قصة بالدارجة المغربية🌹تحت عنوان🌹:#مصير عاشقين🔞

💞📝 بارت 94 📝💞

وصلو و هبطو بداو كيخرجو فداكشي من لوطو و كل واحد واش كيهز و وسطهم لعريس لي عرس جوج مرات هاز لورد حسبو على تلاتة و تلقو حلقهم كيصليو على رسول الله تمو طالعين فدروج و كيزغرتو خالقينها ابيناتهم وصلو لدار لقاو لباب محلول و ريحة لبخور خارجة و تا أغاني مسموعين منين و لين تلقاو ليهم جيران قدام لباب و لغنا و حالة وكانو اشي عيالات نيت من جيران كل وحدة و اش هازة و عاطينها لتطبال ها لي هازة طعريجة و ها لي هاز طارة مي كولشي برعاية صينية و لمعالق دخلوهم و حطو دفوع كلو فصالون و جلسو مجوعين غير لعائلة فجيه و جيران فجيه ياله بغات تنوض أحلام لعند إسراء تا كيسمعو صلاة و سلام على رسول الله و زغاريت شافو جيهة لباب بانت ليهم داخلة لابسة قفطان بحزام ديالو فلبلونكاسي و طالقة شعرها و رامية عليه زيف و دايرة ميكاب تقيل شوية جات واعرة أدم عينيه مهبطوش عليها كولشي كيشوف فيها الى شخص واحد لي شاف فيها شوفة وحدة و هبط عينو لهاديك لي حداه لي مهبلاه اتبان ليه سلات لحلوة يحط ليها وحدة خرى
جلسوها حدا أدم و بداو فلغنا شوية سكتو ملي شافو عدول بدا كيطرح أسئلة ديالو لي غير سالا سناو ودعهم و خرج
ديك ساعة ركبو لبعضياتهم خواتم و دارو عادة ديال تمر و حليب لي إسراء مشرباتوش حيت مكتحملوش شوية دخلات نقاشة تنقش ليها
تحنى سيف الدين عند فراح و نطق: واش هادشي باقي معطل
فراح شافت فيه: معرفتش و الله
سالات هضرتها و تلفتات كتشوف فأحلام كتنقش سرطات ريقها معرفاتش علاش تشهاتها ياك هي مكتحملهاش اش تبدل
سيف الدين بقا كيشوف فيها كيف كتشوف فنقاشة حط ليديه على كتفها و نطق: مالكي
فراح شافت فيه بعينين كيلمعو: بغيت نقش
سيف الدين مسح ليها فمها من جنب كان شوية شكلاط عليه و نطق بحب: ياك مكتحمليهاش
فراح بتوتر: ماعرفتش مي بغيتها دبا
سيف الدين اومأ ليها و نطق : بلاتي نقولها لواليدة
تلفت سيف الدين عند نادية و تحنى تال ودنها و نطق: نادية راه فراح بغات تنقش
ديك ساعة تلفتات ليه نادية و نطقات: لا متخليهاش
سيف الدين عقد غوباشتو و نطق: علاش
نادية: راه غدا عرسها تصبر تال غدا و تنقش الى نقشات دبا كيف غنديرو نقشو ليها غدا
سيف الدين حك لحيتو و نطق: ضروري خليها دير دبا بلاش من غدا
نادية نطقات بجدية: لا راه عادات دياولنا اسيف
سيف الدين اومأ ليها و تلفت لعند فراح لي كتشوف فيه بلهفة : قالت ليك مايمكنش ديريها دبا
فراح عينيها غرغرو: علاش دبا لا، واش مكتحملهاش راه و الله نقول ليها ماديرش فيها دوليو باش تحيد دغيا اخاليها ديرها ليا
سيف الدين زيرها من جيهة كتفها ليها و نطق بحب: شكون قالها ليك اصلا انا كتعجبي لحنة مي لواليدة قالت ليك راه صبري تال غدا لعرس و غادي ديريها حيت الى درتيها دبا اضربي كولشي فزيرو ليهم غدا
فراح اومأت ليه بحزن: صافي واخا
سيف الدين بدا كيلعب بليديه فضهرها و نطق: غدا ديريها كوني هانية
فراح شافت فيه بلهفة: بصح ماكتكدبش غير باش منديرهاش دبا
سيف الدين هز ليديها باسها ليها مامسوق لتا حد: اصلا انا ما كرهتش لحنة متحيدش من ليديك
فراح تزنگات خصوصا ملي شافت كولشي كيشوف فيهم ملي دخلو جاو مع بعضياتهم بجهد و زادو كملو لبقية ملي شافوه كيف كيحط ليها لحلوة و راض ليها لبال
نطقات بصوت حنين: اول مرة نشوف شي حد عزيز عليه لحنا كنت كنسمع ديما دراري ما كيحملوهاش مي بالحق تا بابا كان ديما تا كيدخل نقاشة على ماما كيقول ليها نقشي و تاهي كتموت عليها
سيف الدين شاف فيها بحب: معرفتش مي ملي كنت كنشوف لواليدة و أحلام دايرينها كتعجبني و خلاص نهار درتيها تانتي نهار لعقد مي ملي عرفت ماعندكش معاها حيت قالتها ليا أحلام قلت بلا منبزز عليك شي حاجة
فراح شافت فيه بحب و نطقات: ماعرفش اش جاني عليها دبا مي ماحدها عاجباني انبقا نديرها تا تطلع ليك فراسك
سيف الدين بتاسم ليها بحب و تا هي هكاك نطق بصوت خافت: فراح اش باليك نديرو بناقص و ياله رجعو لدار
فراح خرجات عينيها و عضات على شفايفها: ويلي حشومة غير يسالي هادشي نمشيو
سيف الدين عض على شفايفو: متبقايش ضحكي و لا تعضيهم راه كنتشهاك افراح
ديك ساعة ضربات طم و شافت فإيمان لي كتنقش كانو حنيكاتها مزنگين مرجعاتش تشوف فيه حشمها

سيف الدين بقا كيشوف فيها بلا ملال تا نغزاتو نادية و تلفت عندها هاز حاجبو بتساؤل
نادية دايرة إبتسامة بزز و نطقات: ربي لا ما قرى عليك نت و فراح لقرآن و لا نوض سير دي مرتك راه بغاو ياكلوكم بعينيكم
سيف الدين ضور عينيه لقا أغلبية كيشوفو فيهم لا من ناحية عيالات لا بنات لا دراري قضية مخلطة و هنا تعصب ملي شاف فشي دراري كانو عينيهم عليها
نادية نطقات: عرفتو شنو نوض ريح لهيه تشتتو ولا اتجيبوها فريوسكم
سيف الدين بعصبية: انوض نغيرها انا وياها اش انبقاو نديرو هنا
نادية بدا كيطلع معاها صح : غير بقا بلاتي شوية و سير
سيف الدين بدا كيفرك فليديه بعصبية: اصلا مالهم على هاد لقوم كلو
نادية: راه جيران عايشة معاهم من صغر من نهار ماتو واليديها مجاتش تكاتب و ماتعيطش ليهم
سيف الدين اومأ ليها و وقف ملي سمع واحد راجل قال لرجال اتفضلو معاه
مشاو لبيت لاخور ضارو على طبلة و بداو كياكلو بعد ما تحط لغدا و سيف الدين باغي غير إمتى إسالي هاد تخربيق و تا عند لعيالات نفس شي سالاو لماكلة و وقفو

يتبع..✏️
فنظركم ايدوز هاد نهار بلا مشاكيل🙂🤦