دخلو لدار و تمات غادة لبيت نعاس دخلات حيدات زيفها تا تبعها أدم مشا لجيهة ماريو حل واحد لمجر خدا منو لفلوس قدر لي قال ليه سيف الدين و زاد عليه شوية
تم غادي لجيهة ديال فراح و عطاهم ليها: هاكي قال ليا سيف الدين نعطيهم ليك
فراح صغرات عويناتها و دوات بتوتر: واش ضروري ناخدها راه باقي عندي من داكشي لي كيعطيني
أدم حطهم فوق ناموسية و هز كتافو: الى بغيتيه إنحرك متخديهمش
فراح تأفأفات: راه بزااف أ أدم راه ياله بدا لخدمة خاصو يجمع راسو
تحنات هزاتهم بدات كتحسب فيهم تا وسعات عينيها بجهد: اوييييلي ا أدم واش 3500 درهم اش غندير بهادشي كلو راه غنشري غير شي حاجة خفيفة اما تا دكشي كبيير قال ليك ايجيبو ليا هوا واش هدا تسطى ولا شناوا
أدم صافي هنا مات بضحك كيشوف فيها مخرجة عينيها و كدوي بليديها و تخرج فعينيها اول مرة يشوفها معصبة بحال هكا بانت ليه كيوت بحال شي مشة
أدم جلس : ههه لا نتي بزااف ناس باغين غير لفلوس و نتي بغا تسطاي حيت عندك
فراح جلسات حداه كتهز فرجليها و مزال معصبة شافت فيه و نطقات: دبا هانت غير فكر معايا واش انا الى شريت گاع الى شريت راه غنشري غير سبرديلا ولا سندالا و لا شي حاجة خفيفة اش غندير انا ب 3500 درهم راه غنتفقص واش سيد ياله شاري قهوة بلملايين و جاي كيخصر فلفلوس راه خاصو يتكايس
أدم كيضحك جاتو على گانتو كيشوفها غي كتخمم ليه و هو ماعلابالوش: هه و الى فخبارك ابنتي راه غير سبرديلا الى شراها كيشريها ب 3000 درهم اباش تكون فخبارك
فراح خرجات عينيها: ااااا كفاااش واش مكضحكش ياك
أدم مسكين فمو متجمعش من ضحك منظرها قتلو: ههه راه كيبغي إلبس دوريجين فهمتي
قلب نظرة ديالو جدية: تا دبا ما قلنا والو خودي فلوس لي عطاك شري بيهم اش خاسرة
فراح تاهي شافت فيه بجدية: شحال زدتي على لمبلغ لي قال ليك
أدم هنا وسع عينيه بصدمة: ااا باش عرفتي
شافت فيه: راه ماشي عشت معاك 3 شهور و زيادة و مغاديش نعرفك
أدم سرط ريقو مي شاف فيها بجدية: زدت داكشي لي كيتزاد مسوقكش
فراح : قسما بالله ا أدم الى مقلتي ليا شحال زدتي تا نخسر معاك راني حلفت
أدم شاف فيها حال فمو: واش منيتك
فراح شافت فيه بحزن: اه
أدم ساط و نطق بنفخة : 500 درهم
حسبات 500 درهم من لفلوس و حطاتها ليه فليديه و بقات شادة فيها : اخر مرة ديرها ا أدم راه حاسباك خويا مبغيتكش ضيع فلوسك هكا راه نهار نحتاج شي حاجة انجي عندك
أدم شاف فيها بإبتسامة و زير ليها على ليديها : وعد
فراح تا هيا بإبتسامة: وعد
عنقاتو و ناضت مشات جيهة ماريو جيهة بلاصتها هزات واحد ضرف و مشات حدا ادم جلسات هزات فلوس خدات منو داكشي لي غادي تحتاج و لباقي دارتهم فضرف
أدم بمزاح: ترفحتي أشعيبية
فراح ضحكات: هادو كلهم فلوس سيف الدين لي كيشيطو ليا نهار أيحتاج لفلوس انعطيهم ليه
أدم كايشوف فهاد لمخلوقة لي حداه جاتو فشكل لي وهلة قال مع رساتو كون مكانتش إسراء ولا سيف الدين كون ولا كيبغيها من قلبو مي تا دبا كيبغيها مي بحال ختو
باسها أدم فراسها و ناض: ياله لبسي لا تعطلي على لأخت و تاكلك
حركات ليه فراح راسها و ناضت تلبس حوايجها
لبسات سروال تجين زرق بارد مع قبية طوية واصلة ليها لفخض فلبيض و فيها زرق بارد و سبرديلا بيضة نايك و زيف فلبيض و فيه وريدات فزرق بارد و مغلوق و مدايراش ميكاب اصلا معندهاش معاه كتافات فقط بكلوز خفيف ،هزات ساكها فلبيض حطات فيه داكشي لي غادي تحتاج و لفلوس و تيليفون حطاتهم فجيبها باش كاع لا تشفر ليها ساك ما يديو منها والو عدروها راه ماعرفاش تا حد ميقدر يشفرها و هي غادا مع أحلام لي معروفة فدرب سلطان كلو راها خوت ذيب
هبطات لتحت تا كتبان ليها أحلام واقفة كتسناها لابسة شورط فايت ركبة شوية مع تيشورط فلغوز بارد و سبرديلا فلون تيشورط و مخلية شعرها مطلوق و ميكاب خفيف تاهيا هازة ساك فلكحل
خرجو من دار غادين مع درب
فراح بتوتر: احلام ندمت گاع علاش مسمعت ليك و مكليتش
أحلام شافت فيها بنص عين حفضاها ديما كديرها ليها: علاش
فراح : صارحة جاني جوع و فيا سخفة
أحلام ضارت عندها مخنزرة: بربي لا رجعنا تا نمشيو لشي سناك و كولي ديما كديريها ليا الموصيبة
فراح عينيها غرغرو: ولاش كتغوتي عليا
أحلام بقات فيها و لعنات راسها عرفاها قلبها هشيش عنقاتها: ششش اصحبتي وراه اضحكت معاك هانتي هاه نشري جلابة و من بعد نجلسو ناكلو اش بان ليك
فراح شافت فيها بشك: حلفي
أحلام بتأكيد: و الله غير زيدي
و داكشي لي كان مخلاو فين ضارو و تا حاجة معجباتها تا دخلو لواحد لمحال بانت ليها جلابة فلون غوز بيبي زوينة مخدومة براندة و لعقيق دخلات قيساتها و خرجات عندها
أحلام كضور: كيجاتني هادي
فراح عجباتها: جاتك زوينة و الله
أحلام: صافي هي لي اناخود
شافت ففراح و كملات: خودي ليك تانتي شي وحدة
فراح بنفي: لا قال ليا سيف الدين ايجيبها ليا
أحلام بتاسمات : وانا نفهم
فراح تزنكات: ودغيا خلصي
و داكشي لي كان خلصوه و تمو خارجين غادين لشي سناك باش ياكلو جاهوم جوع
غادين هو يبان ليهم واحد سناك بقاو واقفين فطريق كيتسناو ضو لحمر باش إقطعو
فراح بدات كتحس براسها كيضور و عاطيها صداع حسات بأحلام حركاتها تمو غادين قاطعين شانطي تا كتحس بضبابة على عينيها بدات كتحلهم و تسد شوية معقلتش على راسها تا طاحت
أحلام كتشوف فيها عيات و جاها جوع عرفاتها خاصها تاكول واهيا لي واكلة و جاها جوع بقا ليك افراح غادين قاطعين شانطي و هي داوية مع راسها تا كتسمع ناس كيقولو عندك ابنتي عتقي ابنتي مفهمات والو ياله ضارت و هي تصعق بالمنظر لي كتشوف كتبان ليها فراح مليوحة وسط شانطي و لميكات حداها
مشات كتجري هبطات لعندها كتحاول تفيقها و هي مخلوعة: فراح فراح مالكي فيقي وا فراح
والو ما فقاتش بنادم تجمع عليها و كيشوفو اش واقع
هي بانت ليها واحد لمرة مدات ليها قرعة لما: هاكي ابنتي خوي عليها شوية لماء
خداتها من عندها أحلام خواتها عليها والو مفاقتش بدات كتخبط ليها لوجها والو تقول سيدة ميتة كان وجهها صفر
نقز واحد من أشخاص لي واقفين: بنتي واش نعاونك نهزوها نديوها لسبيطار راه عندي طاكسي
أحلام ضارت لعندو و عينيها مغرغرين: اه عافاك الله إرحم ليك لواليدين
و داكشي لي دار راجل كان كبير شوية هزها هو و واحد أخور تعاونو و أحلام جمعات لميكات و طلعات حدا فراح و نعساتها عليها و طول طريق و هي ميتة بالخلعة عليها و عينيها مسكتوش من بكا
وصلو و هبطوها جاو عونوهم و احلام حولات تعطي لفلوس لراجل مي والو مبغاش إشد من عندها شكراتو و دخلات مع فراح
يتبع...✏️
YOU ARE READING
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
💞📝 بارت 67📝💞
Start from the beginning
