"حورية عربية في حُسنِها
درر الجمالِ الفاتن العدنانِ
سمراءَ تقتل حُسنَ كل صبيّةٍ
آخّاذةٌ عسـليةُ العينانِ"
#شـيـاع الـمِسك
#هُـدى حُـسَـيّـن
••••••••••••••••••••••••••••••••
كنت واكفة ومذهولة من الي اشوفه كنت اشوف كدامي
بدلة لون احمر ناري كانت منفوش وتجنن حييل كانت
دلعة لحد بداية الصدر ومخصرة للخصر ويبدي من
الخصر منفوشة كلش حلوة عبالك بدلة اميرات ، كنت صافنه
بجمالها كالتلي مريم
مريم; مو بس هيج شوفي
باوعت لأيدها كان تاج ماسي يجنن كتلها
مِسك: شكو المن هاي لملك؟
مريم: لا يثولة الج
عگدت حواجبي باوعت لامي مستغربه كالت
امي: البارحة اجانه شياع واخذني اني ومريم للمحلات
يريد يشتريلج شي وهو ما يعرف وكال لا تكولولها وهو
اختار البدلة لان الملابس جانت بس گصير وهو يتخبل
اذا كناله على شي گصير
مريم: عاد اخذنه لأبو البدلات وضل هو يختار واحنا
نختار وهو اختارلج هاي واني اشتريتلج تاج بربج مو
يجنن
مِسك: شياع سوه هيج؟
كنت احجي واتذكر من كتله خلي اروح لسوك وهو ما
قبل وهنه يحجن واني بدأ الفرح يتدفق بداخلي تقربت
للبدلة كانت ارداناتها نازلة للكتف وشفافه تكون لحد
الساعد ، تجنن بمعنى الكلمة ، امي ومريم يحچن واني
كنت اضحك من استوعبت فعلته ، تنهدت براحة ولزمت
بطني بلكي اكون حامل وافرحة !!
بالحضة وحدة تبخر كل قهري منه وعصبيتي اختفت
لبست البدلة وطلعت لأمي ولختي وهنه تعجبن اجت
علي مقاسي فيت كنت كلش فرحانة ونسيت كلشي
انفتحت الباب باوعت شفتها رسيل صوفرت واني
افتريت فخورة بنفسي
مِسك: شرأيكم
مريم: وعلي تخبلين يلا رسيل اشتغلي مو بس تصوفرين
شمرت على اردانتها وكالتلي
رسيل: اليوم الا اخلي اليشوفج يضل حاير بزمانة اذا
ما اخلي شياع ينسى عشيرته بسببج ما اطلع رسيل
ضحكت وكعدت وهي بدت تحطلي مكياج ومريم تُبرم
بشعري واني فرحانة بنفسي احس نفسي عروسة من
جديد ، للاسف كنت كلش فاشلة اعبر عن فرحتي لكن
ضحكتي شاهده عليها جُدران غرفتنا القديمة ، نسيت
كلشي وردت بس اضم شياع لقلبي اخلي بس الي !!
أنت تقرأ
شـيـاع الـمِسك
Romanceأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
