❝ THE COMFORT ❞
───── ⋆⋅🌹⋅⋆ ─────
───── ⋆⋅Chayanne⋅⋆ ─────
|| Sunday. . .
Mi walk go Chezzy yaad cause we did have nuff fi ketch up pon since wa night ya. Mi did fi tell her since yesterday but get sidetracked.
"Chezzy!" mi knock pon e gate and wait fi she let me in.
Today did windy like yesterday. E breeze did a easily pass through e vine dem weh did a grow ova pon Chezzy gate. The tall hibiscus flower tree dem did a seemingly dance ina e wind too.
Finally, Chezzy step outta ar house and open up e grill pon e veranda. She neva seh nun when she walk ova to mi ina ar yaad slippers, likkle bit a shorts and damp spaghetti strap blouse weh did have few clothes pin clip pon it.
"Wahm?" mi greet and step ina e yaad pass ar.
Closing the gate, she seh, "Did a wash." She trail behind me. "Mi spend e wul a yesterday a study when mi shudan a wash. Good thing it sunny."
We find wi way to the big back yard. Chezzy head over to the two big concrete sink dem weh did attach pon e wall like waa extra limb. Shi put ar hand dung ina the water and bring up ar white uniform and scrips scrips. While shi do dat, mi go tek waa seat pon waa crate weh did under the guava tree. Kicking off mi slippers, mi toe dem dig ina the soft grass.
"Girl, mi have nuff things fi tell yu mi just nuh know how," mi lean back pon e guava tree. What a fawt if picklemickle drop ina mi shirt and bite me up.
"Talk, me a listen," shi wring out the blouse and walk ova to the line fi hang it up.
"Well. . ." and mi tell her everything: from the night, to the money, to the kiss. And as mi go further in dept wid e story, mi watch ar face expression change from shock to disbelief and to excitement. "Yu mad?" mi raise a eyebrow.
She laugh. "Why yu seh so?"
"Is like yu nuh hear the part when me seh mi fraid a the man cause a who him be."
"Girl, yu ex man a did scammer."
"Yea but him neva own a gun. Favio is different. Still, sum bout him spark mi interest."
"A the big buddy energy. Yufi fuck him."
Mi just easy back some more and shake mi head. One thing with Chezzy? She love the bagga excitement once e involve anything with sex, wid her likkle virgin self.
"Yu nuh hear mi just seh the man a gunman-"
"Yes. Yu usually have bad taste in men so me deevn ago medz yu," she walk over to me and tek a seat. "So how was the kiss?"
Mi find miself a blush. "E neva long enough fi seh oh him a waa really good kisser but his lips so soft-"
Chezzy loudly squeal. "Fuck him!"
Mi shake me head wid a small laugh. "E man goodly have a gungyal a wait fi send two shot ina mi belly if me go round her man. No Dovecot to the dolly body."
YOU ARE READING
The Crossfire | Revised | Sample
Romantikk[SAMPLE] Journey with Chayanne and Favio as they maneuver life whilst learning to love each other.
