شـيـاع الـمِسك

الحلقة الاخيرة

لينتهي كُل شيء
‏لتنتهي الطُرق
‏والأغاني
‏ولينتهي الليّل
‏ويخفُ صدى الأسماء
‏وتتلاشى رائحة المكان
‏لتظل أنت وحدّك
‏بأي شكل وطريقةٍ كانت .

#شـيـاع الـمِسك
#هُـدى حُـسَـيّـن
••••••••••••••••••••••••••••••••

واكفة كدامة برُعب واني بصدمتي كلماتي عجزت عن
النُطق ختم كلامه هو يضغط على ركبتي واني صرت
ارجف صرت اضرب بأيديه بعشوائيه ما كنت
مسيطرة على نفسي احس قواي انعدمت من بلش
الهوى ينقطع عندي كانت لحظاتي الاخير كلشي
تراقص امام عيوني وبديت اتشاهد على روحي ، ما
اشوفه الا وكع كدامي صرخت برهبه وكعدت بالكاع
واني لازمة ركبتي واكح واباوعله كان فاقد الوعي
باوعت شفتها كَمَرة شايله الطاوه وترجف شمرتها هي وركضت اجت عليه

كَمَرة بقلق: انتِ بخير بخير

مِسك بخوف: اااي اي

ما اشوف الا سيارة شياع شخطت كدام الباب ونزل
يركض ويصيح

شياع: مِسسسسك

اجاني بسرعة وعيونه مليانه خوف اتمسكت بي بقوه
كنت للحظة راح اخسره وما اشوفه مرة ثانية كنت
ارجف وكوه التقط أنفاسي

شياع: كومي ، كَمَرة ليال اخذنها انه اتصرف ويا هالعار

مِسك بألم: ديربالك شياع

مشيت واني ارفع راسي واجر انفاسي بصعوبة ، كعدت
والبنات نخبصن خطية من شافني هيج اجت هيلة
غسلتلي وجهي ورشت مي على ركبتي واني صافنه
وارجف كان بيني وبين الموت خطوة ، وكالعادة كان
الله ينفذني بكل مرة احس راح افقد حياتي شكد كان
عادل ورحيم

كنت صافنه وبس احمد بربي واشكره على رحمته
وياي ، مرت دقائق هدئت شويه واستعاديت نظام
أنفاسي كنت كاعده على التخم والبنات محاوطتني
وعيونهن مليانه قلق وخوف كتلهن

مِسك بإرهاق: مابيه شي بنات ، شكراً كَمَرة

كَمَرة: لا تشكريني هذا واجبي

ليال: منو كان متخيل هيج يصير

هيلة: اني اتوقع كلشي من ذوله الناس

ليال: ومنو توقعت كَمَرة تتلاحك مِسك

هي شمرت نفسها على التخم وكالت وهي تتنهد

كَمَرة: اسكتي اني ما ادري شلون وصلت الطاوة بيدي
وركعته بيها

مِسك بأبتسامة: تصير سوالف ، هم كاللكم شياع وين
راح

هيلة: والله ما ندري راح واخذ ابن عمج ويا

اتعذرت منهن على الصار وكمت اسوي عشى الهن شياع
حاسب حساب لكلشي متسوگ مسواك كامل ، كنت
اسوي واسولف ويا البنات الي وحدة تحظر وياي العشى
والثانية تسوي مقبلات والثالثه تخظر المواعين ،
واني الكه نفسي صافنه وارتجف مُجرد ما اتخيل
نفسي تحت قبضة طلال !! ،