يوم زفاف سامر ومريم
استيقظت مريم واخذت ريم اختها وتوجهو إلى البيوتى سنتر. .
فى فيلا النجار
ليل : خلصو عشان اوصلكم ورايا حاجات كتير لازم اخلصها
هابسى : انا جاهزة اهو
نور : وانا كمان
ليل: اوكية يلى بينا
. . .
بعد أن وصل ليل البنات إلى بيوتى سنتر توجة إلى القاعة لاشراف على كل شئ بنفسة. .
آخر النهار خلصت العروسة اللمسات الأخيرة
بعد أن ارتدت فستان زفافها وحجابها الابيض
كانت هابسى وريم ونور بجانبها
ارتدت هابسى فستان ازرق وحجاب من نفس اللون وبدون مكياج.
ارتدت ريم فستان موف وحجاب موف أيضا .
ارتدت نور فستان أخضر.
كانت البنات زى القمرات
. .
بعد ساعة وصل سامر وليل وعز إلى اصحاب العروسة
.
سامر : احم احم ادخل ياجدعان
نور : ههههه امال تخرج احنا مصدقنا انك جيت قولنا ممكن تغير رايك
ريم : راجع نفسك دة آخر فرصة هههه
مريم : امشى يابت منك ليها
سامر بحب : حبيبتى قمر اية الجمال دة اخيرا بقيتى مراتى سيبك منهم ياعمرى
هابسى : ههههه طيب مش كفايا كدة ونروح القاعة ولا اية
ليل ينظر إلى زوجتة: بحبك وعبقال ليلتنا
هابسى بكسوف : مين هيزف العرسان
ليل: هههه انا تعالى نور اركبى مع عز انتى وريم
. .
عز: اية الحلاوة دى يابت يانور
نور: بت فى عينك انا هبق دكتورة
عز : هههه ماشى يادكتور اتفضلى اركبى
نور : دى المهندسة ريم اخت مريم ودة ياستى الرائد عز الدين
عز : اهلا يابشمهندسة انا سعيد بمعرفتك
ريم : اهلا وسهلا
نور : مش كفايا سلامات ويلى بقى
عز: طيب يافصيلة اركبى
. .
توجة ليل إلى قاعة الأفراح
وبعد أن وصلو القاعة
دخلت العروسة من الباب الخلفى ودخل سامر من باب القاعة وبعد لحظات
سلم والد العروسة ابنتة إلى زوجها
سامر : مبروك يامراتى بقيتى حرم سامر الجندى
مريم بكسوف: الله يبارك فيك
سامر : تعالى رايحة فين
مريم : اية ياسامر مش هنقعد فى الكوشة
سامر : نقعد اية هو احنا جاين نقعد تعالى نرقص ونهيص ياشيخة قال نقعد قال:
سحب سامر مريم وذهب إلى الاستياج وبداءت أصوات الموسيقى الصاخبة واغانى المهرجانات تشعل الفرح . .
ليل: هههه شوفى المجنون بدل مايفور المجهود بعد كدة شكلة هيضيع الليلة فى هدتة حيلة فى الرقص ههه
هابسى : فرحان
ليل بغمزة: عبقالك لم تفرحى كدة
هابسى : انا فرحانة بوجودك معايا
ليل: بجد فرحانة بس مش باين فى عنيكى اقولك على سر بس اوعى تقولى لمراتى
هابسى : قول
ليل: انا بحب مراتى بجنون ونفسى ابدل الحزن إللى فى عنيها نفسى اخلية فرح وضحكة تنور عنيها بس هى شفافة إللى جوة قلبها بيبان فى عنيها نفسى اخليها اسعد انسانة لو بايدى اعملها المستحيل قصاد نظرة فرحة فى عنيها نفسى اخليها فى امان ومتخفش طول ماانا جنبها وعمرى ماهبعد عنها غير بموتى بس
هابسى : بعد الشر عليك انا ماليش غيرك ربنا يخليك ليا وانا عايزة اقولك انى مش بايدى عارفة انى مقصرة فى حقك بس مش بايدى حاجة دلوقتى انا اسفة
ليل: لا ياقلبى انا ماقصدش حاجة من دى خالص انا بجد نفسى افرحك نفسى امحى كل الحزن والالم والوجع إللى انتى عشتية
انا مقدر الظروف وعارف انك مش مستعدة وانا مابفكرش فى كدة فاهمة واوعى تتاسفى تانى
. .
بعد أن تعب سامر من الرقص ذهب إلى الكوشة ليستريح.
ذهب ليل وعز إلى سامر
عز : يابنى اعقل شويا انت عريس
ليل: هتعمل مجهود فى الرقص وفر المجهود ههههه
عز: اسمع كلام اخوك عايزنك ترفع راسنا وتطمنى اتجوز اختها ولا اعنس ارحم هههه
ليل: انت طبيت ولا اية
عز: من ساعة ماسامر قلى عليها وانا فكرت نفسى اتجوز بصراحة نفسى اعمل عيلة وبيت وعيال بقى وكدة نفسى اعيش دور الزوج والاب زهقت من القسم والمجرمين ههه
ليل: ههههه ربنا يسعدك ياصاحبى
سامر : طب روح علقها بقى وحاول تقرب واحنا هنقرا على روحك الفاتحة ههههه
ليل: ههههه
. .
ذهب عز وجلس بجانب نور وريم
عز: ازيك يانور
نور: اهلا حضرة الظابط عاش من شافك ياراجل دة احنا لسة سيبين بعض من خمس دقايق والله لك واحشة كنت فين الغيبة دى كلها
ريم : ههههه
عز: يخربيتك قطر معدى ماحدش عارف يوقفة انا غلطان بطمن عليكى
نور: هههه اطمن اطمن هههه
عز يهمس لنور: ماتقومى يابت ماضيعيش المصلحة
نور : تدفع كام
عز: قومى يابت انتى ماتبقيش فصيلة وانا هعملك إللى انتى عايزاة
نور: هو احنا وقعنا ولا اية ههههه دة الحب بيعمل المعجزات ياجدعان
عز : طب قومى ياجدع هههه
نور : بالاذن انا بقى ياريمو هشوف هابسى ورجعالك اها رجعالك
عز: اصيلة يابت
.
بدأ عز يتكلم مع ريم ويتعرف عليها وكلمها فى شغل وتبادلو ارقام الفون
. .
الدى جى
العريس والعروسة يتفضلو عشان يغنو
مريم : بلاش عشان خاطرى اوع تبوظ الليلة وتغنى أى اغنية مجنونة
سامر : عيب عليكى دة انا هبهرك تعالى بس شجعينى
.
سامر : احم احم : 123
احب اقول ان اتهاردة احسن يوم فى حياتى وسعيد باختيار شريكة حياتى مريم ربنا يخليك ليا يقدرنى واسعدها وبقولها ربنا مايحرمنى من وجودك فى حياتى
موسيقى بقى ههه
يوم ماتقبلنا اليوم دة هفضل مش نسية
اول مشاعر حلوة قلبى حسها ولهفتى لمعاد اقابلك بعدها انا بوعدك من الليلة دى هفضل معاك وهعمل إللى يريحك وهخاف عليك انا بوعدك من الليلة هفضل معاك
انا بوعدك ياحبيبى يا اجمل ملاك لو عوزتى نجمة من السما هجبها ليك
كلمة بحبك إللى فى عنيك قولتها وفرحتى إللى استنى اسمع ردها
انا حتى فاكر اتقابلنا ازى وفين واول كلمة بينا وسلام الآبدين
انا بوعدك ياحبيبى بوعدك من الليلة دى هفضل معاك وهعمل إللى يريحك وهخاف عليك. .
سامر بحب: اية رايك ابهرتك مش كدة
مريم بابتسامة : بحبك يامجنون ربنا يخليك ليا يقدرنى واسعدك يارب
. .
ليل : الحمدلله طلع رومانسى مش مجنون كنت خايف يغنى مهرجان شحط محط هههه
هابسى : ههههه
شخص من المدعوين
الشخص : ليل باشا الف مبروك وعبقالك
ليل: الله يبارك فيك يا هانى باشا نورتنا اقدملك المدام
هانى: اتجوزت امتة
ليل يضع يدة على خصر هابسى ويقدمها. هابسى مراتى
هانى بصدمة : هابسى مراتك . .
