#رِفان_مع_ڪاتبة 🤍✍🏻.
#تابع_مع_آيه
رفان: عمرك وصلتي لمرحله انا خلاص بنوقف كتابه ونمسح رواياتي وننسى عالم الروايات ؟
آيه: طبعا جت فتره طويلها اختفيت بس ما مسحتش رواياتي ... وممكن حاتصير فالمستقبل مانعرفش الظروف
رفان: لو رجع بيك الوقت لأول مرة كتبتي فيها هل حَ ترجعي تكتبي روايات ؟
آيه:حا نرجع نكتب طبعا بس بصراحه مش بالبدايه الي بديت بيها ولا الوقت حا نرد بس ب طريقة انضج ممكن
رفان: رد فعل يلي حولك على نجاح رواياتك هل كان فيه ناس وقفت ضدك وحاولت تحبطك وتخليك توقفي؟
آيه: علي رغم انه في ناس واجد دعمتني بس كان في جانب ضدي وللاسف مانقدرش نتكلم عالموضوع بس كان فيه 💔
رفان: شخص تتمنيه يقرا كتاباتك؟
آيه: مش مهتمه واجد بمن يقرالي😅 لاني مش واخذه الكتابه ك شهره وموضوع كبير نفرح بناس الي تقرالي وما نزعلش لو في حد ما يعرفنش ❤️
رفان: اكثر رسالة تحاولي توصليها برواياتك للقراء ؟
آيه: انه في كاتبات وفيه سرد وفيه حبكه و قصة مش كله كلام فاضي وقصص مالهنش اي داعي و مليانات اخطاء املائية ومش كل من كتب سطرين معناها قعد كاتب
رفان: رواية من رواياتك قريبه من قلبك ❤️؟
آيه : عادي نقول كلهن؟ 😂😂بس اقرب اقرب
المستشفي ، سجين و رُوح 🤍
رفان: شن هو حلم آيه كَ كاتبه ؟ و وين تبي توصلي بـ رواياتك ❤️؟
آيه: ماعنديش حلم فالكتابه تصدقي؟ لاني مش واخذتها شي اساسي مجرد هوايه وشي نحبه مش حاجة اساسية ف نحب نكتب براحه و نحب نشوف الناس تقرالي بس فنفس الوقت لو معش كتبت مش ح يآثر عليا انا ك ايه
رفان: اكثر شخصية رواية مأثره فيك ومتمنيه تكون موجودة في حياتك ؏ الواقع ؟
آيه: ماخطرش علي بالي حد بس ماعمريش انبهرت بشخصية في روايه
رفان: هل حَ نشوفوا آيه بالفُصحى ؟
آيه: حاليا لا .. شايفه روحي مرتاحه وانا نكتب بالعاميه❤️
رفان: رواية مأثره فيك كَ قارئة وتحبيها ؟
آيه: نحب رواية احببتك اكثر مما ينبغي بطريقه غريبه ممكن عشان اول رواية قريتها ❤️
رفان: انجح كاتبه بالنسبة ليك والافضل عند الجمهور حاليًا ؟
آيه : مافيش وحده افضل عند الكل
لانه جمهور الروايات مش ثابت علي حد طول العمر.. يطهقو بحد يقعدو يفرضو فيه عالناس اي وحده تسأل اقري لفلانه لازم تقريلها ونكون انا قريتلها وماعجبنيش سردها😅 بس هما ركبو الموجه ويبو الناس كلها تقرا لنفس الشخص الي هما يقرو له وبعدها يحولو علي حد ثاني ف موضوع الكتابة اذواق مش نفس ذوقي نفس ذوق غيري يختلفن الاذواق في كل شي وهضا اهم شي لولا الاختلاف را ماقعدش لكل حد جمهوره❤️
بس نقولك من اكثر كاتبه قريبه مني عالواقع وطموحه بكللل ولو استمرت ح تبدع ف نحب كوكا صالح❤️لانها بعيدا عالكتابه شخصية قريبه من القلب جدا❤️
رفان: سؤال كان خاطرك ان نسأله لكِ ❤️
آيه: مشاء الله تقريبا كله انسآل ❤️
رفان: كلمه لِ جمهورك او اي شي حابه تقوليه ،
المساحة ليك ♥️♥️
آيه: شكرا علي كل دعمكم ليا وخصوصا البنات الي معايا من اول روايه ليا وبنات القروب الي من كثر ما تعودت عليهن قعدت حافظتهن بالاسم ❤️ فعليا نغيب نغيب ونرد عشانهن ❤️❤️❤️❤️ نحبكم و راجوني فالجديد قريبًا 😍😍😍
وشكرا رِفان علي لطافتك وعلي فكرة البيج الجميله واللي تدعم فالكل ❤️ ان شاءالله موفقات حبيباتي❤️
رفان: العفو بالعكس ما حسيتش بالوقت ❤️ حبيبتي تسلمي كلك ذوق ❤️❤️❤️
و بِـ هكِ نكونوا ڪملنا حلقتنا مع كاتبتنا الحلوه #آيه ، نتمنالها من قلبي ڪل التوفيق ❤️🙏🏻.
استنونا في لقاء جديد مع كاتب/ة جديد/ة قريبًا بعون الله ❤️🙏🏻.
#رِفان_مع_كاتبة ✍🏻🤍.
