جـمـيلة حـارث

7

#جميلة_حارث
#زاي_الربيعي

""

حچيت بهدوء : سؤال
.. جواب
.. انته مرتبط

.. شفته باوع مثل كل مره يباوعلي نظراته غريبه كتله
.. ليش متجاوب
.. وليش هذا يهمج
..انا كُلشي احچيلك وانتَ هم احچيلي

لمس خدي وحچه :
.. ماحاجة تعرفين

.. عافني وراح سكتت عنه هذا شكد إنسان غامض ، حطيت العصاير بالثلاجة وصعدت حطيت راسي ع المخده فجاة نزل عليه النعس .. نمت وكعدت ثاني يوم جانت الساعه ب10 ونص كمت غسلت ونزلت لكيت شمس و رنا يتريكن ...

جميلة: صباح الخير
شمس : صباح النور

كعدت اتريگ وياهن كلت
.. حارث طلع
رنا: من 8 طلع
.. ها

خلصت اليوم جمعه واكو عاده عند حارث انو اليوم سمچ علاقتي مو قويه بالسمچ بس غصب اكله ... جنت كاعده امشط شعري واسمع صوت شمس تكول.. حارث اجه ..

رحت نزلت شفته ستوه يريد يصعد باوعلي وكال
.. جنتي نايمه
.. لا بس امشط شعري

عافني و راح صعد ، رحت لشمس شفتها تسوي التمن . شوي ونزل حارث لابس تراك راح وره البيت جاب حطب بده يحط الحطب وانا يمه فجاة رفع راْسه وكال

.. لبسي حجابج منا العالم
.. يي قابل منو يشوف
.. شنو منو يشوف شبيج باعي السطوح

.. يي قابل منو كاعد بالسطح
.. بويه لا تخليني اعصب روحي

.. بدون مااناقش دخلت شكد غثيث رحت دخلت ماطلعت يمه بس يعارك شوي وكالت شمس
.. اخذي هذا السمج لحارث
.. هسه ماتروح رنا
شمس: جاي تسوي زلاطه ( سلطه) روحي انتِ

جبت حجاب ولبسته اخذت السمج شفته يباوع كال
.. لو نازعه الحجاب مو احسن
.. شبيك حارث قابل مو حطيت الحجاب
.. والشعر من وره طالع
.. اخذ السمج رح ادخل
.. انتي بسرعه تزعلين

حطيت السمج ورحت دخلت صعدت لغرفتي و شمس تصيح وراي ،شكد غثيث بس يريد يعارك .

يتبع..

.......
نشرت هذا البارت ويه البارت الـ6 لأن هذا قصير .