جـمـيلة حـارث

21

#زاي_الربيعي

كمت عدلت نفسي .. نزلت شفت نص النسوان رايحات ضال قليل حاليا الساعه ب9 بالليل ضال

كلش قليل بس اَهلها وكم شخص رحت كعدت ع الكوشه وهنا يسولفن ويضحكن ، مااعرف هسه شنو تفكير حارث شنو جاي يفكر .

حارث : اليوم زواجي احس جاي اضلم بنت العالم وياي ، لان كلبي مو يمها ولا يريدها ، كلبي عند وحده غيرها ، اكبر غلط هو زواجي تندمت هواييي ، سبب انو تزوجتها اجه ابوها يمي

وجنا نسولف وكال انو احسن شي اخذ بنته وانو مايلگه مثلي ، وماكدرت ارفض ، اخذت اختي ورحت خطبتها ، بس حسّيت ضعيف انو ماكدرت ارفض واحس عقلي قضى على گلبي ، غلطت هواي وأكبر غلط انو مافكرت بحبي ألها ، لمن راحت جميله عشت ايّام تعب و إرهاق حيث انشغلت بس

بالشغل ، قررت انو اتزوج حتى أشوفها انو انا سعيد بدونها ، بس عرفت انو انا متعلق بيها ومااكدر بدونها ، المشكلة ما اريد أورط زهراء بيه وبس جميله تعرف

تصرفاتي ومتحملتني ولمن أصيح واعصب هيه الوحيده اللي تهديني ، تعرف شنو احب ومااحب وشنو اريد ومااريد ،

رغم زهراء وافقت ع كل طلباتي ، لمن شفتها بحفله خطوبتي جانت لابسه فستان ماعجبني وجنت اريد اموتها مااحب احد يشوفها غيري ، واشوف النسوان يشوفنها ، چنت مركز بيها اكثر من خطيبتي

أريدها الي بس هيه اللي خربت كلشي وانا هم خربت كلشي ، هيه ماوافقت انو تتزوجني وكالت ماتحبني هذا الشي اللي كسرني ، وخلاني اتصرف هيج وياها ، صرت بين أريدها

ومااريدها ، اليوم عرسي واللي بمكاني اليوم فرحان بس انا غير كاعد بمكاني والولد يركصون . وبس اباوع لرايح والجاي اجه واحد صغير كال

.. عمو عمو اختك تكول خلي يجي يدخل
.. انشالله

رحت باب البيت من بعيد شفتها واكفه باب الصاله ولابسه بنفسجي ، اشتعلو عشيرتج نوب مخصر ع جسمها والشعر

مفتوح ، مااحب تحط مكياج لان احب طبيعتها ، من تلبس عدسات تتغير وتصير احلى ، لمن حجيت وياها وسمعت صوتها حسّيت اريد اخذها هيه مو زهراء شصار بيه هلكد

احبها انا ، لا ياشيخ حارث شبيك تخبلت انته مو مراهق .. دخلت وأشم عطرها وصلت لزهراء بست رأسها و ومن كعدت شفتها من بعيد الضوه صاير عليها وع الفستان ..

اجت وحده تكلي اركص انته و العروس انا رفضت بس ضلت تلح نوب انا ماوافقت وكالت لنسوان الكل يكعد شنو احجي وياها استغفرالله كمت لشمس

.. بويه شمس مااريد اركص منا العالم هسه شيكولون الشيخ حارث يركص

.. من عيوني
شمس بصوت عالي: بنات عذرونه الشيخ مايحب يركص

رحت طلعت لان مااحب أتواجد بين النسوان طلعت واشوفها يم حيدر ومالابسه عبايه و البدله محضره عليه والحجاب ع

رأسها ونص شعرها مبين وتستر روحها بالحجاب ، عصبت كلش حيث رح اكتلها واكتل حيدر ،؟ معقوله من وراي كاعده تتمعشك ويا هذا ، طلعت انا وحيدر شوي وكال

.. حارث لا تفهم غلط
.. اسكت حيدر
.. خلي افهمك
.. مااريد افتهم شي
.. شبيك عبالك بينا شي
.. شنو بينكم شي لك احجي عدل ، شنو انتَ واكف يم بت عمي وهيه بلا عبايه شنو تسمي هذا ونوب قريب عليها هاي قلة أدب منك

.. جنت مجرد احجي وياها
.. وانته وين تعرفها
.. من الخطبه اعرفها
.. شنو ؟
.. اسمع خلي افهمك
.. اسمع حيدر اذا هسه حجيت شي يصير شي ماحلو أسكتت

عفته ورحت كعدت بمكاني صرت نارر انا اعلمج من وراي تسوين هيج ، ربيتج وتعبت عليج تالي هيج يصير ، ردت بس يخلص العرس

جميلة : مر ساعه بعدين الكل راح ماضل احد بس امها فقط حتى خواتها راحن ، الولد محد كالو خلي العروس والعريس يصعدون ،

ودخل حارث كمت وكفت شفته ضَل يباوعلي وعيونه نارر عبر من يمي ، راحو صعدو فوك صعدت شمس وراهم ، رحت صعدت اريد ابدل وانا وغرفه حارث وحده يم الثانيه يعني حايط على حايط شفت زهراء كاعده ع السرير وحارث يحجي ويه شمس فجاة اجت عينه بعيني ضليت دقيقه ، بعدين انتبهت ع نفسي ركضت دخلت لغرفتي ، رحت طلعت ملابس علمود انزل اساعد البنات

يتبع ..