جـمـيلة حـارث

14

#زاي_الربيعي

جميلة : دخلت للبيت شفته مرتب ونسوان مو هلكثر اتوقع عازمين بس اللي يعرفوهم شفت بنات نفس عمري يركصن وبنات عدهن اطفال ، نزعت العبايه وحجابي واشوف النسوان بس يباوعلي هاي شبيهن اتوقع مستغربات اول مره يشوفني ، رحت وكفت يم شمس ، اشوف رنا نسولف ويه العروس فرحانه عليها والله نستني ، اجت وحده تقريبا نفس عمري ..

فرح : انتِ اخت العريس
باوعتلها : لا بنت عمه
.. اها انا بنت خال العروس
ابتسمت : هلا بيج

ضليت ساكته وهيه راحت ، اشوف البنات يباوعلي بنضره خايسه ويععع هاي شبيهن ونوب كاعدات يتكبرن ويصورن ، فد اكره هيج نماذج كعدت ع الكرسي وحطيت

رجل ع رجل رجليه طلعن البدله مفتوحه انا لبست ذهب من شمس هيه انطتني رغم مااحب الذهب هواييي .. حتى شمس ورنا لبسن ذهب ، عمي گايل لبسن ذهب ، فتحت تلفوني مالي خلكك احد احس نفسي ما انتمي لهذا المكان .. راسلت بت خالي بس هيه تفهمني وتعرفني

.. هلا فاطمه
.. ليش ماتردين
.. اليوم خطوبه حارث
.. شنووو يمته صار هيجي
.. ماادري فاطمه رح اموت
.. وهسه شنوالوضع يمج
.. ماكو شي كلها كاعده وركص و انا كاعده ع صفحه فاطمه انا ما انتمي لهذا المكان مااعرف احد

.. رنا وشمس وين
.. رنا تسولف ويه العروس و شمس ويه ام العروس
.. باعي حاولي تهدئين
.. شنو أهدئ والله رح ابجي
.. نجبي انتي قويه شنو تبجين
.. شسوي
.. ضلي بمكانج لا تسوين شي ولا تحجين ويه احد
.. ولج فد متكبرات
.. ويععع رسلي صورهن
.. انتظري

صورتهن بدون مايدرن ورسلتها الها ..
.. باعي هاي العروس وهذن مدري منوو بس ويعع متكبرات
.. باع الخلقه تلعب النفس
... خيولن
.. يمته تجين النا
.. بعد يومين العرس ويخلص واجيكم لان هنا مللل
.. يي تعاي يمكن رح نروح لاربيل
.. مااروح انتو روحو انا شيدخلني
.. نجبي انا اختي شنو تحجين هيج
.. جد فاطمه احس نفسي اثگل عليكم
.. سكتي احسلج
.. يي ومنو يروح
.. انا وانتي ومريم واحمد وعلي وامي
.. وريتاج
.. خطيبها ما يقبل
.. عشتووو
.. يي يكلها كله ولد
.. ويعع اكلج جعت
.. ام بطن اكلي
.. استحي اكوم
.. عشنوو تستحين
.. ثول مثلاً شنو اكل رح اجي اموتج
.. ثول
.. ولي ولي خلي اكوم اطلع بره هنا اختنكت
.. روحي

رحت لشمس
باوعتلها : شمس اريد اطلع اختنكت
دارت عليه : روحي بس مو تطلعين كدام الولد
.. تمام

لبست عباتي وحجابي حطيته باهمال شعري طالع نصه .. الكعب عالي وتعبت رجليه يوجعني طلعت شفت حديقه ونوب صاله الولد ، شفت الولد يدخنون بره ، هم هنا دخان وانا اختنگ ، شفت اكو درج رحت كعد عليه الدرج موجود بره

، و بعيد عن صالة الشباب مو كلش اشوف الصاله و الولد الصغار طالعين والشباب كاعدين بالحديقه بس حارث مو وياهم سمعت هوسات من الولد وردح ، المكان اللي كاعده بي اضلم هو الدرج اضلم اتوقع فوگ اكو شقه ، نزعت الكعب فتحت التلفون اباوع ع الانستا ، فجاة اشوف احد نزل من فوك درت وجهي اشوفه نفس هذا اللي قبل شوي شفته كمت عدلت حجابي ولزمت الكعب بايدي

باوعلي باستغراب : منو انتي
درت وجهي عليه : انته منو
ضحك : ههه انا اخو العروس
ابتسمت : هااا اعتذر بس كلش اختنكت جوه وطلعت هنا
رد الابتسامه : لا عادي انتي منو
.. بنت عّم حارث
.. انتِ بت عمه
.. يي
.. تشرفت بيج
.. الي الشرف لازم اروح
.. اذا تردين ابقي هنا محد والشقه فوك فارغه
.. مالتك هاي
.. لا مالت اخوي الجبير واجيت اخذ العصير
.. انا مااعرف احد لذالك اعتذر اذا سئلتك هواي
.. لا عادييي كعدي
.. محد يجي هنا
.. لا محد
.. شكراً
.. عفواً

رجعت بمكاني كعدت اول مره هيج احجي ويه ولد بس مااريد ادخل كلش اختنكت اكو محجر للدرج حطيت راسي عليه ونزلت دموعي احس نفسي رح اوكع ، ضليت أتنفس بصعوبة اريد اكوم مااكدر ، دوم تجيني هاي الحاله .. فجاة شفت ؟.

يتبععع..