جـمـيلة حـارث

4

#جميلة_حارث
#زاي_الربيعي

لَو مال قلبي عَن هَواك نَزعته
وَشَرَيت قَلباً فِي هَواك يَذوب
آيات حُبِك في فؤادي أحكِمَت
مَن قال أنّي عَن هواك أتوب ؟

"" جميلة

رجعت للبيت ابجي شفت شمس كبالي ضلت تسئل بيه رحت صعدت وانا ابجي خايفه اترك الدراسه وكل بسببي انا ليش مشيت وياهن اصلاً شلون اطلع من المدرسه هسه المديره عبالها اركض وره الولد كمت بدلت وانا ابجي مسحت دموعي ونزلت بس دموعي بعدها تجري وانا امسحها رحت لشمس جانت تصب الغده

شمس/ تعاي شبيج
جميله/ شمس باجر المديره تريد ولي امري

عافت الماعون وكالت
.. شمسويه
.. طلعت من المدرسه
.. اذا على هاي تمام شنو جنتي تردين

حجيتلها كلشي وضلت تدك على وجها
.. ولج هسه وين انطي وجهي كدام حارث

جميله/ شمس حبابه روحي انتِ ولله اذا حارث يروح تصير مشكله
شمس/ ولج شنو اروح هو منع روحتي يكول ماترحين
جميله/ وهسه شنو اسوي
شمس/ اخخ منج جميله اخخ شلون ترحين ويه هذن وانتِ تدرين بحارث مانعج من البنات 

جميله/ يي مليت كاعده وحدي
شمس/ روحي كليله مو تجين الي هسه سكتي وانا بعدين اتصرف

.. حطينه الغده واجه حارث لابس دشداشه سلم وراح صعد ،  عمو دوم يتغده بره بالديوان ويه أصدقائه هم نفسه كبار ، اما حارث مايحب بكثر ياكل وياهم كعدنه نتغده وانا كاعده يم شمس .

شمس/ خويه باجراروح ويه البنات للمدرسه
.. ليش
شمس/ اريد اگوم رنا كعدوها بالاخير
.. انا اروح
.. لا ليش اتعبك
.. لا عادي

.. لا انا اروح انته روح الديوان ينتظرك الصبح
.. لا تعاندين باجر ماعندي ديوان الصبح كافي

.. ضليت اباوع بخوف وشمس خطيه خايفه عليه كالت
.. على راحتك
حارث/ جميله روحي جيبي خبز

رحت جبت خبز وانطيه وانا ارجف
باوعلي من فوك ليجوه وحجه : شبيج ترجفين
.. ها مابيه شي

..  خوفي رح يكشفني خلص حارث غده وانا كاعده يم شمس كتلها
.. شمس شنو اسوي
.. بعد ماكو حل لازم يعرف
.. والله تصير مشكله
.. كافي سكتي

.. عفت كلشي وصعدت فوك ابجي شوي ودخل حارث للغرفه ضَل يباوعلي وانا حاضنه المخده وابجي انا متعوده اقفل الباب اليوم مدري نسيت أقفله وهو يدخل بدون مايدك الباب هاي عاده مايبطلها ، ضَل يباوعلي

.. شبيج تبجين
.. ها مابيه شي

.. اجه تقرب سحب ايدي وجرني اله
.. لا تجذبين شبيج
حجيت بنتر : حارث كتلك مابيه شي
نتر بيه : شبيج تصيحين
.. بس تعبانه وابجي اخاف مامجاوبه بالامتحان
.. لا ان شاءلله مجاوبه نامي علمود تكعدين تدرسين
.. حارث خليي شمس تروح باجر

.. لا انا اروح مااريدها تتطلع كلشي ويصير ، ليش بيج شي
.. ها لا بس ردت تروح ويانا
.. تمام

.. راح وانا رحت قفلت الباب وحطيت راسي على المخده نمت بدون مااحس كعدت العصر على صوت الباب كمت فتحته لكيت حارث كبالي

.. ليش قافله الباب
.. نسيته مقفول
.. لا تقفليه مره ثانيه وتعاي اكوي دشداشتي
.. اغسل واجي
.. انتظرج

.. رحت غسلت ودخلت غرفته وانا ارجف احاول ماارجف لان هو يكشفني بس ارجف يعرف مسويه شي وخايفه كاعده يكلب بالتلفون كويت الدشداشة وانطيتها اله

.. شبيج ترجفين خايفه مني
.. ها لا بس يمكن تمرضت
.. اجيبلج علاج وياي
.. لا عند شمس موجود

.. طلعت ركض من الغرفه ورحت لغرفتي عدلت شعري خليته مفتوح لان ياذيني بس أسده ، حضرت الجدول وخايفه من باجر ،  كعدت ادرس ومر اليوم نمت وحارث ماجاي كعدت على صوت شمس كمت غسلت وجهي وبدلت ولبست حجابي ونزلت واشوف حارث بوجهي كاعده على ميز الطعام ..

جميله : صباح الخير
الكل: صباح النور
باوعت لحارث : حارث شعجب كاعد من الصبح
حط عيونه بعيونه وحجه : انا اخذجن وابدل مكان رنا
.. ها

كعدت اكل بس كلش متوترة اعرف رح تصير مشكله ،  كمت اخذت جنطتي ردت اصعد وره صاح
.. تعاي كدام

اجيت كدام ورنا وره شفته يباوعلي درت وجهي عليه
.. انتي شبيج من امس شمسويه
.. مابيه شي
.. ليش ايدج ترجف

... يتبع