قصة بالدارجة المغربية🌹تحت عنوان🌹:#مصير عاشقين🔞

💞📝 بارت 87 📝💞

ملي خرجات أحلام كضحك وصلات لوطو ديال أدم ركبات لور حدا نادية لي كانت لابسة جلابة فبلو مارين مع زيف مخلط بألوان و سندالا نطق عمر لي كان راكب لقدام حدا أدم لابس قميجة تاهي فبلو مارين و سروال تجين و سبرديلا
عمر: واش سيف الدين و فراح مزال معطلين
أدم بتاسم ملي تفكر وجهو، تا عقد غوباشتو ملي سمعها اش قالت
أحلام: راه شعلتو خليتو أيتقنبل
نادية: اش درتي ألمسخوطة و الله و جا لا فكيتو منك
أدم بجدية: اش قلتي
أحلام للحظة عرفات راسها قفراتها: لا مقلت والو غير ملي درتي هكاك قلت ليه راه مولف معاها هكاك
هنا أدم عقد حواجبو و نطق: كفااااش واش بغيتيه يقتلها اش هاد تقح*بين ا أحلام
عمر خبطو: صلح هضرتك
أدم طالع ليه دم: ونتوما عتقو راه غيقتلها
نادية بإستغراب: اش واقع
عاود ليها دغيا و نطق: سيري عتقي ليكان متعتق اما لا بنت ليه انا و أحلام يقتلنا
نادية قرصات أحلام و بدات كتخبط فجنابها: اويلي حاي واش بغيتوه يطلقها
أدم نطق: بغيتي تقصدي اقتلها حيت طلاق عمرها تحلم بيه
ديك ساعة خرجات نادية داخلة كتجري لدار سمعات كلامهم ابان ليها ايضربها جات قدامها و نطقات
نادية: هالعار اولدي لما نعل شيطان
سيف الدين عينيه حمرين و كيدوي معصب: واش باغا تجهلني الواليدة واش انا حاضر و هي مخلياه اتلمس فيها اش بغاو واش كيقلبو عليا نحرهم جملة
نادية كتشوف فيه برجاء: راه لمسخوطة احلام معرفاتش دوي اما حاسباه فراح بحال خوها و تاهو هكاك راه كيبغي وحدة خرى و مكيشوفش ففراح بديك طريقة
سيف الدين نتف شعرو: وراه عرفناه كيحسبها بحال ختو و لكن ابعد منها واش باغيني نحجبها شمس ماتبقا تشوفها و راه بربي تا نديرها
نادية شدات فيه و كتجر فيه: غير ياله انا ندوي معاه
سيف الدين: واش هو يبغيني نبدا نشلقم ليه فمرتو ولا نتلمسها راه انفرعو الواليدة
رجع شاف ففراح كيف كترعد و غمض عينيه بعصبية للحظة كان ايتهور و لكن هي لي كتقلب عليه
نطق بصوت لي خلاها تقفز و متعودهاش معاه: زيدي نتي قدامي
و داكشي لي كان خرجو و رجعات نادية عند أدم
نادية ركبات و نطقات: سيدة كنتو اتاكلو عليها عزاها
أدم: بريي و يقيسها تا تكون هضرة خرى
عمر بجدية: بعد ا أدم من بنت
أدم بجدية : من نهار لول حسبتها بحال ختي و مامبعدش منها معجبوش لحال إضرب راسو مع لحيط
أحلام ساكتة مقدراتش تنطق مي غير سمعات أدم اش قال نطقات: كتقلب نت على شي قتلة من عندو
مع سكتات مع غوتات كانت نادية لي طلعاتها معاها بقرصة
نادية: نتي اسكتي هضرة خرى معاك

عند سيف الدين لي بان ليه يوسف شاد تيلي و متكي على لوطو كان لابس تيشورط حمر و سروال تجين و سبرديلا فلحمر
وقف عليه و نطق: تحرك نت
يوسف شاف فيه و مد ليديه و هو مبتاسم : امالنا على هاد تخنزيرة على صباح
سيف الدين سلم عليه سلام رجولي و نطق بعصبية: دوز قو*د ،سوق و لا خليني نسوق انا
يوسف : ابرد اصاحبي
شاف ففراح بانت ليه واقفة من مورا سيف الدين بتاسم ليها و مد ليديه: اهلا ختي فراح بيخير
فراح بتاسمات ياله مدات ليديه بغات تسلم عليه تا حبسات ملي سمعاتو نطق
سيف الدين: بربي و تقيسيه تا نقبرك هنا راه مزال مدوزتش ليك داكشي
فراح ديك ساعة رجعات ليديها و شافت فيوسف لي كيضحك على عشيرو اصلا هو كان متأكد 100٪ مغيخليهاش تسلم عليه مي بغا يعصبو و صافي (ومحرامش عليكم نت من جيهة و ادم من جيهة خرى)
نطقات فراح موجهة كلامها ليوسف بإبتسامة: بيخير و نت اش خبارك
يوسف : و الله تا بيخير اه مبروك عليك
فراح تزنگات و بتاسمات بلطافة: شكرا
هو شافها بتاسمات تا برزات تقبة زين و عينيها تسدو كرز على ليديه و جرها ماباغيهاش تبتاسم لشي حد حيت كتبان متييرة لواحد لقياس لي كيخليه إفقد عقلو
ركبها و ركب هو لقدام حاقد ،يوسف شافو ضحك و طلع تاهو مكسيري مورا أدم

يتبع...✏️
شي كلمة فحق أحلام🙂
اما تا سيف الدين صافي شوية و يفقد عقلو معاها🤣