مازالت هابسى بالمستشفى وعز بجانبها ولا يتركها.
فى الشركة حضر ليل فى كامل غضبة من عدم وجود هابسى فى مكتبها
.
ليل : مريم فين هابسى مش على مكتبها لية هى جاية تشتغل ولا جاية تتسالة اطلبيها فورا فاهمة لازم تيجى
مريم : حاضر ياافندم
. . .
مريم تحاول تتصل بهابسى بس مافيش اى رد . .
مريم : مستر ليل هابسى مابتردش على الفون حاولت كتير
ليل بعصبية : يعنى اية اتصرفى فى معاد شغل ولازم تكون موجودة
مريم : طب اشوفها فى البيت العنوان موجود فى الملف بتاعها :
ليل: اتصرفى يامريم
. .
ذهبت مريم إلى مكان السكن الخاص بهابسى وسالت عنها
إحدى الجيران : جدتها تعبت امبارح بالليل والإسعاف خدتها
مريم : طب مش عارفةمستشفى اية
الجارة : لا يابنتى والله ما اعرف
مريم: طيب شكرا.
ليل بشرود : انا لية متعصب ومدايق اوى كدة من ساعة ماانس ترجملى الورقة طب هى كانت مصدومة انا اعرف اقراء رد فعلها وكمان اكيد رمت الورقة وماهتمتش بيها بس لية مش قالتلى كان عايز اية وانا كنت كلمتة بالذؤق لا واضح انى مش هتعامل مع الأشكال الوسخة دى ومافيش أى تعاقد بينا هو جاى شغل ولا جاى يعلق بنات وربنا لاعرفة قيمتة كويس .
حضرت مريم
مريم : مستر ليل انا سألت الجيران عرفت ان جدتها تعبت بالليل والاسعاف نقلتها المستشفى بس ماحدش يعرف أى مستشفى
ليل بقلق : طيب خلاص يامريم روحى شوفى شغلك
مريم : بعد اذنك
.
ليل طب هعرف عنوان المستشفى ازى وانا ماعرفش اسم جدتها ماقدميش غير موبيلها افضل وراها لم ترد واطمن عليهم
. . .
فى المستشفى
منى : تعالى غيرى هدومك يابنتى ونرجع تانى
هابسى: لا ياطنط روحى انتى تعبتى معانا وانا مش هسيب تيتة
منى : يابنتى تعالى معايا وريحى شويا عشان تقدرى تكملى وتقفى على رجلك
عز: روحى ياهابسى وانا هفضل هنا ماتقلقيش وممكن نعمل بدل بس لازم جسمك يرتاح
هابسى: لا انا مش هسيب تيتة وانت كمان لازم تروح انت معانا من امبارح شكرا على تعبك
عز : انتى كدة بتشتمينى جدتك زى جدتى وانتى حتى لو رفضتى الجواز فبردو هفضل جنبك ومش هزعل منك ماشى بس روحى ارتاحى شويا عشان تقدرى تواصلى انتى شكلك مرهق وبعدين تيتة قالت انك اشتغلتى فى شركة كبيرة لازم تبلغى اجازة أسبوع ولا حاجة
هابسى: هى تيتة قالتلك امتة
عز بابتسامة : انا بزور تيتة وبكلمها فون دايما
هابسى: بس تيتة ماقلتش
عز : ههه عشان انا طلبت منها ماتقولش ليكى حاجة عشان ماتفهميش انى بحاول اوصلك ولا حاجة هههه
هابسى: شكرا بجد على تعبك معانا ربنا يخليك انا فعلا ماليش حد ماكنتش عارفة اكلم مين
عز : بصى اعتبرينى اخوكى لا لا بلاش اخوكى خلينا قرايب هههه ولاد عم خال كدة يعنى
هابسى: ههه لا انا نفسى تكون اخويا بلاش اى حاجة تانية
عز بابتسامة: وانا راضى اكون اخوكى واخلى بالى منك ياستى المهم روحى نامى ساعة وابقى تعالى فايقة كدة وانا هبق اروح لم تيجى وارجعلك بالليل
هابسى: خلاص ماشى لو حصل حاجة كلمنى
عز: اكيد خلى بالك من نفسك. . .
تركت هابسى المستشفى وروحت خدت شاور وغيرت ملابسها ونزلت تانى على المستشفى
. .
عز : اية دة جيتى علطول لية
هابسى: هعمل اية روحت وغيرت وجيت مش هقدر اسيب تيتة
عز : انتى عندية اوى
هابسى: روح أستريح وبعدين انت ماعندكش شغل
عز : لا انا اجازة يومين كدة
هابسى: يعنى انا ضيعت عليك اجازتك بقى
عز : لا انا كنت هقضى الاجازة فى النوم اصلا
هابسى: خلاص روح نام وارتاح
عز : ماشى بس مش هتاخر عليكى صحيح انتى بتشتغلى فى شركة مين
هابسى بتوتر : شركة النجار للاستراد والتصدير
عز : اة اسمع عنها ومبسوطة هناك
هابسى: عادى
عز : طب بلغيهم وخدى اجازة عشان مايستغنوش عنك
هابسى : اة طبعا اكيد هعمل كدة
عز : طيب سلام بقى
هابسى: سلام . .
قررت هابسى ان تذهب بنفسها إلى ليل لتتطلب اجازة بسبب مرض جدتها.
مريم : هابسى حبيبتى انتى كويسة وجدتك عاملة اية انا روحت سالت عليكى بلغونى بتعب جدتك الف سلامة
هابسى: الله يسلمك اناجايا عشان اقابل مستر ليل عايزة اجازة عشان تيتة
مريم : اة دة كان بيسال عليكى وكان عايز يطمن عليكى ادخلى
دخلت هابسى بعد طرق الباب
ليل بلهفة: هابسى انتى كويسة وجدتك عاملة اية
هابسى: الحمدلله بس انا بطلب منك اجازة أسبوع اصل تيتة وضعها حرج فى العناية وانا لازم افضل جنبها
ليل: اكيد طبعا ماتقلقش خلى بالك منها ومتحمليش هم أى حاجة هى مستشفى اية
هابسى: لية
ليل : عشان اجى اطمن عليها ممكن
هابسى: مافيش داعى تتعب نفسك
ليل: على فكرة انا لغيت الصفقة بتاع مستر ايستر
هابسى: بجد طب كويس
ليل: لية
هابسى: لية اية
ليل: لية ماقولتيش على طريقة كلامة ولا نظراتة ليكى انتى فاكرة انى ماعرفش ايطالى ولا اية
هابسى بصدمة : يعنى انت رفضت الصفقة عشان كدة
ليل: مش بس كدة جمعت معلومات وعرفت أن شغلة مش مظبوط بيتجار فى السلاح وكمان انا ماسمحش حد يبص لسكرتريتى ويطلب أى طلب وقح زى دة بس كان لازم تقولى
هابسى : اقول اية دة شكلة مريض وانا ماهتمتش بالموضوع عشان مابوظش صفقة شغل وكمان تعبت تيتة ماخلاش افكر فى أى حاجة
ليل : طب تمام الف سلامة على جدتك ربنا يطمنك عليها وترجعى شغلك بالسلامة
هابسى: شكرا على تفهمك
ليل: هابسى ماقولتيش بردو مستشفى اية
هابسى: احنا فى مستشفى. . . .
. . .
خرجت هابسى محتارة فى هذا الليل هل حقا رفض الصفقة من اجلها واكتشف وقاحة هذا الايطالى . .
. .
فى مكان آخر
كان شاب يتحدث بعصبية مع الايطالى
الشاب : ازى رفض إتمام الصفقة دى كنت فرصة
الايطالى: لا اعلم
الشاب : لازم أوقع ليل باى تمن لازم اكمل انتقامى
الايطالى : ماذا بوسعى ان افعل انتهى كل شئ قبل أن يبدأ
الشاب : لازم افكر فى حل بسرعة طب ماحولتش تعرف السبب من سكرترتة
الايطالى: انها جميلة للغاية وحاولت معها لكن تجاهلتنى وهذا زود شوقى لها اريدها لى باى ثمن
الشاب : انا ماليش فى مزاجك انا لية شغلى وانتقامى من ليل لازم يكمل
الايطالى : افعل ماشئت لكن اريد الفتاة لى
الشاب بعصبية : انا ماليش فى الشغل دة فاهم انا لية ليل وبس انا مابدخلش بنات معايا فى لعبة الانتقام ماليش دعوة بيك وبمزاجك الوسخ
