လူတစ်ယောက်ကကံနိမ့်သည့်အခါတွင်ပိုမိုအန္တရာယ်ရှိနိုင်သည်။ကံကောင်းစေသည့်အဆောင်စာရွက်ကတစ်ဖက်လူရဲ့ကံကိုအနည်းနဲ့အများတော့မြှင့်တင်ပေးနိုင်၏။
ဒါကလည်းလက်ခံသည့်လူနှင့်ဆိုင်သည်။မကောင်းသည့်လူတစ်ယောက်သာစာရွက်ကိုလက်ခံခဲ့ရင်အဆောင်စာရွက်၏အာနိသင်ကပြောင်းပြန်၊ဆန့်ကျင်ဘက်ဖြစ်သွားစေနိုင်သည်။
ဇာတ်လိုက်တို့သူငယ်ချင်းအဖွဲ့ကကျောင်းသားအရွယ်လေးတွေသာဖြစ်တာကြောင့်လူ့လောကရဲ့ကြမ်းတမ်းမှုတွေကိုကိုယ်တွေ့ရင်ဆိုင်ကြုံတွေ့ဖူးခြင်းမရှိပေ။ဒီ့အတွက်သူ့တို့ရဲ့လက်နဲ့အတွင်းစိတ်ကအရမ်းကြီးမဟုတ်ရင်တောင်သန့်ရှင်းနေသေးသည်။
ချင်းထန်ဟာသတိရလာသည်နှင့်အတော်လေးအူကြောင်ကြောင်ဖြစ်သွားသည်။သူ့ရဲ့လက်တွေဆိုတုန်ရီနေသည်မှာသာမန်ပစ္စည်းလေးတစ်ခုတောင်မြဲမြံအောင်မကိုင်နိုင်တော့သည်အထိပင်ဖြစ်သည်။
ထိုအဖြစ်အပျက်ကြောင့်ရှောင်ကျန့်စိတ်ထဲထူးဆန်းသွားသလိုတောင်ခံစားလိုက်ရသေးသည်။
ဒီလောက်ထိကြောက်စရာလိုလို့လား.....သူဆိုရင်ချွန်ထက်တဲ့ပစ္စည်းတွေအများကြီးရဲ့တိုက်ခိုက်တာခံရပေမယ့်အေးဆေးပဲလေ....
ကံဆိုးစွာဖြင့်ထိုအဖြစ်အပျက်တွေကြောင့်ချင်းထန်၏ဆေးရုံတွင်နေရမည့်နေရက်တွေမှာပိုမိုများပြားလာသည်။သူ့ရဲ့မိဘတွေကစိတ်မချတာကြောင့်လည်းပါသည်။
ကျောင်းသားတွေအတွက်ကျောင်းပိတ်ရက်ဟာလည်းကုန်ဆုံးသွားပြီဖြစ်တာကြောင့်ပိုင်မင်တို့အဖွဲ့အနေနဲ့ချင်းထန်ကိုဆေးရုံ၌တစ်ချိန်လုံးမစောင့်ပေးနိုင်တော့ပေ။
ရှောင်ကျန့်ကသူ့ရဲ့တိုက်ခန်းသေးသေးလေးဆီပြန်ရောက်သည်နှင့်အိပ်ယာပေါ်ပစ်လှဲရင်းပင်ပန်းစွာမျက်လုံးမှိတ်ချလိုက်သည်။
ရုတ်ချည်းပင်သူ့ကိုယ်သူတစ်ယောက်တည်းနေရသည်မှာအထီးကျန်စရာကောင်းသည်ဟုခံစားလိုက်ရသည်။
အနည်းဆုံးတော့သူ့အရင်ကမ္ဘာတွေ၌သူဘာလုပ်လုပ်ထောက်ခံပေးသည့်သူ၊သူပင်ပန်းရင်နှစ်သိမ့်ပြီးပွေ့ဖက်ပေးမည့်သူ၊ညဘက်သူအိမ်မပျော်ရင်သူ့နဖူးလေးကိုဖွဖွနမ်းရင်းဆံပင်လေးကိုခပ်ဖွဖွပွတ်သပ်ပေးကာနှစ်နှစ်ခြိုက်ခြိုက်အိပ်ပျော်စေရန်ကြိုးစားပေးသည့်သူရှိနေသေး၏။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
(4.13)
Start from the beginning
