(الفصل الثامن)
عندما غادرت هابسي شركة النجار ، توجهت إلى منزلها كانت الجدة فى انتظارها .
هابسى : مالك ياتوتة
فاطمة بقلق : قلقانة عليكى لسة دماغك فى الانتقام بردو مصممة تضيعى نفسك زى مااختك ضاعت منى حرام عليكى انا مليش غيرك
هابسى: بصى انا هحكيلك كل حاجة بس بلاش تمنعينى عن إللى فى دماغى انا عايزاكى معايا ادعيلى بس قصت كل شئ يخص السلسلة وليل إلى الآن. .
فاطمة: مين قالك ان صاحب السلسلة هو إللى عمل كدة فى اختك
هابسى بعصبية : امال السلسلة كانت بتعمل اية عند مكان الجريمة انا تعبت بجد تعبت ومش هستسلم حتى لو مش شغلنى عندة فى الشركة مش هضعف ولا هياس ابدا حتى لو كلفنى موضوع الانتقام حياتى كلها مش هتنازل عن حق اختى
فاطمة : يابنتى بلغى عز بموضوع السلسلة وهو يتصرف هو ظابط وبيحبك وهيساعدك
هابسى : هيتصرف ازى وهو من أكبر رجال الأعمال والبلد كلها شغل وسايط وكوسة ياتيتة حد هيصدقنى ويكدب ليل باشا اكيد لا وهيقولو اية الدليل واية الاثبات حق اختى انا إللى هجيبة بنفسى
فاطمة: خدى بالك من نفسك مش تخلى الانتقام يعميكى عن الحقيقة بلاش تظلمى حد لازم تتاكدى الظلم ظلمات يوم القيامة وربنا قال لازم تتاكدو الاول واذا جاءكم فاسقا بنبئا فتبينوا أن تصيبو قوما بجهالة فتصبحو على مافعلتم نادمين صدق الله العظيم.
بلاش نكون من النادمين يابنتى اتاكدى الاول وربنا مش هيظلمنا ويرجع حق اختك ربنا قال دعوة المظلوم ليسة بينها وبين الله حجاب ادعى ربنا ينور طريقك ويهديكى ربنا وعد المظلوم وقال (وعزتى وجلالى لانصرنك ولو بعد حين )ربنا كبير يابنتى
هابسى تقبل جدتها : حاضر ياتوتة هتاكد وانا بشتغل معاه وهوصل اكيد هوصل للحقيقة. .
فى قسم الشرطة
كان يجلس بمكتبه شارد فى تلك الفتاه (هابسى) وفى حالتها بعد فقدان شقيقتها ، يريد أن يساعدها ولكن ليس يوجد باى دليل يدين المجرم الذى فعل ما فعله ولم يثبت عليه شي بعد،
يحدث نفسه، نفسي ارجعلها حق اختها ومش عارف، فمنذ أن رآها بمكتبه حب الفتاة القوية العنيدة التى لا تهزمها الظروف وقطع عهد على نفسه ان يظل جنبها حتى اذا رفضت الارتباط به سوف يظل جانبها إلى ان يتوصل للحقيقه ويطمئن عليها
. . . . .
هابسي : تيتة انا هنزل الشغل اقدم استقالتى من النادى عشان اتفرغ لشركة ليل النجار
فاطمة: مش لم يكلموكى الاول وتستلمى الشغل
هابسي بثقة : اكيد هيكلمونى ماتقلقيش عايزة حاجة
فاطمة : سلامتك يابنتى خلى بالك من نفسك ربنا يوفقك فى الصالح يارب
. .
كانت تهم بالخروج من البنايه وجدته امامها يوقفها ليتحدث معها .
دكتور حمدى : انسة هابسي ازيك عاملة اية وتيتة عاملة اية يارب تكون بخير
هابسي بضيق : الحمدلله عن اذنك يا دكتور.
تركته على عجاله واستقلت تاكسي لتصل إلى النادى فى غضون دقائق ، كانت تترجل من التاكسي وتدلف النادى ، توجهت إلى مكتب المدير .
بعد ان استاذنت الدخول
المدير: اهلا يا كابتن هابسي البقاء لله
هابسي: ونعم بالله شكرا لحضرتك انا جايا اقدم استقالتي من التدريب
المدير : لية كدة احنا مراعين ظروفك وممكن تاخدى اجازة كمان شهر
هابسي: شكرته لتفهم وضعها : ولكن أصرت على الاستقالة
حضرتك بس بجد انا محتاجة اقعد مع جدتى وهى مريضة ومحتجالى انا آسفة مش كمل بعد اذنك
المدير : اللى يريحك يا كابتن وانتى عارفة معزتك عندى وفى وقت احتاجتى حاجة مش تترددى تشرفى فى اى وقت كفايا كفاءتك وتحقيق البطولات إللى فريقك محققها
هابسي : ربنا يخليك يا فندم هروح اسلم على الفريق قبل ماامشى وشكرا لحضرتك
المدير : اتفضلى دة بقى شيك المكافأة نهاية الخدمة زى مابيقولو انتى بقالك اربع سنين معانا هنا ربنا يوفقك مع السلامة
اخذت هابسى الشيك : شكرا مع السلامة . .
ذهبت هابسى إلى صالة التدريب وتتذكر الاطفال ويمر على خيالها طيف اربع سنين تدريب فى صالة الكارتية وتفيق من شرودها على جرى الأطفال حولها
هابسى تقبلهم وتحضنهم بكل حب وسعادة: واحشتونى يا ابطال المستقبل
الأطفال بحب: وانتى اكتر يا كابتن احنا رفضنا نشارك فى بطولة انتى مش موجودة فيها
هابسى بصدمة : اية لية كدة ازاى مش شاركتو
الأطفال: فريق كابتن نادر فاز وانتى مش كنتى معانا
هابسى: معلش تتعوض مرة تانية انا آسفة مش بايدى والله انى أتخلى عنكم فى الوقت دة بس انتو كبار وهتفهمو وتقدرو دة انا مش هدربكم تانى واكيد هيحى مدرب غيرى يدربكم ولازم وتتحسنو وتسمعو التعليمات كويس انا فريقى فريق عظيم وهيحقق بطولات عظيمة فاهمين
الأطفال بحزن : لا احنا بنحبك عايزينك انتى مش حد غيرك
يوسف وجنا توأم يحبونها بشدة
يوسف : احنا مش عايزين حد غيرك يدربنا
حنا: احنا عايزينك انتى وبس احنا مابنحبش غيرك
هابسى : والله بحبكم اوى بس غصب عنى هبقى اجى دايما اشوفكم بس بلاش تزعلو منى عشان خاطرى وديما كلمونى فون وطمنونى عليكم ولازم تدخلو بطولات وتحققو نجاح اتفقنا
الأطفال بحزن: اتفقنا يعنى هتيجى تانى
هابسى: اكيد ياحبايبى هاجى تانى . . .
كان يتابع مايحدث والفرحة مسيطرة علية فمنذ أن جاءت إلى النادى وهى محور اهتمام الجميع والمحبوبة لدا الجميع وتحقق النجاح وتجلب البطولات للنادى.
نادر: واخيرا هخلص منك
نادر يوجة كلامه إلى هابسي : وانا اقول النادى منور لية والله منورة ياكابتن
هابسى : اهلا ياكابتن
نادر : زعلت اوى لم عرفت ظروفك البقاء لله انا مسكت الأطفال بدالك ماهو مش معقول يعنى يفضلو من غير مدرب
هابسى تودع الأطفال وتتنجب الحديث مع نادر .
هابسى : سلام ياحبايب قلبى خلى بالكم من نفسكم
الأطفال: باى باى كابتن. .
