مازال ليل يدعى الله ترجع الية حبيبتة وزوجتة الغالية التى حبها بلا عشقها.
وجاء اتصال من رقم مجهول
ليل: مين بيتصل دلوقتى
. .
اغلقت هابسى البوم الصور وتاملت الغرفة ووجدت هاتف المنزل
هابسى: لازم اكلم ليل اطمنة ودقت ارقام موبيل ليل لانها تحفظها جيدا
. .
ليل : الو
هابسى : ليل
ليل بفرحة كان روحة رجعت لية بعد ماقلبة وقف دقاتة: هابسى حبيبتى انتى كويسة
هابسى : اة ياحبيبى كويسة وقولت اكلمك اطمنك ماتقلقش علية
ليل : الحمدلله يارب انا عارف ان ربنا مش هيخذلنى انا واثق فى ربنا بس اصبرى وماتخفيش اصبرى ياعمرى ربنا معاكى وهيحميكى انا واثق ماتخفيش واوعى تضعفى صلى ياهابسى اتوضى وصلى وادعى ربنا دى محنة وربنا هيعديها على خير صدقينى ياحبيبتى واوعى تستسلمى او تضعفى خليكى قوية قوية بايمانك وصبرك فاهمة
هابسى : قل لن يصيبنا الا ماكتبة الله لنا . الحمدلله انا فعلا قوية ومش خايفة عشان ربنا موجود ومش تقلق علية
ليل: الحمدلله : طب خلى بالك من نفسك اوعى حد يلمسك واللى اسمة يوسف دة فين شافك عملك حاجة دايقك كلمك طمنينى ياقلبى
هابسى : ههههههه مش بتقول انك واثق فى ربنا وعمال تقولى خليكى قوية واصبرى اصبر انت كمان وماتقلقش ويوسف واضح ان اول مرة يشوفنى ومايعرفش بوجودى اصلا المشكلة فى هانى بس ربنا كبير وهيجبلى حقى منة
ليل: انا لازم اصلى شكر لربنا انك بخير وانتى كمان صلى وادعى وربنا هيحلها من عندة
هابسى : حاضر هصلى دلوقتى سلام ياحبيبى ههه
ليل: بتضحكى على اية
هابسى: مش عارفة حاسة انى فى فيلم اكشن ههههه
ليل: هههه مجنونة ياحبيبتى وربنا
هابسى : تصدق انك واحشنى وعجبنى جو الخطف دة هههه
ليل: هههه تعالى انتى بالسلامة وانا كل يوم هخطفك ياقلبى ونعيش احلى اكشن بجد
هابسى: وانا عايزة اعيش معاك الاكشن والرعب والدراما والرومنسى وكل حاجة
ليل: لا واضح فعلا ان عاجبك جوة التمثيل هههه قومى صلى ياهابسى قومى ياحبيبتى واعقلى ماشى
هابسى: ماشى سلام
. . .
توضى ليل وصلى ركعتين شكر وحمد ربنا على أن هابسى بخير . .
دخلت توضئت وظلت تفكر اين القبلة لاصلى .
هابسى : اصلى فى الاتجاة دة وخلاص وارتدت اسدال صلاة فوق ملابسها وبدات فى الصلاة وتطيل السجود وتدعى الله وبعد أن سلمت من الصلاة وجدت يوسف
. .
يوسف : اسف انى دخلت كدة ماكنتش اعرف انك موجودة هنا وبتصلى
هابسى : احم لا دة بيتك انا إللى دخلت هنا من غير اذنك انا اسفة
يوسف باستغراب: طب تعالى نخرج برة نتكلم
هابسى : اة طبعا اتفضل
خرجو برة غرفة النوم
يوسف : اتفضلى هنا فى الصالون
هابسى: ماشى
يوسف : تحبى تشربى حاجة
هابسى : بصراحة انا جعانة مااكلتش طول من امبارح
يوسف : انا عايش لوحدى ومابعرفش اعمل اكل ممكن اجبلك باتية او جبنة
هابسى : يبق باتية مع كوبية شاى يبق تمام اوى
يوسف بابتسامة: اوكية ثوانى
هابسى : استنى انا هعمل خليك انت
يوسف : المطبخ من هنا
هابسى: عارفة ماانا جبتلك ماية تشرب
يوسف : شكرا على تعبك معايا
هابسى: العفو
دخلت هابسى وعملت الشاى وجابت باتية
هابسى: اتفضل حط سكر براحتك
يوسف : شكرا احكيلى بقى اية الحكاية بقى عشان انا مش فاهم أى حاجة
هابسى: ولا انا وحياتك هههه
يوسف: بابا سابك هنا وقال انك عروستى ازى مش فاهم حاجة
هابسى: اقولك انا تعرف هانى التهامى
يوسف : ايوة شريك بابا فى الشغل وفى صفقات كتير
هابسى: هو الشيطان دة اكيد السبب انا هحكيلك حكايتى بس لازم تسمعها كلها
يوسف : تمام انا سامعك
هابسى: بس لم اخلص هتحكى حكايتك انت كمان
يوسف بابتسامة: شور
هابسى: حكايتى بدات وانا . . .
. .
وظلت هابسى تحكى عن حياتها إلى أن شرقت الشمس
هابسى بدموع : دى كل حاجة عنى
يوسف : اتفصلى منديل وامسحى دموعك
هابسى تاخذ المنديل : شكرا
يوسف : اولا احب اطمنك ان جوزنا احنا هو إللى باطل عشان دون علمنا احنا الاتنين واكيد تزوير ولو مش تزوير عادى هطلقك وارجعك حالا لجوزك ليل وممكن تكتبو كتاب من الاول عادى وتعملو فرح بقى وتعزمونى
وثانيا انا مستغرب اوى خالك ووالدتك ازى كدة انا اسف بس هم بجد استحالة يكون فى شر كدة ومن اقرب الناس ليكى واكيد فكرة جوازنا سببها الرائسى الشراكة بين والدى وخالك
ثالثا بقى انا عاذر والدى متخيل ان كدة بيسعدنى لم يجوزنى واشوف حياتى مايعرفش ان حياتى انتهت مع مراتى وبنتى
وهحكيلك حكايتى
حكايتى ياستى بداءت من خمس سنين بس قبل كدة مش مهم ومش جديد ولا هيفيد فى حاجة
. .
