قصة بالدارجة المغربية🌹تحت عنوان🌹:#مصير عاشقين🔞

💞📝 بارت 23 📝💞

فراح لي كانت جالسة كتفرج تا كتسمع تيلي ديالها كيصوني بنمرة غريبة مجوباتش عاود صونات نمرة مجوباتش تا وصلها ميساج لي غير شافتو ماتت بلخلعة
"بربي و متخرجي عندي تا ندخل تالداركم أنا فم لباب عندك 5 دقايق "
فيقتها من صدمتها غير صوت ماماها: شكون أبنتي لي كيصوني
فراح بتوتر: ااا لا غير أحلام معرت مالها
فاطمة : صوني ليها أبنتي متعرفي مالها أش بغات
فراح حركات راسها بإيجاب و صونات لأحلام
أحلام دغيا جوبات: ألو فراح
فراح: احم ألو أحلام صونيتي ليا ياكما كين باس
أحلام فهماتها طايرة: ناري صونا ليك
فراح : أه أختي واش بغيتيني دبا نجي لعندك واش ضروري
أحلام: إلى مخرجتيش و الله تا يدخل عندك
فراح تخلعات كتر: صافي هانا أنحاول نقولها لماما لخلاتي راه أنخرج لعندك
فراح قطعات و شافت فماماها قبل مادوي قطعات
فاطمة: غير سيري أبنتي عندها شوفيها أش بغات
فراح اومأت ليها ياله بغات تجبد حوايجها تبدلهم تا نطقات ماماها
فاطمة: خرجي أبنتي غير هكاك راه مستورة زيدي غير زيف من فوق راكي خارجة غير هنا
فراح تصدمات مي مبغاتش تخليها تشك كتافات فقط دير داكشي لي قالت ليها مها تا كتسمع تيلي كيصوني شافت نمرة لقاتها نفس نمرة لي صونات كبيلا سرطات ريقها و مشات لبيت لاخور و جوبات
فراح: ألو
هو لي تعصب دازت 4 دقايق و مخرجاتش صونا ليها تا جوباتو كان أيسمعها لي ماعمرها سمعات مي غير سمع صوتها تهدن
سيف الدين: فينك
فراح بصوت خافت و حنين: عفاك حيد من باب دار غير بعد أنا أنجي لعندك
سيف الدين : عندك دقيقة
قال هاد جوج كلمات و قطع  كسيرا
سمعات موطور من دار مي مكانش عند بالها هو
ياله خرجات من دار بان ليها باباها تعلات سلمات عليه
عبد الله: فين غدا أحبيبتي
فراح تمنات تشق أرض و تبلعها عمرها طرات تكدب على باها تال دبا هبطات عينيها مقدراتش تشوف فيه و نطقات
فراح: غادا أعند أحلام
عبد الله : أه صافي غير متعطليش
فراح أومأت ليه شافتو دخل لدار عينيها غرغرو حيت قدرات تكدب عليه شافت تاعيات و هي تحرك خرجات من درب و معرفاتش فين غتلقاه تفكرات درب لي كان داها ليه لبارح تمشات غادا قصداه

هو لي كان فراس درب لابس تيشورط كحل نايك و سروال ديالو تا هو فلكحل و سبرديلا بيضة نايك شافها جايا و مشافتوش طلعها أش لابسا عجباتو بينات ليها فورمتها و جات كيوت مي فنفس لوقت عقد غوباشو ملي تفكر راه كولشي أيشوفو فيها نفس شوفة، شافها غادا لدرب فين كانو لبارح بتاسم تلقائيا حيت عرفها تفكرات لبارح مي دغيا تمحات إبتسامة ملي تفكر درب كي كيكون بنهار عالم الله دبا هبط من موطور ديالو و تبعها
هي لي غير وصلات لراس ديال درب مقدراتش تدخل ليه حيت ظلمة و زائد أنها عندها فوبيا من ظلام بغات ترجع تا كتلمح جوج دراري كانو كيتكيفو شافوها و تمو قاصدينها هي خافت ياله بغات دور تا كتشوفهم رجعو لبلاصتهم مفهماتش أش واقع مي غير شمات ريحتو عرفاتو هو توترات بزااف و دارت لعندو كتلمحو داير كاسكيطا بيضة و فيها لكحل لي نازلا على حجبانو شوية مي مامخاليهاش تخفي غوباشتو سرطات ريقها
سيف الدين نطق بصوت فيه بحة رجولية: أش كديري هنا
فراح بدات كتحك ليديها مع بعض و هبطات راسها
فراح: هو أحم بصراحة معرفتكش فين أتكون و قلت إمكن لقاك هنا
غير سلات هضرتها و هي طلع راسها و شافت فيه بعويناتها
فراح: و الله
سيف الدين كتسالي معاه كيحس بطاقة ديالو كتستنزف ملي كتشوف فيه نطق و هو محافظ على غوباشتو
سيف الدين: أخر مرة تجي لهنا
أومأت ليه براسها و كمل هضرتو : أش هاد لبس
فراح سرطات ريقها و عضات على شفايفها
فراح: ماما قلت ليها أنمشي عند أحلام قالت ليا سيري هكا
سيف الدين كتافا فقط باش إحرك راسو بإيجاب و بدون سابق إنذار شابك ليديه مع ليديها و جرها و هدشي كل داز قدام عينين دوك دراري و عرفوها ملكية ديالو لخاصة مخاصش إقربو ليها
هي لي تصدمات و كتحاول تحيد ليديها من ليديه بطريقة لطيفة حيت خافت لايشوفها شي حد
سيف ليكان مستحلي رطوبة ليديها تا زعجاتو ملي بدات كتنتر
سيف الدين: بربي ما تزگاي تا نتكي مك هنا
فراح مفهماتوش أش قصد مي متسوقاتش
فراح: راه غادي إشوفنا شي حد
وصلو حدا موطور دار شاف فيها و نطق
سيف الدين: و إلى شافونا إدوي شي زا*مل نحو*ي مو
فراح تزنگات من طريقة باش كيدوي حدرات عينيها
فراح: سيف الدين عفاك متبقاش تخصر لهضرة قدامي
سيف تصدم و شحال عجباتو سميتو ففمها أول مرة كتعجبو سميتو تال هاد مرة جرها عندو و شد فخصرها و طلع ليها راسها و نطق بصوت حنين
سيف الدين: عيون سيف
سيف بقا كيشوف فيها بنضرات حب و شوق و هيام
فراح بعدات منو بطريقة لطيفة باش متحرجوش نطقات و هي كتحاول متشوفش فيه حيت حشمها
فراح: أحم واش بغيتيني فشي حاجة
سيف الدين محافظ على نفس نبرة صوتو
سيف الدين : بغيتيك كلك
فراح : هااا
سيف الدين طلع فوق طي ماكس و نطق: طلعي
فراح تصدمات: كفاااش لا لا
قطعها سيف الدين: أطلعي ولا نهبط نطلع مك بزز أفراح
فراح سمعات بزز و هي طلع بلهلا يطريه ليها
سيف الدين كيشوف فيها من مرايا: شدي فيا
فراح تزنگات : لا صافي هكا مزيان
سيف الدين كتافا فقط باش إشد ليها ليديها و حطها عليه
سيف الدين: مكنحملش نعاود هضرتي جوج مرات
فراح شدات فيه غير من جنابو غير كسيرا طرات ضور ليديها على خصرو باش مطيحش
سيف دارها ليها بلعاني باش تشد فيه
فراح عجباتها ركبة واخا فلول خلعاتها سرعة باش غادي مي من بعد عاجباتها و غير كتفكر راه شداه كطلع معاها صهدة
بعد مدة قليلة فرانا سيف الدين حدا لبحر و بضبط فعين ذياب
سيف الدين هبط و شد فيها هبطها تاهيا بدات كضور فعويناتها ملي عرفات راسها فين عجبها منظر ديال لبحر و نجوم مي فنفس لوقت تفكرات راها بلاصة مشبوهة و واخا ماتكوني دايرة والو إشكو فيك خصوصا مع لوشام ديال سيف الدين أيقولو غير شي بزناز

يتبع....✏️