QUEEN SERIES #3: THE MILK TEA QUEEN [COMPLETED]

CHAPTER TWENTY-TWO

"What is it, Mom?"

"Your Dad!" And I heard a string of Russian curses. No'n ko na-realize na umiiyak pala siya sa galit sa aking ama.

"Ano nga?" Bakit pa niya iniiyakan ang matagal nang patay?

"Ang daddy mo! He's alive! He's alive after all these years! That mother-fvcker! That bastard!"

At sa mabilisang kuwento ay nasabi niyang pinalabas ni Dad na patay na siya para hindi na hanapin ni Lolo at maisagawa nito ang matagal nang inaasam-asam. Ang magpa-sex change. Nasa New York daw ito at namumuhay kasama ang napangasawang Amerikano. And he goes by the name of Erika Contreras!

I was shocked. Alam kong bakla ang aking ama, pero kailanman ay hindi sumagi sa isipan ko na isa pala siyang transgender.

"Why are you mad? It doesn't change anything, di ba? You don't care about him naman."

She wailed even more. And she cursed again. Galit daw siya dahil ni hindi man lang inayos ni Dad ang mamanahin naming mag-ina bago nito isinagawa ang gusto. Sana man lang daw ay automatic na inilipat agad sa pangalan niya o di kaya sa akin ang lahat ng mana ni Dad at hindi ang iilan lamang.

I rolled my eyes. Inisip ko pa naman na she was crying because she still loves Dad. Napailing-iling ako. Ano pa nga ba ang dapat kong asahan kay Mom? Siyempre, it will always be all about the inheritance.

"Oo nga pala, binawi ko ang binigay na pera sa mga Juarez," sabi niya sa akin in Russian. Mahinahon na ang tinig niya. "At the end of the month, kund hindi nila mababayaran ang utang nila sa bangko natin, they will have to give up their Parañaque residence as well."

"No, Mom! You didn't!"

"Oh yes, I did!" And she hang up the phone.

Naghanap ako ng pwede kong pag-parking-an sandali so I can call her. Nakailang try ako, pero she did not pick up the phone. Ang bangko namin sa Batangas na lang ang tinawagan ko. Kinompirma nga ng manager na totoo ang sinabi ni Mom. Hindi raw kasi pinal ang kasunduan nila ni Mrs. Juarez. Nakasalalay daw kasi iyon sa kasal namin ni Shane. Ang nakalagay daw kasi sa kontrata na pinirmahan ng mag-asawa, kapag hindi umabot sa isang taon ang kasal namin ni Shane o di kaya hindi naibigay ni Lolo ang parte ko at ni Dad sa mana within a year of our civil union, babawiin ang binigay nito sa pamilya Juarez.

Napamura ako. I could have prevented it if I only tried to ask her about the conditions of their arrangement. Napokpok ko ang manibela ng kotse ko sa galit.

**********

Shane Andrea Juarez

Meet me at the Pizza Hut near my former milk tea shop.

Tinitigan ko ang text message sa akin ni Micah. I was tempted to text back and say, "Fvck you!" pero pinigilan ko rin ang sarili. Baka isipin niyang galit ako sa kanya dahil sa pagpapawalang-bisa sa kasal namin. Kahit totoo iyon hindi niya dapat malaman pa.

I checked my call history. Nakailang missed calls na rin pala siya. Kaya siguro nag-text na. Hmp! Why did he even think I would still want to talk to him?

Dumaan akong chapel. I need some spiritual advice. I stared at Mama Mary's image. I closed my eyes and prayed. Siguro mga ilang minuto rin akong nagdasal bago ako nakapagdesisyon na makipagkita sa lalaking nang-reject sa akin. Baka kasi kapag hindi ko sinipot ay iisiping masyado kong dinamdam ang ginawa niya. He could annull our marriage a thousand times. Who cares?

Parang tumalon sa tuwa ang puso ko nang makita ko ang side view ng mukha niya. Palihim kong pinagalitan ang sarili. Eh ano ngayon kung lalo siyang gumwapo dahil sa bagong gupit? Ang linis na ng mukha niya, not that it wasn't before. Pero lalong nakadagdag ng manly aura niya ang kiskis ng razor sa magkabilang sides ng ulo niya. Lalong na-emphasize ang matangos at tuwid niyang ilong, makapal na kilay at malalantik na pilik-mata...