شـيـاع الـمِسك

الحلقة الـ5

‏قد نلتقي أَو لا نَعُودُ لِحُبنا
كُل النتائجِ فِي النهايةِ واردةْ
أُولَى علاماتِ الرحِيلِ قطِيعَةٌ
وَدَلِيلُهَا خُطُوَاتنا المُتباعدةْ
لِلكِبرياءِ نتائجٌ مَذمُومَةٌ
بينَ الأَحبةِ لَا تَعُودُ بِفائِدةْ

#شـيـاع الـمِسك
#هُـدى حُـسَـيّـن
••••••••••••••••••••••••••••••••

مُجرد لحظات حتى استقرن بصالة وسط كل الناس
الموجوده اهنا زمجرت عمتي بصوت غاضب

: مووو عيب ما تعزمون اهل البنية ، ولو اني تعلمت
منكم شلون انكر اهلي

مشيت بسرعة ما ردت تصير مشكلة وخاصة بهذا اليوم
الناس ما تصدگ فضيحة تصير وگبل تضل تحچي بيها
ما يكولون نستر وهو الله بجلالته موصي بستر وكفت
كبالهن وعيوني تشع بالهيب ولو ضهر للعلن كان حرق
جميع الموجودين من شدة غضبي منهن ما احس الا
اندفعت وصارت بوجهن خالتي مُهجة كالت وعلى
شفايفها اثر ابتسامة

خالتي: اسمعن حبيباااات اذا جايات تفرحن لفرحنا
اهلاً وسهلاً وكل الهلا بيجن جايات تسون مشاكل وحق
مُحمد اسوي ما اسوي بيچن وتعرفن مُهجة شنو

ضلن وحدة تباوع على الثانية لتكول عمتي ام يونس

: لا عيني جاين نفرح ببنيتا مريومة

مِسك: يا ويلها الي تسوي مشكلة اهنا ولو اسمع حچاية
منا منا ما تلومن الا نفسجن

كنت احجي واني اباوع لعمتي خديجة كان عمتي مواهب تكول

: ولج ادبسزز حيوانة احترمي نفسج مو عبالج ساكتين
خايفين منج

حالتي: هااا هاا كومي ضربيها بعد

: واكسر راسها هم الما تحترم عندي هي والنعال

مِسك: واني الما احترمه هو والنعال

عمتي: شنوووو ولج

مِسك بهدوء: الي سمعتي مو عبالج فقيرة اني واركض
وراج ادور رضاج مثل قبل لااا تغير كلشي

مُهجة : يلا امشن اكعدن ومثل ما حچيت حرف واحد
وشوفن شراح يصير بيجن

مشن كعدن والوادم تباوع علينا جرتني خالتي وصارت
تبوس بيه واني اضحك كتلها

مِسك: من الصبح اجيتي توني يلا اتذكرتي تبوسيني

خالتي: خاب فدوه لهل وجه لو هيج البنات لو بلا هيج
رايدتج قوية مو مثل امج الخوثه الفاهية اكلو حقها
وسكتت وتتعوذ من الشيطان