جـمـيلة حـارث

9

#جميلة_حارث
#زاي_الربيعي

..

حارث : حبيب منو
.. درت وجهي وحطيت عيني بعينه ودموعي ع خدي ، نزلت راسي وتقدم على شمس ..

بشك : حبيب منوو ؟!
شمس : حارث المديره تريدك باجر
باوعلي  : لجميله لو لرنا
.. لجميله
تقدم عليه : شنو سوت

باوعتله :  شتريد المديره
باوعتله ودموعي ع خدي :  ماادري

نتر بيه : شمسويه
بجيت بصوت عالي وحجيت ويه شهكه : مامسويه شي
.. نشوف باجر

عافني و راح ، وره الصمت شي مرعب ، ركضت لغرفتي وابجي ، بدلت ملابسي وانا ابجي  ، حتى مااشتهي اكل كعدت ع السرير وأفكر شنو يصير باجر ،  كلش تعبت حتى

يمكن ابطل من المدرسه لان هواي مشاكل جاي تصير وكلش تعبت ، مجاي اعرف شلون اتصرف ، وينكم ماما وبابا ليش ما ضليتو وياي ، چان هسه ماما تنصحني وبابا يگلي لا تبجين .

نعست ونمت كعدت ب10 بالليل ، هلكد نمت محد حس بيه وكال خلي أشوفها ، كمت غسلت وجهي الباب مقفول ومالي خلكك احد ، حظرت الجدول ، وبديت ادرس كيمياء ، خلصت ب2 بالليل كلش تعبت ونوب طلعت احياء وبديت

ادرس لحد الساعه ب6 وانا ادرس بعد ماحاجة انام رغم كلش نعست ،  كمت بدلت ملابسي و لبست حجاب جاي اعدل بالحجاب واندگ الباب كلت
.. كعدت

.. اعرفها شمس لبست حذائي( تكرمون )  وأخذت الجنطه ونزلت شفت رنا كاعده تاكل كعدت اكل

شمس : ب 10 يجي حارث للمدرسه 

باوعتلها وسكتت انسدت نفسي ، كمت اخذت جنطتي وسمعت صوت السايق طلعت ، وصلنا للمدرسه عادي مرت الدروس ، چان عدنه درس رياضيات واجت المدرسه

صاحت باسمي ، وصاحت لطيبه نزلنا سوه و دخلنا للادراه واشوف اهل طيبه و حارث واكف يم المديره ، شفته حط عينه بعيني وعصبي كلش نزلت راسي .

المديره : باجر انطي وثيقه جميله

باوعت لحارث يعني رح يبطلني ، عادييي بعد مااهتم رغم جنت اريد ادرس بس تعبت هواي بسبب المدرسه ومشاكلها ، شفت اهل طيبه يحجون ويه المديره بس امها جايه وعادي ماسوت شي ،

المديره : جميله روحي جيبي جنطتج علمود ترحين وصيحي لرنا

بدون مااحجي رحت لصف رنا وأخذتها و رحت لصفي اخذت جنطتي ، نزلنا سوه لكيت حارث يدخن بالسياره صعدت رنا كدام وانا وره ، اخاف اصعد يمه ، وصلنا للبيت والخوف امتلكني ، بالسياره كلش هادئ ما حجه ولا كلمه نزلنا وركضت للغرفه قفلت الباب وكلبي يدك سريع نزلت دموعي ، نزعت الحجاب وضليت بملابس المدرسه خايفه منه اعرفه رح يسوي مشكله ... شوي واندك الباب

.. اذا ما تفتحين الباب هسه اكسره
خفت هواييي وضليت ابجي : والله مالي دخل
.. فتحي خلي نتفاهم
.. شنو رح تسوي
.. فتحي

حطيت ايدي ع الباب وانا ارجف ، انا طول العمر وياه يعني مااكدر اهرب منه فتحت الباب وبس فتحته هجم عليه .. لزم ايدي احس ايدي انخلعت قفل الباب ...

نتر بيه : طالعه ويه واحد
.. لاااا والله مطلعت
.. لج لا تجذبين
.. والله مالي دخل

.. بده يصيح عليه صوته عالي اجت شمس بالباب واسمع صوت عمي فجاة صاح عمي

.. حارث افتح الباب خلي نتفاهم
.. بويه ماكو شي نتفاهم بي ..

.. عمي ضَل يصيح عليه وراح فتح الباب صاح
.. تعالو وراي

.. رحنا سوه لغرفه عمي وسد الباب وكال
.. عرفت كلشي من رنا
.. عمو والله مالي دخل
.. انا عندي كلام ومارح أناقش .. جميلة تزوجين حارث

درت وجهي ع حارث اكيد لاا ... ماانكر انو حارث هواي اهتم بيه وكلشي اريد يصير .. بس ابدا ما مفكره اتزوج هسه .. كمت وكفت

.. عمو انا مااريد
حارث: بويه شوفها صايره صلفه وترد الكلام
.. عمو مااريد اتزوج هسه يعني انته تقبل تزوج بناتك بهيج عمر .. عمري 15 سنه مااكدر

.. بنيتي تزوجي ومثل هسه جاي يهتم بيج رح يتزوجج ومارح يتغير شي

.. عمو افهمي مااكدر
شفته كام وكف وكال

.. رح نتزوج غصب عنج
.. مااتزوجك  انا اريد اروح لبيت خالي

شفته عَصّب وكال
.. انسي هذا الموضوع

رحت كعدت يم عمي
.. عمو حباب انا مااريد اتزوجه واريد اروح لبيت خالي انا مااريد اعيش هنا ماانكر تربيتكم وحبكم الي بس اريد اروح لبيت خالي

ابو حارث: بس تخسرين رجال نفس حارث
.. عمو انا مااريد اتزوج خلوني اروح لبيت خالي

.. بويه حارث اخذها لبيت خالها
باوعتله : اريد اضل عدهم
.. بنيتي شنو تضلين انتي وحده من بناتي
.. والله اقدر كلامك بس اريد اروح
.. بويه حارث خليها تبقى بيت خالها

شفته عَصّب هواييي وطلع بست راس عمي وسحب ايدي كال .. بويه خسرتي واحد يحبج مثل حارث

.. عمو الحب مو هيج هو امتلكني هواي وانا تعبت انو أقاوم
.. هاي حياتج وانا مااجبرج وترحين لبيت خالج بكيفج بس خسرتي حارث

كمت من يمه وصعدت لغرفتي وابجي .. نزعت ملابس المدرسه .. تعبت هوايييي مجاي اعرف شي محد جاي يكون وياي و ينصحني او يكلي شي ...

يتبع ...

——————
رغم كُلشي ديصير وياي جاي احاول انشر واعدل البارتات ، بنات هواي اعتذر ، ان شاءلله ما تتكرر .