( T/N : 真的以为自己跟妈妈一样被定了身- ချိယွီကအေးခဲနေတယ်လို့ ယွီကျိုး က ထင်တဲ့အတွက် ယွီကျိုး က သူ့အမေကို အတုယူတာပါ။ )
ထို့ကြောင့် ၊ ကလေးကြီးနဲ့ ကလေးငယ်လေးဟာ ၊ တူညီတဲ့ "အဖြူရောင်နဖူးစည်း" ကိုယ်စီနဲ့ သူတို့ရဲ့လက်မောင်းတွေကို ဖြန့်ကားထားပြီး ဝမ်းဗိုက်ကိုလှန်ကာနေပူဆာလှုံကြရင်း အိပ်ရာပေါ်မှာ လဲလျောင်းနေခဲ့ကြတယ်။
Nannyက ဒီမြင်ကွင်းလေးဟာ သူမရဲ့နှလုံးသားကို လှုပ်ရှားစေတယ်လို့ခံစားလိုက်ရတာကြောင့်၊ သူမက ရဲဝံ့စွာဘဲ ဓာတ်ပုံရိုက်ယူလိုက်တော့တယ်။
ချိယွီက ကင်မရာသံကြားလိုက်ရတာကြောင့် သူမဆီက ပုံကို တစ်ချက်လောက်ကြည့်ကြည့်ဖို့ တောင်းလိုက်တယ်။
စိတ်ဓာတ်ကျနေတဲ့မျက်နှာကိုယ်စီနဲ့ မိဘရယ်-ကလေးရယ်ကို ပုံထဲမှာတွေ့လိုက်ရတာကြောင့် ချိယွီကချက်ချင်းဘဲ ရွှင်မြူးသွားတော့တယ်။ "ဒီပုံကို ကျွန်တော့်ဆီပို့လိုက် ။ ကျွန်တော်နေကောင်းလာတဲ့အခါကျရင် ဒီပုံလေးကို printထုတ်ပြီး အမှတ်တရအနေနဲ့သိမ်းထားရမယ်"
"ဝူး?"
ယွီကျိုးလေးလည်းပဲ စပ်စုကြည့်ချင်ပေမယ့်လို့ ၊ သူက 'အေးခဲ' နေပြီး လှုပ်လို့မရတာကို သတိရသွားတာကြောင့် သူက သူ့ရဲ့လက်ပိစိလေးတွေနဲ့ ချိယွီရဲ့အဝတ်စကိုသာ ဆွဲလိုက်ရတော့တယ်။
ချိယွီက သူ့သားရဲ့ စပ်စုချင်စိတ်အပြည့်နဲ့မျက်လုံးဝိုင်းဝိုင်းလေးတွေကို ကြည့်လိုက်ကာ ဖုန်းကို သူ့ရှေ့ချပေးလိုက်တယ်။ "ကြည့်လိုက်၊ ငါးပေါက်လေးနဲ့ ငါးဖေဖေကြီးက သူတို့ရဲ့ဗိုက်တွေကိုနေပူဆာလှုံနေကြတာလေ"
ယွီကျိုးလေးက သူ့ပါပါးစကားကိုနားလည်ပုံရကာ ချိယွီကိုအပြုံးလေးနဲ့ကြည့်လာရင်း သူ့ရဲ့မျက်ဝန်းလေးတွေဟာလည်း ကွေးညွတ်သွားခဲ့တယ်။သူကပြုံးနေရင်းပဲ သူ့ရဲ့ ဆန်စေ့နဲ့တူတဲ့ အပေါ်နဲ့အောက်သွားလေးတွေကို ဖော်ထုတ်ပြလာတယ်။
ချိယွီက ယွီကျိုးလေးမှာသွားရှည်ရှည်လေးတွေရှိပြီး အဲ့ဒါက အရမ်းချစ်စရာကောင်းတယ်လို့ ခံစားလိုက်ရတယ်။ ချိယွီ မနေနိုင်ဘဲအသဲယားလာကာ သူ့ရဲ့သွားလေးတွေကိုကြည့်ချင်တာကြောင့် ယွီကျိုးလေးရဲ့မေးစေ့ကို ပင့်မလိုက်တယ်။
YOU ARE READING
『omegaဖြစ်ပြီးနောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』
Romance𝘼𝙨𝙨𝙤𝙘𝙞𝙖𝙩𝙚𝙙 𝙉𝙖𝙢𝙚𝙨 : 穿成Omega后发现自己怀孕了 𝘼𝙪𝙩𝙝𝙤𝙧(𝙨): 非期而然 𝙏𝙮𝙥𝙚: 𝙒𝙚𝙗 𝙉𝙤𝙫𝙚𝙡(𝘾𝙉) 𝙂𝙚𝙣𝙧𝙚: 𝙁𝙖𝙣𝙩𝙖𝙨𝙮, 𝙍𝙤𝙢𝙖𝙣𝙘𝙚, 𝙎𝙘𝙝𝙤𝙤𝙡 𝙇𝙞𝙛𝙚,𝙔𝙖𝙤𝙞 𝙈𝙢 𝙏𝙧𝙖𝙣𝙨𝙡𝙖𝙩𝙤𝙧 : 𝗛𝗮𝗻𝗮𝗸𝗶𝗺_32398 🥝 𝙀𝙣𝙜 𝙉𝙖𝙢𝙚...
Part - 14 (Z+U)
Start from the beginning
