جـمـيلة حـارث

15

#زاي_الربيعي

شفت نفس هذا الولد لازم ايدي
.. انتي بخيرر
.. اريد اغسل
.. امشي

لزم ايدي اخذني لمكان جبير هذا البيت ضعت بي جبير يعني كل مكان بصفحه ، رحنا لمكان جبير وفارغ شفت صاله محد بيها بس صوت أنفاسي القويه شفت حمام ماانتبهت للصاله وشنو بيها ، دخلت للحمام وهو واكف بالباب غسلت ايدي ومسحت دموعي طلع الجنطه احاول اعدل مكياجي ، عدلت وجهي ، درت عليه شفته بعده موجود ويباوع

حجيه بخنگه : وجهي مابي شي
ابتسم : لاا

طلعت حبوب وجع راس شربتها ، كعدت ع الكرويته اللي بالصاله حسّيت نفسي تمام كمت عدلت ملابسي وحجابي

.. شكرا الك
.. شبيج
.. مابيه شي بس احيانا يصير هيج وياي
.. شلون صرتي
.. تمام
.. ليش تبجين
.. مجاي ابجي بس تاذيت
.. انا حيدر انتي شنو اسمج
.. تشرفت بيك انا جميلة
.. عاشت الأسامي
.. شكرا بس طلعني من هنا لا احد يشوفنه ويفتهمنه غلط
.. لاتخافين مايصير شي امشي ارجعج

وصلنا لباب الصاله شكرته هواييي ودخلت شفت الركص والأغاني نزعت عباتي وحجابي ، اجت وحده كعدت يمي وتسولف .

.. انا نبا اخت العروس
.. هلا بيج انا جميلة بنت عّم العريس
.. شكد عمرج
.. 17
.. العمر كله انا 18

سكتت وهيه كالت
.. تدرسين ؟
.. يي ادرس وانتي
.. خلصت سادس

هم سكتت وهيه سكتت نوب كالت
.. تركصين
.. مااحب اركص
.. ليش شنو ماتعرفين
.. تقريبا اي
.. كومي نركص سوه
.. لا حبابه مااريد
.. بكيفج عرفيني عليج
.. مثل شنو
حجت بابتسامه : اهلج وين شنو اجيتو بس انتو واللي هناك عرفتهن عمات العريس و بنات عمج

رديت عليها : مااعرفكم هواييي رغم انتي بنت خالته بس مااعرفج
.. اللي هناك خالاتي وهنا زوجات خوالي
.. كم اخت وأخ عندج
.. احنه 7 بنات 4 ولد 3 .. اثنين اخوان متزوجين واحد عنده شقه والثاني بيت وحده ، واللي هناك زوجة اخوي الجبير والثانيه زوجة الثاني ، واخوي حيدر ما متزوج وهو مهندس ،،وعندي اختي الجبيره مسافره للخارج بالعرس تجي ، والثانيه زهراء وهسه خطبت ، وانا الثالثه ، و اللي هناك الصغيره اخر العنقود

.. تشرفت
.. ما كلتي وين اهلج
حجيت بحزن : انا يتيمه
.. اعتذر
ابتسمت بقهر : لا عادي

يتبع ..