جـمـيلة حـارث

28

# زينة

جميلة :

مر اسبوع حالتي صارت احسن بس نفسيتي تعبانه لمن مات خالي وعرفت انو ابن خالي هم مات دخلت باكتئاب وكاعده كله بالغرفه كلش تعتبت نفسيتي وكلما اتذكر ذاك اليوم انرعب وأضل ابجي حيث اشوف خالي بالحلم هو الوحيد اللي جان الي ، جان قطعه من امي اجت فاطمه لزمت ايدي تريد تطلعني بالصاله مااريد اطلع

حجيت وانا ابجي : فاطمه روحي منا
نزلت دموعها وهَي تحجي : جميلة انا جاي اخفي كل وجعي بس علمود أقويكم مايصير كلنا ضعفاء انتِ اكيد حاسه بشعور فقدان الآب بس انا فقدت اخوي و ابوي بنفس اللحظة

ضلت تبجي كمت حضنتها وانا وياها نبجي
جميلة : خالي جان قطعه من امي جنت اشوف امي كبالي لمن راح حسّيت بوحده
.. وانا مجاي استوعب انا ابوي راح و اخوي راح

اجت ريتاج شافتنه نبجي نزلت دموعها وكالت
.. كومن امي تريدجن

رحنا لصاله وخاله حالتها سيئه ابنها مات و زوجها شعور صعب ، ضلت تحجي وهيه تبجي
ام احمد : بناتي حبيباتي هذا قضاء وقدر باجر رح يجون عالم يتغدون هنا ومن ضمنهم حارث و خواته

من كالت حارث رفعت راسي وضليت اباوعلها ، احس اريده لأول مره بحياتي احس الكل مايريدني بس هوه .

ام احمد / حارث ماقصر ويانا الفاتحه شالها كل هوَ رغم مانعرفه هواي ، مااخذ فلوس مني وكله هو لمن انتو بالمستشفى هو اللي ينام يمكم ويتفقدكم ، يجي يكلي شنو محتاجة ويأخذني للدكتور افحص ايدي ،جاب طباخ يطبخ اكل وكله هوه ينطي فلوس وكله عليه ليكول احنه عائلته ، ساعدنا كُلش هواي وما اعرف شلون اجازيه.

معقوله حارث سوه كل هذا ، مجنت ادري حارث سوه هيج لان محد حجه مجرد جنت اشوفه بالفاتحة واجن خواته بس

محجيت وياهن بس اجن يبوسني وعمي اجه هم بس ماشفته ، كمت من مكاني رحت للغرفه ودموعي ضلت تنزل كله بسببي اذيته ، مر اليوم وصار الصبح كعدت ع صوت

فاطمه تكعد بيه كمت غسلت ولبست كله اسود وحجابي اسود طلعت شفت نسوان كاعدات يبجن ويه خالتي رحت

للمطبخ ، طلعت من باب المطبخ شفت حارث دخل خواته و زهراء احت عيني بعينه ضَل دقيقه نوب راح وسد الباب اجت شمس تسلم عليه و رنا هم و زهراء ، سلمت عليهن ودخلن جوه مالي خلكك احجي شي .

حارث :

اليوم اروح اودي خواتي لبيت ام احمد هيَ طلبت يجن وزهراء ضلت تلح تريد تروح اخذتها وصلنا شفت الباب مفتوح دخلتهن وشفته واكفه باب المطبخ لابسه اسود وضعفانه وتعبانه وصايره مو ذيج اللي اعرفها ، رحت طلعت هما عدهم حسينية بره تصير يم البيت دخلت شفت زلم وشباب كاعدين سلمت عليهم .

جميلة :

دخلت جوه شفت البنات كاعدات رحت للغرفه كعدت ع الكرويته تطلع ع الشباك فتحت الشباك وضليت ابجي ، خالو ليش رحت مدريي ابجي عليه لو على علاوي لو على اهلي

اللي عافوني وحيده ، علاوي جان عزيز عليه جنت العب وياه ونسولف ولمن رحنا لاربيل كله وياي ونسولف ونضحك كلش أحبه فتحت تلفوني وصور انا وياه و صور ويه خالي ، شوي وشفت الباب انفتح دخلت شمس اجت كعدت يمي

حضنتني وكالت : حبيبتي كافي تبجين

حضنتها حيل وانا ابجي : ليش كل اللي احبهم يرحون
.. هذا يومهم
.. شمس اهلي راحو وبعدين خالو وعلاوي
.. هم السابقون ونحن اللاحقون

ضليت إبجي ودخلت زهراء و رنا انا ضليت حاضنه شمس ومااحجي شي وحطيت راسي ع رجليها وابجي

رنا : كافي جميلة لا تبجين والله يرحمهم

تقربت عليه وحطت ايدها ع چتفي : كُلش اعتذر منج على كُلشي صار

سكتت عنها لأن ما بيه احچي ولا كلمة ، ماحسيت بنفسي غير نمت ، لان صايره انام بس 3 ساعات باليوم وكله ابجي .

كعدت الدنيا ليل شفته مغرب كمت غسلت وجهي وطلعت شفت محد وخاله مشغله قران بس رنا وشمس و زهراء موجودات ..

حجيت والدمعة بطرف عيني : ليش محد كعدني
ام احمد : انا مارضيت احد يكعدج انتي صايره ما تنامين كلت خلي ترتاح

جميلة : الزلم راحو
.. يي بقى قليل و حارث كاعد يمهم

رحت للمطبخ شفت ريتاج تحجي ويه خطيبها طلعت من المطبخ وكعدت بالصاله بدون مااحجي صافنه ع التلفزيون : فجاة اجت ريتاج

.. بنات كومن حارث يكول رح نروح وجميلة حارث يريدج

البنات كامن وانا كمت رحت للمطبخ شفته واكف بالطارمه رحت يمه تقرب عليه ، والبنات صعدن بالسياره

يباوعلي وكال : بويه محتاجة شي تردين شي

نزلت راسي اخجل من نفسي احط عيني بعينه : سلامتك مااريد شي .
.. عندج فلوس
جميلة : اي ما محتاجة

طلع فلوس من جيب الدشادشه وانطاني رفضت اخذ بس هو ما قبل الا اخذ
.. ماتقصر
.. ليش منزله راسج

سكتت عنه وجان محد بالطارمه بس انا وياه وجنا واكفين ع صفحه ، رفع راسي بأصابعه جانت عيوني كلها دموعي وبدت دموعي تنزل ع خدي

عيونه بعيوني : ليش تبجين
شهكت وكتله : اشكرك هواي على وكفتك ويانا لو انتَ ماموجود جان محد سوه هيج ، مااعرف شلون اجازيك

باوعلي بحزن : انتِ جازيتيني وانطيتني درس

سكتت فهمت شنو يقصد كتله : اعتذر
.. ع شنو تعتذرين مايفيد الاعتذار انا اترخص وشنو تردين اتصلي وانا حاضر

راد يروح ولزمت ايده كتله
.. يي محتاجة شي
.. شنو محتاجة أمري
.. محتاجتك

ضَل ساكت ويباوعلي جر نفس قوي وكال :
بويه روحي ارتاحي انتِ حاليا تعبانه .
.. ولمن اشوفك كل تعبي يختفي

ضَل ساكت كتله : اعرف غلطت بس خفت اواجهك
:. مو وكته هذا الكلام
.. لعد يمتى وكته
.. وين تردين توصلين بكلامج انتِ مو رحتي وكلتي ماأريدك وهسه شنو تردين

.. اريدك

عاف ايدي وكال
.. شنو تردين اتصلي مع السلامه

عافني ونزلت دموعي دخلت بسرعه للغرفه ضليت ابجي اجت فاطمه وحضنتها
.. فاطمه احبه احبه
.. خلاص اهدي
.. هو مايريدني خلاص بعد ما يحبني
.. رح يرجع
.. شنو يرجع لو شايفته شلون يحجي وياي
.. رح يرجع

يتبع ..