن الشي او الموقف يلي خلاك تكتبي ؟
فافي : بديت من موقف في جامعة كان في شاب يبيني نشرحله مادة كلها عشان دكتور قاله امشيلها هي و لا طالبة اخري لان هنا بس اللي صفن مادة A بنت اخري صاحبتي حتي هي بس هو حكي مع اصحابه قال توا نمشيلها هي" اللي هيا انا " ياريته ما قال المسكين 😂😂 جاء حكي مع صاحبتي بس صاحبتي قالتله مستحيل توافق انا عرفتها دار كلام واجد بينهم بين زملائي في قسم و فعلا انا رفضت عطيته شيتات كلهن بالشرح اللي مكتوب بالخطوة قلت صاحبتي هذا اللي نقدر عليه رفضت نشرحله طبعا هو لقبني المغرورة وسمعته مرة انا مخطمه قاله ليا في بداية بس بعد عرف ان ما نحكيش مع اولاد صاحبتي لقبتني فوبيا قسم كله عرفني بفوبيا من هنا جت في بالي رواية فوبيا الحب😂😂💔.
رِفان : تتفكري اول يوم كتبتي فيه كيف كان شعورك وقتها وكيف كان شعورك لما لقيتي الناس حبوها وفي ردت فعل حلوة عليها ؟
فافي : شعوري كنت خايفة ننشهر صراحة بس بعد لقيت ردة فعل فكروناتي هك جدا فرحت حبيت كتابة أكثر ما نحبها❤
رِفان : هل سبق وجسدتي شخصية فافي في احدى بطلاتك؟
فافي : شخصيتي كاملة الصراحة لا، بس في بعض مواقف كنت نكتب في ردة فعلي من موقف مش ان انا شخصية فلانه لا بس كنت نقول لو انا في مكانها كنت نتصرف هك 😂
رِفان : وجودك أمان رواية لقت التفاعل المتوقعة تلقاه او لا ؟
فافي : الصراحة كنت متوقعة فكروناتي عند حسن ظني عمرهن ما خيبني دارن الواجب و زيادة🥺❤
رِفان : سبق وقلتي ان رحمة شخصية حقيقية هل هادي المعلومة صحيحة واي من شخصياتك رواياتك حقيقية؟
فافي : وجودك امان بشكل عام جميع شخصيات حقيقية بالنسبة 100%.
رِفان : فوبيا حب البعض حس انها طولت وكان فيها شويه ملل شن راي فافي في الموضوع؟
فافي : صراحة فوبيا كانت شوي مشاهد جدا جميلة كنت راضية عليها بالنسبة 99% ، و 1%.
يتبع....
