جـمـيلة حـارث

23

#زاي_الربيعي

جميلة : اثنينا غلطنا ولازم نتحمل هذا الغلط الله يخليك حارث روح هسه زهراء تنتظرك

حجه بهدوء: لازم نحجي انا رايح بس راجع

سكتت عنه بعد عني وراح طلع ، بدت دموعي تنزل ضليت ابجي حسّيت روحي طلعت تعبتتت ، رحت غسلت وجهي فتحت الشباك بديت استنشق الهوا لان اختنكت دموعي

تنزل بحرگه ع خدي ، هيج اليتيم ينذل بالحياة يعني لو عندي اهل چان عشت تحت رحمة العالم وشفقتهم چان هسه عندي ام تجبر بخاطري اذا بچيت وآب يسندني و يكون اسدي ، واخت احچيلها كُل اسراري بدون خوف ، وأخ يسندني بقوة التعب والشدة ويوكف بظهري ، سديت الشباك ورحت حطيت راسي ع المخده خلاص حارث انتهى كلشي ، وماكو كلام بينا ، انتهى كلشي ، كلمة واحدة دخلت گلبي وكسرته و دتأذيني هوايي ، نمت وكعدت ثاني يوم الساعه ب5 ونص ع المنبه كمت غسلت وجهي شفت رساله من بت خالي

فاطمه : صباح الخير ب6 ونص نجي عليج حظري نفسج ب9 نطلع

رديت : تمام

رحت طلعت الجنطه انا محضره كلشي ، مااعرف بس احس نفسي جاي اغلط هوايي ، لازم اروح حتى ارتاح ويرتاحون مني ، لبست هذا

.. مااعرف شنو رح اكول الهم وشنو رح احجي كلشي صار سريع ، بس مااريد أواجه حارث مااريد احجي وياه ، شفت شمس دكت عليه الباب عبالها انا نايمه رجت فتحت الباب شافتني وتفاجأت

شمس : وين رايحه
حجيت بتردد : شمس انا رح اسافر
انصدمت : شنوو ؟؟
حجيت بحزن : شوي ورح يجي خالي
.. انتي شنو تحجين تخبلتي اليوم اول صباحيه حارث ولمن رح يعرف رح تصير مصيبه

.. مارح يعرف
.. شلون
.. اذا سئل عني تكولون نايمه
.. واذا كال روحو كعدوها
.. كولو ماترضى تكوم
.. وشلون رح تطلعين هسه
.. النسوان وين كاعدات
.. بغرفه الضيوف
.. لعد اطلع من باب المطبخ انتي دبري الموضوع
.. لا تسوين هيج شنو رح يحجون هسه يكولون شردت

.. انا ماشردت انا كتلج رح ارجع وره العرس
.. بس انتي رح تسافرين
.. يي رح ارجع مجرد اتونس
.. وين ترحين
.. لاربيل
.. وشنو اكول لحارث اذا درى
.. كولي اله كلشي  بس اتمنى يدري وره الساعه 9
.. جميلة لا تسوين هيج لا تاذين حارث