الفصل الاربعون
انتقام هز قلبي
بقلم فاطمة الالفى
صعد ليل وهابسى إلى غرفتهم .
تسطح ليل الفراش بعد ان تحمم وظل مستيقظا ينتظر قدوم هابسى:
دلفت هابسى لتنعش جسدها هي الاخرى ثم ابدلت ثيابها وارتدت منامه حريرى باللون الكريمي
شعرت بالتوتر عندما وجدت انظاره متعلقه بها .
همس لها بصوته الدافئ: تعالى ياحبيبتى نامى متوترة كدة لية
هزت راسها نافيه ثم قالت : لا عادى
ليل وهو يرمقها بنظرات عاشق : تعالى فى حضنى عشان اعرف انام ومش تقلقى هنام مودب هههه
جلست جواره تفرك كفيها بتوتر: انا.
ليل وضع يدة اعلى فاها لكي تصمت : ماتقوليش حاجة فاهمة وقربى عشان اعرف انام ثم طبع قبله رقيقه اعلي شفتيها ثم ابتعد عنها قائلا : تصبحى على خير يابنت قلبى
هتفت بخجل : وانت من اهل الخير والسعادة ياحبيبى
ليل بابتسامه : دى كلمة ماما المفضلة
هابسى: عادى بقى هههه
وذهب الاثنين فى نوم عميق . .
داخل منزل سامر.
سامر : مريوم حبيبى
مريم : ايوة ياحبيبى
سامر : نور لسة قافلة معايا وقالت ليل وهابسى رجعو من برة الحمدلله وشكلهم مبسوط انا بقول تلاقى زوغو مننا وخدها الشقة بتعتة عشان يقضو ليلة العمر زى ليلتنا امبارح فاكرة
مريم : انت قليل الادب انت مالك ليل عمل اية وبلاش تتكلم كدة تانى :
سامر بغمزة : شكلك نسيتى تعالى هفكرك تعالى بس
مريم : اتلم بقى ياسامر
سامر بحب: اتلم ازاى وانا عريس بعدين ابقى اتلم ياقلبى هههه هقولك على سر بس اوعى تسيحى
مريم : اية قول
سامر: شكل هنخلص من ريم اختك قريب
مريم: نعم لية تخلص من اختى
سامر : يامجنونة يعنى هنجوزها عز شكلة معجب
مريم : عز والله بجد :
سامر : ايوة عايزك بقى تفضلى تمدحى فية وتخلى اختك تفكر فية كدة خلينا نفرح فيهم قصدى نفرح بيهم هههه
. . . . .
فى صباح اليوم التالى
هانى بوعيد: فين التحويل يامعتز
معتز : تحويل اية انت خدعتنى ولعبت علية وعلى ابنى وضحكت على بنت اختك يااخى اتقى الله جايب البنت من جوزها دة كلة لية عشان الفلوس مالكش فلوس عندى والشراكة هتتفض خلاص مايشرفنيش انك تكون شريكى
هانى: مش بالساهل كدة يامعتز انا مش هسكت
معتز : اعلى مافى خيلك اركبة
هانى : ماشى يامعتز انت إللى هتندم
معتز : فى ستين داهية
. . .
هابسى: صباح الخير يا حبيبى
ليل: مش هرد عليكى
هابسى: لية
ليل: زعلان بتقولى صباح الخير كدة عادى من غير أى حاجة حلوة تبل ريقى على الصبح لا انازعلان :
هابسى: قربت منة وقبلتة فى خدة : صباخ الخير كدة حلو ههه
ليل: مش اوى بس تمشى موقت ههه
هابسى: ممكن توصلنى معاك الشركة عشان مديرى مازعقش لو اتاخرت
ليل: مين دة إللى يقدر يزعق لمراتى حبيبتى دة انا اروح فية فى داهية قال يزعقلك قال
هابسى: ربنا يخليك ليا
. .
خرجت هابسى مع ليل ووصلو الشركة وبدات فى شغلها من جديد وفى انتهاء اليوم . .
ليل: حبيبى كفاية يلى نروح بقى
هابسى: طيب ممكن توصلنى الاول عند بيت عم محمد
ليل: اة طبعا يلى
. .
وصل ليل هابسى مكان سكن عم محمد واتصلت على الرقم وبعد دقايق جاءها الرد
عم محمد : الو
هابسى: ازيك ياراجل ياطيب انت فين انا تحت البيت
عم محمد : اهلا يابنتى ودى تيجى انا نازلك اهو
. .
عم محمد : يااهلا يابنتى عاملة اية والله قلقت عليكى لم غبتى المدة دى كلها
هابسى: ربنا يخليك معلشى حصل ظروف غصب عنى
عم محمد: مبروك عرفت انك اتجوزتى
هابسى: ودة جوزى ههه الله يبارك فيك
ليل: ازيك ياعم محمد
عم محمد: الحمدلله يابنى ومبروك على جوازكم انت معاك جوهرة حطها فى عنيك
ليل: اكيد طبعا هى فعلا جوهرة وربنا يخليها ليا
عم محمد : لازم تتفضلو تتغدوة معانا دى ام عبدالله هتفرح اوى لازم تشرفونى فوق تعالو
هابسى: ممكن نطلع ياليل
ليل: اة طبعا ممكن
محمد : دة البيت نور والله معلش مش قد المقام
ليل: بالعكس ماتقولش كدة المكان وصاحب المكان على راسى من فوق
عم محمد : كتر خيرك يابنى ياام عبدالله تعالى شوفى مين عندنا
ام عبدالله : مين اهلا وسهلا
هابسى: اهلا بيكى
محمد : دى هابسى ودة ليل بية جوزها
ام عبدالله: يااهلا وسهلا نورتنا والله
ليل: بقى تقول هابسى وتقول ليل بية لية يعنى انا ليل وبس ياعم محمد
محمد : مايصحش يابنى
ليل: لا يصح اوى
محمد : اية ياام عبدالله فين الغدا عشان نتغدا
ام عبدالله: حالا والأكل يكون جاهز . .
أحضرت الاكل ووضعتة على تربيزة صغيرة
ام عبدالله: اتفضلو بالهنا والشفا لقمة كدة على مقسم.
هابسى: دى كلها لقمة دة كتير والله تسلم ايدك
عم محمد : والله لو اعرف انكم هتتغدو معانا لكنت جايب خروف
هابسى: خروف مرة واحدة كتر خيرك انا واحشنى الاكل دة اوى تيتة كانت دايما تعملها والله طعمة يجنن تسلم ايدك ياست الكل
ام عبدالله: تعيشى يابنتى ربنا يجبر خاطرك
ليل: اممم طعمة حلو اوى
هابسى: دى ملوخية عارفها ههه
ليل: طبعا هو انا من كوكب تانى وبحبها اوى كمان
هابسى: اممم وانا كمان بحبها
محمد : بالهنا على قلبكم
هابسى: الحمدلله
ليل: تسلم ايدك الحمدلله
محمد. نحبس بقى بالشاى ياام عبدالله
ام عبدالله : من عنية
هابسى: عنك انا هساعدك
ام عبدالله: مايصحش يابنتى
هابسى: لا طبعا يصح تعالى نعمل الشاى سوى
.
هابسى: فين عبدالله بقى عم محمد مش بيقول غير ام عبدالله: فين عبدالله
ام عبدالله: مسافر يابنتى عشان يستغل ويجوز ربنا يرجعة بالسلامة
هابسى: يارب يرجع بالسلامة . .
اعدت هابسى الشاى ؤ
هابسى: اتفضلو الشاى تسلم ايدى هههه
محمد : تسلمى وتعيش يابنتى تعبتى حالك لية
هابسى: دة شاى هو يعنى انجاز اتفضل
محمد : ياام عبدالله هاتى الفلوس إللى جوة
ام عبدالله: اهى الفلوس
محمد : اتفضلى يابنتى دة حقك من يوم ماشغلت التاكسى وحقك محفوظ
هابسى: هو فى ايد امينة ياعم محمد وبعدين دى حقك مش انت إللى مشغلة
محمد : لا يابنتى احنا متفقين من الاول مش كفايا انا واخد التلتين كتر خيرك يابنتى
هابسى: بس التاكسى دلوقتى بتاعك وانا نقلت ملكيتة ليك من وقتها بس جت وفاة تيتة والدنيا اتلخبطت معايا
ام عبدالله: الله يرحمها ويصبرك يابنتى
عم محمد: ربنا يرحمها والله ما اعرف عنوانك جت جتلك يابنتى بس انتى سبتى رقم موبيلك وحاولت اكلمك كتير كان مغلق
هابسى: حصل خير ياعم محمد ودة تاكسى بابا وانا عملتة صدقة جارية على روح بابا وانت بتشغلة اهو دى من مال بابا وانا حبيت اعملة حاجة ولو مصير تدفع الفلوس يبق تحطها فى أى مكان تحبة زى جامع بيتبنى او مستشفى أى حاجة تحتاج مساعدة وليك نصيبك فى الثواب اية رايك كل لم يطلع لية مبلغ بعد ماتصلح التاكسى وتاخد حقك حقى هيوصل اكيد لم تحطة فى مكان محتاج لمساعدة
محمد : ربنا يجزيكى خير فعلا لازم نعمل كدة ومن راتبى كمان هطلع إللى اقدر علية
هابسى: تمام انا هاخد المبلغ دة عشان اعرف جامع لسة هيتبنى ومحتاح
واحنا هنمشى دلوقتى وشكرا على الغدا والمرة الجايا عندنا بقى ماشى
ليل: اة لازم تشرفونا وعم محمد عارف العنوان وياريت ياعم محمد لو محتاج حاجة كلمنى دى الكرت بتاعى ولو أى حد محتاج لمساعدة أى نوع المساعدة شغل سكن فلوس علاج اى حاجة تبلغنى وانا فى خدمتة وعد
عم محمد : وعد يابنى لو اعرف حد هخليك تاخد ثواب العون المساعدة للناس وكلنا فى خدمة ربنا ويقدرنا على فعل الخير ويقدرك ويوسع عليك رزقك يارب
ليل: يارب مع السلامة
عم محمد: مع السلامة
. .
هابسى: شوفت ناس طيبين
ليل: اة فعلا طيبين اوى وكرمة وبسطة كمان
هابسى: اتفضل بقى اول تبرع للجامع واية رايك لو تعمل مركز طبى جنب الجامع وتعالج الناس الغلابة إللى محتاجة انت مقتدر وتقدر تعملة ويكون مستشفى خيرى للناس البسيطة إللى مش قادرة على المستشفيات الاستثماري ولا يكون زى المستشفيات الحكومية إللى مش بتقدم كل الاحتياجات
ليل: انتى بتقرى افكارى ولا اية بالظبط
هابسى: لية ماتقولش تفكيرنا واحد تطابق افكار هههه
ليل: هههه تحبى نكلم عز ونروح نزور سامر فى بيتة احنا مش باركنالهم
هابسى: اة فكرة طبعا بس اشمعنا عز بس ماتكلم جهاد كمان
ليل: لا عز عشان يتعرف على ريم شكلة معجب ههههه نقربهم من بعض
هابسى بفرحة : بجد عز اخيرا والله ريم دى سكر
ليل: والله انتى إللى سكر
