جـمـيلة حـارث

10

#جميلة_حارث
#زاي_الربيعي

يكول حارث :
من كَانت قلبي اصبحت سهمًا
يصيب قلبي ،
كنتُ لها سندًا وأصبحت لي خنجرًا .

""

مر 3 ايّام والبيت هدوء ، وحارث سافر للبنان ، حتى ما كال ولا ودعني .. حارث هو وصديقه عدهم شغل هناك مدريي شنو بس انو يأسسون شغل بلبنان ، قررت اروح لبيت خالي نفسيتي تعبت دخلت اكتئاب مااحجي ويه احد اكل وحدي وكله بغرفتي ، اخذت اغراضي وملابسي ونزلت لعمي علمود اكُله باجر اروح ...

جميلة.. عمو عادي ادخل
.. تعاي بنيتي

.. شصاير وياج بنيتي صارلج 3 ايّام مختفيه لا نسمع صوتج ماكو عركاتج انتي و رنا

.. عمو انا اريد اروح لبيت خالي باجر
.. بنيتي فكري بالموضوع لا تنسين انتي تربيتي و كبرتي هنا وانا مارفضت انو ترحين هذا قرارج واذا مامرتاحة هنا بكيفج ..

.. عمو جد انا اريد ابقى بس جد تعبت اروح لبيت خالي احسن وتخلصون مني
.. لا تحجين هيج انتي بنيتي انتي قطعه من اخوي

كمت حضنت عمو كتله
.. الله لايحرمني منك

.. صعدت فوك مالي واهس شي ، حطيت الجنطه على صفحه وكعدت على السرير ، لميت رجلي لصدري حطيت راسي بين رجليه ، ضليت مااعرف شنو اختار شمس مدري

شبيها وياي هالأيام و رنا حايره بنفسها ، هذا حال لمن تكون يتيم و ماعندك احد ، تنذل هواي وتسكت حتى تأمن على نفسك من العالم ، بعد اسبوعين يصير عمري 16 وادخل بعمر جديد ، كمت حطيت راسي ع المخده ونمت .

صار وكت روحتي كمت بدلت ، لبست جينز و تشيرت و عبايه مفتوحه وعدلت حجابي ونزلت جنطتي ، نسيت شي رحت ركض للمجر لكيت البوم صوري انا و حارث أخذته و فد صوره حاطته بايطار اخذتها .. شلون نسيتهن نزلت جوه شفت شمس دموعها ع خدها ، رحت حضنتها

.. لا تبجين اصلاً رح ترتاحين من مصايبي
.. سكتي لا اموتج رح افتقدج
.. وانا هم

اجت رنا وهيه تبجي
.. بعد منو يدرسني رياضيات
.. ولا يهمج اجي اشوفج وادرسج

ضلينا نحجي و شفت خالي اجه رحت بست عمي وسلمت عليه وصعدت بالسياره . وصلنا لبيت خالي بيت بسيط خالي مو هلكد متمكن بس الحمدالله عنده يعيش زوجته و أطفاله ،

دخلت وشفت مرت خالي اجت تبوسني وتحضن بيه ، وبنات خالي عنده 3 ( ريتاج الجبيره مخطوبه - فاطمه الوسطانيه عمرها 18 - مريم الصغيره نفس عمري ) و ( احمد عمره 12 ) و ( علي عمره 9 )

يسلمون عليه وكعدنه نسولف ، مرت خالي ( جنى ) كلش حبابه ، جانت صديقة امي وأخذت اخوها ، اخذوني للغرفه ويه مريم اثنينه بالغرفه حطيت اغراضي ، و الولد بغرفه ،

و ريتاج و فاطمه بغرفه ، جانت غرفة مريم وحدها لان چانت تريد غرفتها وحدها و لمن تروح ريتاج رح تبقى الغرفه لفاطمه علمود كُل وحده غرفتها ، لكيت حاطه أغراضها على جهه علمود احط اغراضي .

مر يومين .. بيت خالي كلش حبابين وياي بس داخلي نقص ، مشتاقتله هواي ومشتاقه اسمع صوته صح جان معقد بس دلاله الي مستحيل اشوف احد يدللني نفسه ، صارلي اسبوع ما شايفته ، قررت ارجع لمدرسه ويه مريم نداوم سوه ، نداوم مدرسه حكومي ، انا جنت بمدرسه اهليه لأن حارث ما يأمن بالحكومي يكول ماكو مراقبه ، خالي اخذ النقل مالتي بس رفضت المديره كالت اله ابن عمها ، انا مارحت لحارث راح خالي ، واجه جايب النقل معقوله مرتاح مني .. مايريدني !..

رجعت ادرس ويه مريم وبدينا نداوم سوه ، بس مااحب أصادق تعلمت منه دوم يكلي الصديقات ما يفيدن ، اكو بنات سوء ابتعدت عنهن ، كعدت انا ومريم سوه جانت مريم كاعده يمها صديقتها بس كامت وكعدنه اول رحله ، ابتعدت عن البنات مرات مريم تروح ويه صديقتها اضل وحدي بالصف .

** عند حارث .

شمس: بعد ما راحت جميلة الكل ساكت ، البيت هدوء كلش ضجنا رغم جنت مااحجي وياها بس علمود ماتسوي مشاكل ، لمن راحت الكل ساكت وبغرفته ، رنا تروح للمدرسه وحدها وترجع ، رغم چانت هادئه لكن فقط وجودها كافي و عركاتها هيه و رنا و تجي تبجي لأن رنا تأذيها وبعدين يتصالحن ، لمن كلت لحارث وكلش عَصّب لان راحت بدون علمه ، لمن رجع من لبنان جان ساكت وماحجه شي ، وكتله يرجعها ، كال ترجع برجليها ،

اجه خالها ياخد نقلها ، وحارث راح وياه للمدرسه ، وقتها حارث عرف خسرها وهيه خسرته ، بس لمن رجع جان عصبي وكسر الغرفه ويصيح ، ويكول ما تستاهل كل دلالي وتعبي الها ، من ذاك اليوم حارث متغير مو ذاك حارث صاير بارد كلش ....

يتبع ...

—————-
ان شاء لله اليوم انزل بارتين وره هالبارت ، انتو تدللون ورأيكم بالأحداث ؟